1 KORINHTU 14:3 - Jinghpaw Common Language Bible 2009

³ Rai ti mung Karai Kasang a mungga hkaw tsun ai wa chyawm gaw, masha ni hpe shadaw shangang ai ga, n-gun jaw ai ga, shalan shabran ai ga tsun dan nga ai.

Jinghpaw Hanson Version Bible

³ Myihtoi htoi lu ai wa chyawm gaw masha ni hpe shadaw shangang ai ga, shadum jahprang ai ga, shangwi shapyaw ai ga tsun dan nga ai.

1 KORINHTU 14:3 ပူးပေါင်းရင်းမြစ်များ

LUKA 3:18

Shingrai Yawhan gaw, kaga lam amyu myu hku nna mung, dai Kabu Gara Shiga hkaw tsun ai hte shanhte a lam ni galai shai wa shangun na matu shadum jahprang da mu ai.

KASA 13:15

Mawshe a Tara laika hte myihtoi ni a laika ni hpe hti ngut jang tara jawng agyi ni gaw shanhte hpang de masha shangun dat nna, “Hpu nau ni e, shawa hpawng hpe shadum jahprang n-gun jaw na mungga lu myit yang gaw, nanhte hpe ga shaga shangun mayu ga ai,” ngu wu ai.

KASA 14:22

Shan gaw, “Anhte gaw Karai Kasang a mungdan hta shang na matu ru yak jam jau law law hpe hkrum hkra lai di kau ra ga ai,” nga nna kam sham ai sape ni myit shangang ya let dai makam masham hta ngang kang grin nga na matu n-gun jaw shadum jahprang ma ai.

KASA 15:32

Yuda yan Sila gaw myihtoi mung rai nga ma ai majaw, shanhte hte aten galu galang ga shaga nna nden marai hte Wenyi n-gun atsam, lu la shangun mu ai.

KASA 4:36

Dai shaloi Kupru mung na Lewi masha Yosep ngu ai wa nga ai. Shi hpe kasa ni e Barnaba ngu nna mying hkawt shamying mu ai. (De a lachyum gaw shalan shabran n-gun jaw ai wa ngu ai re)

KASA 9:31

Dai majaw dai aten hte yang Yuda mung Galile mung hte Samari mung shara magup hkan e nga ai hpung gaw zingri zingrat n hkrum ai angwi apyaw sha nga lu nga ma ai. Dai hpung gaw Karai Kasang hpe hkrit hkungga ai myit hte asak hkrung shamu shamawt nna Chyoi pra ai Wenyi a karum madi shadaw ai hte ngang kang grin nga ai rai nna hpung masha ni law htam wa ma ai.

ROMA 12:8

shadum shahprang n-gun jaw chye ai chyeju kumhpa rai yang gaw shadum shahprang n-gun jaw ga. Masha hpe karan kachyan alu jaw chye ai atsam rai yang gaw n daw n hta jaw u ga, up hkang na ahkang aya chyeju kumhpa lu ai wa gaw shakut shaja let kasang kalang up hkang nga u ga, matsam dum chye ai wa gaw kabu gara ai myit hte galaw u ga.

ROMA 14:19

Dai re ai majaw, anhte gaw shada ngwi pyaw sim sa ai hku nga lu na lam shabyin ya nna, shada da Wenyi n-gun atsam lu la shangun ai lam ni hpe galoi mung myit yaw shada let agalaw nga ga.

ROMA 15:2

Anhte langai hte langai gaw, makam masham garai n ngang ai hpu nau ni a makam masham ngang kang wa hkra shanhte a mai kaja lam hpe tam let shangwi shapyaw nga ga.

1 KORINHTU 10:23

“Shanhte gaw, Anhte hpa rai ti mung galaw lu na ahkang lu ga ai,” nga nna shanhte tsun ma ai. Dai gaw teng nga ai, rai ti mung galaw ai amu yawng mayawng hte wa mai kaja ai n rai. Anhte gaw yawng mayawng galaw na ahkang lu ga ai, rai ti mung yawng mayawng wa shadaw shagrin lu ai n rai.

1 KORINHTU 14:12

Nanhte gaw Wenyi chyeju kumhpa hpe, ra marit nga myit dai majaw dai Hpung hpe galu kaba hkra gaw gap ai chyeju kumhpa ni hpe yawng hta grau nna jai lang nga mu.

1 KORINHTU 14:17

Chyeju shakawn ai nanhte a akyu hpyi ai ga gade wa kaja nga ai rai ti mung, kaga wa a matu shadaw shangang lu ai akyu mi nga na n rai.

1 KORINHTU 14:26

Dai rai nna hpu nau ni e, ngai ngu mayu ai gaw da ndai rai nga ai: Nanhte nawku daw jau na matu hpawng nga myit dai shaloi e, langai wa gaw mahkawn shakawn ai lam, bai langai wa gaw sharin ai lam, bai langai wa gaw shingran ga htai dan ai lam, bai langai wa mi gaw laklai ai ga amyu myu hku tsun nna, kaga langai wa mi gaw tsun ai ga a lachyum hpyan dan ai lam re ai ni hpe gun hpai nga mu. Nanhte galaw ai lam shagu gaw dai hpung hpe shadaw shangang ai lam shabyin u ga.

1 KORINHTU 14:31

Zuphpawng hta lawm nga ai shawa masha yawng mayawng gaw sharin achyin ai lu la nna myit rawt sharawng awng ai lam lu la na matu nanhte nlang hte gaw langai a hpang langai mungga hkaw tsun lu na rai nga myit dai.

1 KORINHTU 8:1

Ya nanhte laika hte san dat ai sumla ni hpe nawng jau ai lusha ni hte seng nna ngai tsun htai dan na nngai. “Anhte yawng hte wa machye machyang rawng ai ni hkrai rai ga ai,” nga nna shanhte tsun ai gaw teng nga ai. Rai ti mung, dai baw machye machyang gaw masha hpe gumrawng gumtawng shangun nga ai.

2 KORINHTU 1:4

Anhte ru yak jam jau amyu myu hkrum ai shaloi Karai Kasang anhte hpe karum la mani ai. Dai rai nna, anhte gaw Karai Kasang kaw na anhte hkam la lu sai shalan shabran ai chyeju hte nan ru yak jam jau amyu myu hkrum nga ai kaga masha ni hpe bai karum la lu ga ai.

2 KORINHTU 2:7

Dai wa gaw nachying n hkam sharang lu na daram re ai yawn hkyen ai hta n lup mat u ga, shi hpe mara dat ya nna shalan shabran ya mu.

EHPESU 4:29

Nse ai ga hkaw mi mung nanhte a n- gup na n pru u ga, madat mara nga ai ni a matu akyu byin hkra ra nga ai hte maren shadaw shalan na matu mai kaja ai ga sha atsun nga mu.

EHPESU 6:22

Dai re ai majaw, anhte yawng kaning rai nga ga ai lam shiga yawng nanhte hpe tsun dan u ga hte, nanhte hpe karum n-gun jaw ya na matu shi hpe nanhte hpang de shangun dat se ai.

KOLOSE 4:8

Anhte yawng kaning rai nga ga ai mabyin masa lam nanhte hpe tsun dan ai hte nanhte a myit masin shangwi shapyaw ai hkrum lu malit ga, ngai shi hpe nanhte hpang de shangun dat se ai.

1 HTESALONI 2:11

Kawa gaw tinang a kasha ni hpe yu gawn lajang ai zawn, nanhte langai hte langai hpe anhte yu gawn lajang lai wa saga ai lam nanhte chye nga myit dai.

1 HTESALONI 2:3

Anhte gaw shut ai lam hte n san n seng ai maw mawn ai myit hte langai ngai hpe hkalem hkalau mayu ai myit hte, nanhte hpe shadum jahprang ga ai n rai.

1 HTESALONI 3:2

Hkristu a Kabu Gara Shiga hkaw tsun ai hta anhte rau magam bungli galaw nga ai anhte a hpu nau wa Timohti hpe shangun dat ga ai.

1 HTESALONI 4:1

Jahtum e hpu nau ni e, Karai Kasang sharawng awng na matu nanhte kaning rai asak hkrung ra ai lam anhte kaw na nanhte sharin la manit dai. Nanhte dai lam masa hku nna asak hkrung hkawm sa nga manit dai. Dai hta grau nna galaw lu na matu Madu Yesu a mying nsang hta nanhte hpe anhte hpyi nem shadut jahkat dat ga ai.

1 HTESALONI 4:18

Dai re ai majaw, ndai ga ni hte shada da shangwi shapyaw n-gun jaw hkat nga mu.

2 HTESALONI 3:12

Shing rai nga ai masha ni gaw, atsawm sha hkrak ai hku nga nna tinang a kan bau bungli galaw let hkrung nga mu ga, ngu nna Madu Yesu Hkristu a mying nsang hta e anhte htet da ai hte sadi jaw dat ga ai.

1 TIMOHTI 1:4

Kaja wa n mai byin ai matsun maroi maumwi ni ji woi ji wa ni a ginru ginsa sagawn ai lam hpe galu galang tsun gawn ai lam ni tawn kau na matu shanhte hpe tsun u. Dai lam ni gaw ga li ga law ndang kalang lam hpe sha shapraw nga ai rai nna dai makam masham hte sha chye lu ai Karai Kasang a shatawng shada da ai lam hpe n shabyin lu nga ai.

1 TIMOHTI 4:13

Ngai sa du ai ten du hkra shawa masha ni a man de Chyum Laika hti dan ai lam, mungga htawn tsun ai lam hte sharin achyin ai lam hpe aten jaw nna atsam dat galaw shakut nga u.

1 TIMOHTI 6:2

Hkristan madu ni a npu e nga ai mayam ni gaw tinang a madu ni hpe maren mara hpu nau ni rai ma ai ngu nna n kaw n law n mai di ai; hpa majaw nga yang, tinang a galaw daw ai majaw akyu hkam sha ai ni gaw tinang ni tsaw ra nga ai kam sham ai ni rai nga ma ai majaw shanhte hpe grau nna pyi daw jau ra nga ai. Nang gaw ndai lam hpe sharin shaga nna hkaw tsun lu na rai ndai.

2 TIMOHTI 4:2

Dai mungga hkaw dan na matu, chye na shangun na matu, mara madun nna daru na matu, n-gun jaw na matu, myit galu ai hte sharin shaga na matu, (du hkra ladaw ang ai rai ti mung, n ang ai rai ti mung) a shaja nga u, ngu nna ngai nang hpe shadut jahkat dat de ai.

TITU 1:9

Shi gaw Hpung a sharin shaga ai lam hte myit hkrum nna kam hpa mai ai dai mungga hpe ngang ngang kang kang manoi manat ai wa, rai lu na rai nga ai. Shing rai yang she shi gaw dai teng man ai sharin shaga ai lam hte masha ni hpe n-gun jaw myit gang la lu na hte, dai mungga hte n htan shai ninghkap ai ni a shut ai lam hpe madi madun lu na rai nga ai.

TITU 2:15

Nang gaw ndai lam ni hpe hkaw tsun sharin shaga u. Nang n-gun jaw shadum shahprang sharin shaga ai shaloi nang lu ai ahkang aya nga manga jai lang u; kadai mung nang hpe n gawn n sawn, n yu kaji mu ga.

TITU 2:6

Dai hte maren shabrang ni mung, tinang hkum hpe hkang nna sari sadang hte nga mu ga, shadum shahprang nga u.

TITU 2:9

Mayam ni gaw tinang a madu a npu e taw nga nna lam shagu hta shanhte kaw myi man pa lu hkra ga nhkap n tsun ai hte,

HEBRE 10:25

Shada da hkrum zup hpawng de ai htung lai hpe nkau mi kau tawn da ai lam galaw nga ma ai; anhte gaw dai zawn n galaw ai sha, dai Madu bai du sa na shani ninghtoi ni wa magang ra ai hpe nanhte chye nga myit dai majaw, shada da grau nna n-gun jaw hkat nga ga.

HEBRE 13:22

Hpu nau ni e, ndai n-gun jaw shadum jahprang ai ga hpe hkam sharang ai hte madat la na matu ngai nanhte hpe lajin dat made ai; hpa majaw nga yang, ngai nanhte hpang de ka dat ai ndai laika gaw grai wa galu ai n rai.

HEBRE 3:13

Nanhte hta na langai mi mung yubak mara e hkalem hkalau ai hkrum nna du ja ai masha n tai myit ga, Chyum Laika hta tsun ai “Dai ni” ngu nna anhte a matu naw tsun lu ai laman hte hta, shani shagu shada da mahtang karum shadaw hkat nga mu.

1 PETRU 5:12

Ngai gaw ndai laika kadun ni hpe Sila a karum ai hte ka dat we ai; shi gaw ngai grai kam lu ai kangka ai Hkristan hpu nau wa langai mi rai nga ai ngu nna ngai sawn da ai rai nga ai. Ndai gaw Karai Kasang a teng man ai chyeju rai nga ai lam ngai nanhte hpe n-gun jaw let sakse hkam na matu ndai laika ka dat nngai, Dai hta ngang ngang tsap ngu mu.

YUDA 1:20

Rai ti mung nanhte chyawm gaw, tsaw ra ai ni e, nanhte a chyoi pra dik ai nawku makam masham hta npawt de nna tinang dai matut nna galu kaba sa wa mu. Chyoi pra ai wenyi n-gun atsam hta shamyet nna akyu hpyi mu.