1 KORINHTU 14:6 - Jinghpaw Common Language Bible 2009

⁶ Dai rai nna hpu nau ni e, ya e ngai nanhte kaw sa du nna, laklai ai ga amyu myu tsun ti mung, Karai Kasang kaw na shingran ga, chye chyang ai ga, Wenyi shung ya ai hte tsun ai mungga, sharin shaga ai ga, nanhte hpe n tsun dan made yang gaw, nanhte a matu hpa akyu nga a ta?

Jinghpaw Hanson Version Bible

⁶ Ya chyawm gaw, hpunau ni e, ngai nanhte kaw sa du nna, ga amyu myu tsun timung, shingran ga, chye chyang ai ga, myihtoi ga hte sharin shaga ai ga, nanhte hpe n tsun dan made yang gaw, nanhte a matu hpa akyu nga na a ta?

1 KORINHTU 14:6 ပူးပေါင်းရင်းမြစ်များ

YEREMIA 16:19

Madu e, nang gaw ngai hpe makawp maga ai hte n-gun atsam jaw ya ai wa rai nga ndai; nang gaw ngai hpe ru tsang hkrum ai aten ni hta karum la nga ndai. Mungkan ga a jahtum de na amyu baw ni gaw nang kaw du sa wa nna, “Anhte a kaji kawa ni gaw hpara sumla ni hta kaga hpa mung n nga nga ai, dai ni gaw hpa akyu n rawng ai hte kaman lila hkrai rai nga ai.

YEREMIA 23:32

Dai Madu ngai nan tsun ai ga hpe madat mu! Masu magaw ga amyu amyu hte hpring nna, shanhte a yup mang shingran ni hpe tsun hkai ai myihtoi ni hpe ngai hkap daw na nngai. Shanhte a masu magaw ga ni, kaman lila grang ai ga ni, ndai yup mang shingran ni tsun hkai ai hte nye a amyu masha ni hpe lam woi shadam nga ma ai. Ngai gaw shanhte hpe shangun dat ai n rai, shanhte gaw ndai amyu masha ni a matu dik nna hpa karum shingtau ya lu ma ai n rai. Dai Madu ngai nan tsun ni ai,” ngu nna tsun ai.

MAHTE 11:25

Dai aten hta Yesu gaw, Sumsing Lamu Mungdan hte ginding aga a Madu Wa e, hpaji byeng-ya rawng ai ni hte myit kung hpan ai ni hpe n chye shangun hkra makoi magap da nhtawm, hpaji kata ai ni hpe madun dan ndai majaw, ngai nang hpe shakawn kungdawn nngai.

MAHTE 16:17

Dai rai nna Yesu gaw, “Yawhan a kasha Simun e, nang a lu ndai; ndai lam hpe yu maya masha langai mi hku nna nang n chye lu ndai; Sumsing lamu e nga ai nye Wa gaw dai hpe madun dan da ndai.

MAHTE 16:26

Bai, masha gaw mungkan ting hpe awm dawm madu lu da nna tinang a asak sum mat a yang gaw, shi a matu hpa akyu nga lu ta? Masha gaw, hpa gawng malai hkungga hte wa tinang a asak hpe shaw la lu na a ta?

KASA 2:42

Shanhte gaw Kasa ni a sharin shaga ai lam, rau kanawn mazum hpawng de ai lam, Madu a Shana Shat sha ai lam hte akyu hpyi ai lam hta htep lahti hkan nga ma ai.

ROMA 15:14

Nye a hpu nau ni e, nanhte gaw mai kaja ai lam hte hpring tsup nga nna machye machyang htak rai nga ai hte, nanhte shada da sharin jep lu nga myit dai hpe ngai hkum nan kam da made ai.

ROMA 16:17

Bai hpu nau ni e, nanhte hkam la sai sharin shaga ai lam hpe nhtan shai je hpre let, shabra sharun ai hte masha ni a makam masham hpe myit kataw shara shabyin ai ni hpe joi yu nna shanhte hpe koi yen nga myit ga, ngai nanhte hpe shadum dat made ai.

ROMA 6:17

Nanhte chyawm gaw shawng de kalang mi yubak mara a mayam ni tai yu manit dai rai ti mung nanhte hkap la kam sham sai sharin shaga ai lam hta na teng man ai lam ni hpe myit masin mahkra hte madat mara hkan sa manit dai majaw Karai Kasang a chyeju hpe ngai shakawn kungdawn nngai law!

1 KORINHTU 10:33

Masha yawng mayawng hkye hkrang la ai hkrum mu ga she, nye a matu mai kaja ai lam n myit ai sha, yawng mayawng a akyu hpe tam let, masha ni sharawng awng hkra galaw nngai. Nanhte mung ngai galaw ai zawn hkan galaw mu.

1 KORINHTU 14:1

Dai majaw nanhte gaw tsaw ra ai myit hpe jai lang na matu shakut nga ra myit dai. Wenyi chyeju kumhpa ni hpe ra marit nga mu. Grau nna dai mungga hpe hkaw tsun chye ai chyeju kumhpa hpe ra marit nga mu.

1 KORINHTU 14:7

Sumpyi shing n rai, tingse zawn re ai asak n rawng ai madum sumpyi ni hpe yu ga! Dai madum sumpyi ni hta na ngoi ai mahku nsen hpe dan leng ai hku n shapraw lu yang gaw, dai mahku nsen hpe kadai wa gara hku chye ginhka lu na a ta?

2 KORINHTU 11:6

Lama wa ngai gaw hkaw tsun shaga ai lam hta n kung ai wa rai hkra rai ti mung, kaja wa chye chyang ai lam hta gaw dai zawn n rai, anhte gaw aten shagu mabyin masa lam yawng hta ndai lam nanhte hpe asan sha mu chye shangun saga ai.

2 KORINHTU 12:1

Gumrawng ai lam gaw akyu n nga ai rai ti mung dai Madu kaw na shingran ni hte madun dan ai lam ni hte seng nna ngai gumrawng ai ga naw tsun nga nngai.

2 KORINHTU 12:7

Ngai mu lu ai jahtum chyalai mau hpa shingran a majaw ngai hta myit kaba gumrawng ai lam n nga u ga, nye a hkum shan hta ju machyi ai lam langai mi hkam sha nga nngai. Dai machyi ai lam gaw Satan wa e shangun dat ai kasa wa zawn ngai hpe abyen nna nye a gumrawng ai kawng hpe daw kau ya nga ai.

EHPESU 1:17

Nanhte Karai Kasang hpe grau nna chye chyap wa myit ga, anhte a Madu Yesu Hkristu a Karai Kasang ngu ai hpung shingkang rawng ai Karai Kasang gaw hpaji byeng-ya hte tau hkrau mu chye lu ai shingran atsam jaw lu ai Wenyi nanhte hpe jaw ya myit ga, Wa Karai Kasang kaw ngai ahpyi nga nngai.

EHPESU 3:4

Nanhte gaw dai ngai ka dat ai hpe hti yu ai rai yang Hkristu hte seng nna ngai chye na ai sung htum ai lam hpe nanhte sharin la lu na rai myit dai.

HPILIPI 3:15

Wenyi lam hta myit su kunghpan nga sai anhte ni yawng gaw, ndai myit masa hte maren myit nga ra ga ai. Rai ti mung nanhte nkau mi hta nhtan shai ai myit masa lama nga ai rai yang mung, Karai Kasang gaw dai hpe pyi hpyan dan na marin dai.

2 TIMOHTI 2:14

Masha ni hpe ndai lam shadum shahprang nga u; ga hte ndang kalang nga nna gasat ningjet n nga na matu Karai Kasang a man e shanhte hpe ja ja sadi jaw da u. Shing rai ndang kalang hkat ai lam gaw, hpa akyu n shabyin ai hta n ga, madat la ai masha ni hpe jahten shabya ai lam sha byin shangun nga ai.

2 TIMOHTI 3:10

Rai ti mung nang chyawm gaw nye a sharin shaga ai lam, nye a lai len hte, nye a asak hkrung lam hta shatawng shada ai lam ni hpe hkan sa nit dai, nye a makam masham nye a myit galu nna hkam sharang ai lam, nye a tsaw ra ai myit, nye a shakut sharang ai lam,

2 TIMOHTI 3:16

Dai Chyum Laika shagu hpe Karai Kasang shatsam ai hte ka da ai re ai majaw, teng man ai lam hpe sharin achyin ya na, shut ai lam hpe mara madun nna daru sharin na, shut shai ai lam ni hpe mye shading na hte jaw ai asak hkrung lam a matu matsun madun na akyu rawng nga ai.

2 TIMOHTI 4:2

Dai mungga hkaw dan na matu, chye na shangun na matu, mara madun nna daru na matu, n-gun jaw na matu, myit galu ai hte sharin shaga na matu, (du hkra ladaw ang ai rai ti mung, n ang ai rai ti mung) a shaja nga u, ngu nna ngai nang hpe shadut jahkat dat de ai.

TITU 3:8

Ndai ga gaw kangka re ai ga rai nga ai. Karai Kasang hpe kam sham ai ni gaw masha shagu a matu kaja ai hte akyu rawng ai mai kaja ai amu hpe myit lawm let aten jaw nna galaw nga mu ga lahta de tsun lai wa sai lam ni hpe laksan madung dat ahkyak shatai nna nang tsun shadum shahprang nga na hpe ngai ra nga nngai.

HEBRE 13:9

Shawoi n mu n na yu ai sharin shaga ai lam tsasam amyu myu gaw nanhte hpe dai teng man ai lam kaw na lam hkum woi shadam shangun myit. Lusha hte seng ai hkan sa tara ni hpe madat mara hkan shadik ai hku n re ai sha Karai Kasang a chyeju kaw na wenyi n-gun atsam hpe hkam la ai mahtang grau mai kaja nga ai; dai lusha hte seng ai tara ni gaw hkan sa shadik ai ni hpe hpa n karum lu nga ai.

2 PETRU 1:5

Ndai lam nan a majaw, nanhte a makam masham hta mai kaja ai lam, mai kaja ai hte chye chyang ai lam a shajat nga mu.

2 PETRU 3:18

Nanhte gaw anhte a hkye hkrang la ai Madu Yesu Hkristu a chyeju hte shi hpe chye chyang ai lam hta matut nna galu kaba kunghpan sa wa myit ga; ya e mung, htani htana prat ding sa e mung, Yesu Hkristu kaw hpung shingkang anga nga u ga law.

2 YAWHAN 1:9

Hkristu a sharin shaga ai lam hta n nga ai, dai hpe tawt kau ai wa kadai rai ti mung, Karai Kasang hte n seng ai Karai kata ai wa rai nga ai. Dai sharin shaga ai lam hta e ahkan nga ai wa kadai rai ti mung, Kawa yan Kasha hte seng nga ai.

1 SAMUELA 12:21

Lam shadam shangun ai hpara ni hpang de hkum hkan myit; dai ni gaw nanhte hpe karum ya lu ai n rai, dai ni gaw ajet n rai nga ai majaw nanhte hpe hkye la lu ai n rai.