1 KORINHTU 14:8 - Jinghpaw Common Language Bible 2009

⁸ Pahke dum ai wa gaw mahku nsen hpe ginhka nna asan sha n dum n shaga yang gaw, kadai wa hpyen rawt na matu hkyen shajin lu na a ta?

Jinghpaw Hanson Version Bible

⁸ Pahke mung n ginhka ai hku dum yang, hpyen rawt na matu kadai hkyen na a ta?

1 KORINHTU 14:8 ပူးပေါင်းရင်းမြစ်များ

ESAIA 27:13

Dai nhtoi du ai shaloi, Asuri hte Egutu mung hkan bawng dung hkrum nga ai Israela masha ni yawng hpe shaga nhtang la na matu pahtau dum dat na ra ai. Shanhte gaw dai Madu a chyoi pra ai kawng ntsa na Yerusalem hta shi hpe sa nawku na mara ai.

YEREMIA 4:19

Machyi ai law! Ngai gaw dai machyi ai hpe n hkam lu nngai! Nye a myit masin! Nye a myit masin ja ja htuk htak nga li ai! Ngai atsin sha nga lu ai n rai; Ngai gaw pahtau dum ai nsen hte majan a jahtau garu ai nsen hpe na nngai.

YOELA 2:1

Karai Kasang a chyoi pra ai kawng, Ziun hta e, pahtau dum mu; shadum ai nsen shapraw mu. Yuda amyu masha ni e, hkrit gari nga mu! Dai Madu a nhtoi gaw kade n na yang du wa na ra ai.

AMO LAIKA (AMOS) 3:6

Mare kata hta majan pahtau dum ai nsen na yang, mare masha ni n hkrit na ma ni? Dai Madu gaw tsin-yam tsindam n dat dat yang, dai mare hta byin lu na rai nga a ni?

BU HKAWM 10:9

Nanhte a mung hta majan byin nna nanhte hpe sa htim gasat ai gumlau hpyen hpe nanhte nan ninghkap shadaw nhtawm dai pahtau ni hte majan byin kumla hku dum dat ai shaloi Ngai Madu nanhte a Karai Kasang nan nanhte hpe karum la ai hte gumlau hpyen ni a lata kaw nna hkye hkrang la na made ai.

1 KORINHTU 14:7

Sumpyi shing n rai, tingse zawn re ai asak n rawng ai madum sumpyi ni hpe yu ga! Dai madum sumpyi ni hta na ngoi ai mahku nsen hpe dan leng ai hku n shapraw lu yang gaw, dai mahku nsen hpe kadai wa gara hku chye ginhka lu na a ta?