1 KORINHTU 14:27 - Jinghpaw Common Language Bible 2009

²⁷ Laklai ai ga hte tsun shaga na rai yang gaw, law dik marai lahkawng shing n rai, marai masum, langai a hpang langai shaga nna, langai wa gaw dai tsun ai ga lachyum hpe hpyan dan u ga.

Jinghpaw Hanson Version Bible

²⁷ Ga amyu chye tsun ai wa lawm a yang gaw, marai lahkawng, shing n rai marai masum n lai ai sha, langai a hpang langai tsun nga nna, langai mi gaw ga lachyum shapraw u ga.

1 KORINHTU 14:27 ပူးပေါင်းရင်းမြစ်များ

1 KORINHTU 12:10

Dai Wenyi nan kaga wa hpe lamik kumla galaw dan na atsam; kaga wa hpe myihtoi htoi na ahkang; kaga wa hpe Wenyi kaw na jaw ya ai chyeju atsam hte re ai n re ai hpe chye ginhka hparan lu ai atsam, kaga wa hpe ga amyu myu chye tsun na atsam, bai kaga wa hpe tsun ai ga a lachyum hpe htai sanglang dan lu ai atsam jaw shajang mu ai.

1 KORINHTU 14:13

Dai majaw laklai ai ga amyu myu tsun ai wa gaw, tinang tsun ai ga a lachyum tsun htai dan lu ai chyeju atsam lu la na matu shi akyu hpyi lu na rai nga ai.

1 KORINHTU 14:2

Laklai ai ga amyu myu shaga ai wa gaw masha kaga ni hte shaga hkat ai n rai, Karai Kasang hte she tsun shaga nga ai, hpa majaw nga yang, shi a ga hpe gade e mung n chye na ya mu ai. Shi gaw Wenyi atsam hpe lang nna makoi magap da ai lam ni hpe tsun nga ai.

1 KORINHTU 14:26

Dai rai nna hpu nau ni e, ngai ngu mayu ai gaw da ndai rai nga ai: Nanhte nawku daw jau na matu hpawng nga myit dai shaloi e, langai wa gaw mahkawn shakawn ai lam, bai langai wa gaw sharin ai lam, bai langai wa gaw shingran ga htai dan ai lam, bai langai wa mi gaw laklai ai ga amyu myu hku tsun nna, kaga langai wa mi gaw tsun ai ga a lachyum hpyan dan ai lam re ai ni hpe gun hpai nga mu. Nanhte galaw ai lam shagu gaw dai hpung hpe shadaw shangang ai lam shabyin u ga.

1 KORINHTU 14:28

Rai ti mung lachyum hpyan dan na masha n nga a yang gaw, laklai ai ga amyu myu tsun mayu ai wa gaw, dai Hpung hta e shi atsin sha nga nna, shi nan hpe mung, Karai Kasang hpe mung, shaga u ga.

1 KORINHTU 14:5

Nanhte nga manga hte gaw, laklai ai ga amyu myu tsun na ngai ra nga nngai, rai ti mung Karai Kasang a mungga hkaw tsun lu ai atsam hte seng ai chyeju kumhpa hpe grau nna lu la shangun mayu nngai. Hpa majaw nga yang, laklai ai ga amyu myu chye tsun ai wa gaw, tinang tsun ai ga a lachyum hpe sanglang htai dan ai masha nga yang she dai Hpung hpe shadaw shangang lu nga ai. Dai n rai yang gaw, Karai Kasang a mungga hkaw tsun ai wa gaw laklai ai ga amyu myu hpe tsun ai wa hta grau nna hpu ging nga ai.