1 KORINHTU 14:29 - Jinghpaw Common Language Bible 2009

²⁹ Karai Kasang a mungga hkaw tsun na matu shingran hkam la lu ai marai lahkawng masum tsun shaga nna, kaga ni gaw shanhte tsun ai hpe maram masam nga mu ga.

Jinghpaw Hanson Version Bible

²⁹ Myihtoi lahkawng, shing n rai masum tsun dan nga nna, masha shaje ni gaw maram masam nga mu ga.

1 KORINHTU 14:29 ပူးပေါင်းရင်းမြစ်များ

KASA 13:1

Ya Antioki mare na hpung hta e myihtoi ni, sara ni nkau mi lawm nang nga ma ai; Dai ni gaw, Barnaba, shan chyang masha ngu ai Simun, Kureni masha Luki, Herod munggyi a kaji kaw nna rau ram kanawn manang rai nga ai Manaen, hte Shawlu ni rai ma ai.

1 KORINHTU 12:10

Dai Wenyi nan kaga wa hpe lamik kumla galaw dan na atsam; kaga wa hpe myihtoi htoi na ahkang; kaga wa hpe Wenyi kaw na jaw ya ai chyeju atsam hte re ai n re ai hpe chye ginhka hparan lu ai atsam, kaga wa hpe ga amyu myu chye tsun na atsam, bai kaga wa hpe tsun ai ga a lachyum hpe htai sanglang dan lu ai atsam jaw shajang mu ai.

1 KORINHTU 13:2

Ngai myihtoi chye htoi ai hte sung ai lam yawng mayawng, chye chyang ai hpaji amyu myu hkum nga ai hte bum hpe jasit kau lu hkra re ai makam masham rawng ti mung, tsaw ra myit n rawng yang gaw, ngai hpa n rai nga nngai.

1 KORINHTU 14:28

Rai ti mung lachyum hpyan dan na masha n nga a yang gaw, laklai ai ga amyu myu tsun mayu ai wa gaw, dai Hpung hta e shi atsin sha nga nna, shi nan hpe mung, Karai Kasang hpe mung, shaga u ga.

1 KORINHTU 14:30

Rai ti mung dai hpawng hta dung nga ai wa langai ngai kaw Karai Kasang kaw na shingran ga du a yang gaw, ga shaga nga ai wa hkring mat u ga.

1 KORINHTU 14:32

Myihtoi shingran ga hpe hkaw tsun lu ai chyeju kumhpa hpe jai lang ai hta, hkaw tsun ai mungga gaw hkaw tsun ai wa hkang ai a npu e rai ra nga ai.

1 KORINHTU 14:37

Marai langai ngai tinang a hkum hpe Karai Kasang a kasa wa rai nngai, shing n rai, Wenyi atsam lu la ai wa rai nngai nga nna myit la ai wa gaw, Karai Kasang a hkang da ai hte ndai laika hpe ngai ka dat ai re ai lam hpe chye u ga.

1 KORINHTU 14:39

Dai re ai majaw hpu nau ni e, nanhte gaw Karai Kasang a mungga hkaw tsun na lam hta myit lawm sharawng awng nga mu, rai ti mung laklai ai ga amyu myu hte tsun ai hpe mung hkum hkum kau myit.