1 KORINHTU 14:7 - Jinghpaw Common Language Bible 2009

⁷ Sumpyi shing n rai, tingse zawn re ai asak n rawng ai madum sumpyi ni hpe yu ga! Dai madum sumpyi ni hta na ngoi ai mahku nsen hpe dan leng ai hku n shapraw lu yang gaw, dai mahku nsen hpe kadai wa gara hku chye ginhka lu na a ta?

Jinghpaw Hanson Version Bible

⁷ Nsoi nsa n rawng ai baw ni mung mahku shapraw ma yang gaw, sumpyi rai timung, tingse rai timung, ngoi ai hku kaga ga n shapraw lu yang gaw, sumpyi dum ai hpa lam rai kun? tingse dum ai hpa lam rai kun? kadai chye ginhka lu na a ta?

1 KORINHTU 14:7 ပူးပေါင်းရင်းမြစ်များ

MAHTE 11:17

‘Anhte nanhte a matu hkungran poi hte seng ai sumpyi dum timung, nanhte n ka myit dai! Makoi mayang ai poi hte seng ai yawn hkyen mahkawn ni mahkawn ti mung nanhte n hkrap myit dai!,’ nga nna gat hkan e dung nga let hpung mi gaw hpung mi hpe marawn gintan hkat nga ai ma ni hte bung nga ma ai.

LUKA 7:32

Shanhte gaw, gat hkan e dung nga ai ma ni hte bung nga ma ai. Dai ma ni hta na hpung mi gaw kaga hpung mi hpe jahtau gintan nna tsun ai gaw, ‘Anhte gaw nanhte a matu, hkungran poi galaw chyai ai hku mahkawn sumpyi dum ya timung, nanhte n ka myit dai! Anhte makoi mayang poi galaw chyai ai hku yawn hkyen mahkawn, mahkawn ya timung, nanhte n hkrap myit dai!’

1 KORINHTU 13:1

Ngai gaw masha ni a ga hte lamu kasa ni a ga amyu myu hpe chye tsun rai ti mung, tsaw ra myit n rawng yang gaw, mahku rawng ai sumseng hte, ngoi gara ai shupsheng sha ngai tai nga nngai.

1 KORINHTU 14:6

Dai rai nna hpu nau ni e, ya e ngai nanhte kaw sa du nna, laklai ai ga amyu myu tsun ti mung, Karai Kasang kaw na shingran ga, chye chyang ai ga, Wenyi shung ya ai hte tsun ai mungga, sharin shaga ai ga, nanhte hpe n tsun dan made yang gaw, nanhte a matu hpa akyu nga a ta?

1 KORINHTU 14:8

Pahke dum ai wa gaw mahku nsen hpe ginhka nna asan sha n dum n shaga yang gaw, kadai wa hpyen rawt na matu hkyen shajin lu na a ta?

1 SAMUELA 10:5

Dai hpang, Hpilisti dap nga ai Gibea shara na Karai Kasang a kawng de nang sa wa na rai ndai. Shing rai mare chyinghka e, sumpyi dawraw, chying bau, larung sumhkran hte tingse ni hpe dum let kawng ntsa hta nga ai tawn hkungri na yu wa ai myihtoi hpung mi hte nang hkrum na rai ndai. Shanhte gaw ka manawt let jahtau garu na mara ai.