1 KORINHTU 14:32 - Jinghpaw Common Language Bible 2009

³² Myihtoi shingran ga hpe hkaw tsun lu ai chyeju kumhpa hpe jai lang ai hta, hkaw tsun ai mungga gaw hkaw tsun ai wa hkang ai a npu e rai ra nga ai.

Jinghpaw Hanson Version Bible

³² myihtoi ni a wenyi ni mung, myihtoi ni a npu e taw na ma ai;

1 KORINHTU 14:32 ပူးပေါင်းရင်းမြစ်များ

2 HKAWHKAM 2:3

Dai yang e nga ai myihtoi hpung mi gaw Elisha hpang de sa nna shi hpe, “Dai Madu gaw na a madu hpe nang kaw na dai ni jang woi la na hpe nang chye da wu ni?,” ngu nna san mu ai. Shaloi Elisha gaw, “Rai sa ngai chye nngai; rai ti mung de a lam anhte n tsun jahta ga,” ngu nna htan wu ai.

2 HKAWHKAM 2:5

Dai yang e nga ai myihtoi hpung mi gaw Elisha kaw sa nna shi hpe, “Dai Madu gaw na a madu hpe nang kaw na dai ni jang woi la na hpe, nang chye da wu ni?,” ngu nna san mu ai. Elisha mung, “Rai sa, ngai chye nngai; rai ti mung de a lam anhte n tsun jahta ga,” ngu nna htan wu ai.

YEREMIA 20:9

Rai ti mung, ngai gaw, “Ngai gaw dai Madu hpe malap kau na nngai, shi a mying hta mahta nna galoi mung n shaga na ni ai,” ngu nna tsun ai shaloi, na a mungga gaw nye a myit masin kata hta wan zawn hkru nga li ai. Dai hpe hkam jan lu na matu kaja htum ai hku shakut ti mung, dai hpe loi mi pyi n lu sharang lu nngai.

KASA 13:1

Ya Antioki mare na hpung hta e myihtoi ni, sara ni nkau mi lawm nang nga ma ai; Dai ni gaw, Barnaba, shan chyang masha ngu ai Simun, Kureni masha Luki, Herod munggyi a kaji kaw nna rau ram kanawn manang rai nga ai Manaen, hte Shawlu ni rai ma ai.

1 KORINHTU 14:31

Zuphpawng hta lawm nga ai shawa masha yawng mayawng gaw sharin achyin ai lu la nna myit rawt sharawng awng ai lam lu la na matu nanhte nlang hte gaw langai a hpang langai mungga hkaw tsun lu na rai nga myit dai.

1 KORINHTU 14:33

Hpa majaw nga yang, Karai Kasang gaw kashuk kashak lam a Karai Kasang n re ai sha, ngwi pyaw sim sa lam a Karai Kasang she rai nga ai.

2 HTESALONI 2:2

Madu bai du sa na Nhtoi du ra ai, nga nna masha ni tsun ai ga a majaw, nanhte a myit mang ai lam hta akajawng sha myit shuk shak ai hte n zim n zam rai shamu shamawt mat ai lam n byin malit ga, nanhte hpe shadum shahprang dat nngai. Shing nga ai ga gaw, anhte myihtoi ga tsun ai shaloi, shing n rai mungga hkaw tsun ai shaloi, shing n rai laika ka ai shaloi lawm ai ga re ai ngu nna myit yang myit la na manit dai.

1 YAWHAN 4:1

Tsaw ra ai ni e, Wenyi hkam la lu ga ai nga nna tsun ai ni yawng hpe hkum kam nga myit; shanhte hkam la ai ngu ai wenyi gaw Karai Kasang kaw na yu wa ai wenyi rai nga ai kun? jep yu mu; hpa majaw nga yang, masu ai myihtoi ni law law wa shara shagu hkan du taw nga masai.

SHINGRAN 22:6

Dai hpang lamu kasa gaw, “Ndai ga ni gaw teng man nna kam ging nga ai. Myihtoi ni hpe wenyi jaw ya ai Madu Karai Kasang gaw, ahkying ladaw gade n na yang byin lu na ra ai lam ni hpe, shi a shangun ma ni kaw madun dan na matu, shi a lamu kasa hpe shangun dat nu ai.”