1 KORINHTU 14:25 - Jinghpaw Common Language Bible 2009

²⁵ Shi na la ai mungga nlang hte a majaw shi a myit masin kraw lawang jeyang daw dan ai hkrum ai hte shi a makoi magap da ai maw mawn ai myit dan dawng wa na ra ai rai nna, shi gaw gum dagup nna Karai Kasang hpe nawku let, “Kaja wa Karai Kasang gaw nanhte hte rau nang e nga nga a hka!” nga nna yin la na ra ai.

Jinghpaw Hanson Version Bible

²⁵ shi a kraw lawang na makoi magap ai lam mung dan pru mat na lu ai; shaloi shi a myi man dagup let, shi Karai Kasang hpe nawku nna, Gaja wa Karai Kasang gaw nanhte hte rau anga nga ai, nga nna kajai dat na ra ai.

1 KORINHTU 14:25 ပူးပေါင်းရင်းမြစ်များ

NINGPAWT NINGHPANG 44:14

Yuda hte shi a kahpu kanau ni Yosep a nta de shang wa ai shaloi, shi mung dai yang e naw nga nga wu ai. Shanhte shi a man e gum dagup nga ma yang,

SHAKAWN KUNGDAWN 72:11

Hkawhkam ni yawng hte gaw shi a man e, dingnyawm wa na mara ai; amyu masha ni yawng hte mung shi hpe daw jau na mara ai.

ESAIA 45:14

Dai Madu gaw Israela hpe, “Egutu hte Ehtiopi mung na sut gan ni gaw na a rai na ra ai, hkum shingyan galu ai Seba masha ni gaw na a mayam ni tai na mara ai; shanhte gaw nang kaw hpri sumroi gyit ai hte hkan nang na mara ai. Shanhte gaw na a man e gum dagup nna mara hpyi nem let, ‘Karai Kasang gaw nang hte rau rai nga ai, shi chyu sha Karai Kasang rai nga ai.

ESAIA 60:14

Nang hpe dip gamyet sha lai wa sai ni a aru arat ni gaw Shanhte a hkungga lara ai hpe madun na matu gum dagup na mara ai. Nang hpe lang mi n kaw n law di lai wa sai ni yawng na a lagaw nhpang e nawku na mara ai. Shanhte gaw nang hpe, ‘Dai Madu a Mare,’ ‘Ziun ngu ai, Israela a Chyoi Pra Ai Karai Kasang a Mare,’ ngu nna shaga na mara ai.

Daniela 2:47

Hkawhkam wa gaw, “Na a Karai Kasang gaw karai ni yawng hta galu kaba htum ai wa rai nna, hkawhkam ni a madu, makoi magap da ai amu ni hpe shadan dan ai wa rai nga ai. Ndai makoi magap ai amu hpe nang tsun shaleng dan lu nit dai majaw ndai lam ngai chye ni ai,” ngu nna tsun wu ai.

ZEHKARIA 8:23

Dai nhtoi hte yang, maigan masha marai shi gaw Yuda masha langai hpang de sa nna, ‘Karai Kasang gaw nanhte hte rau rai nga ai hpe anhte na saga ai majaw nanhte hte rau anhte rau hkawm sa mayu ga ai,” ngu nna tsun na mara ai.

LUKA 17:16

Yesu a lagaw nhpang e dingnyawm dagup let, shi a chyeju hpe shakawn ya wu ai, dai wa gaw Samari masha rai nga ai.

LUKA 5:8

Simun Petru gaw, dai byin ai lam mu jang, Yesu a lagaw nhpang e hput di dingnyawm let, “Madu e ngai kaw na wa mat u, ngai gaw yubak kap ai masha rai nga nngai,” ngu wu ai.

LUKA 8:28

Dai wa gaw Yesu hpe mu jang, jahtau nna shi a man e dingnyawm dagup let, “Tsaw Htum ai Karai Kasang a Kasha Yesu e, nang ngai hte hpa daw nga a ta? Nang ngai hpe n zingri n ga, ngai nang hpe hpyi nem nga nngai,” ngu nna marawn tsun wu ai.

YAWHAN 4:19

Shaloi dai numsha gaw, “Madu e nang myihtoi rai nga ndai hpe ngai dum chye se ai.

KASA 4:13

Kongsi hta lawm ai salang ni gaw hpaji n chye ai yu maya masha yan rai nga ai Petru yan Yawhan gade daram nden ja ai myit rawng ai hpe mu ma ai majaw mau mahka mat ma ai. Rai ti mung shawng de Yesu a manaw manang ni tai lai wa sai hpe shanhte dum chye ma ai.

TARA JAHPRANG 9:18

Dai hpang dai Madu a man e lang mi bai nhtoi mali shi ya mali shi na tup hpa mung n lu, n sha ai sha gum dagup let nga nga nngai. Nanhte gaw dai Madu hpe shut kau nna shi hpe masin pawt shangun manit dai majaw ndai amu hpe ngai galaw ni ai.

SHINGRAN 19:4

Shaloi, dai salang hkun mali hte asak hkrung ai dusat mali hte gaw, dingnyawm dagup nna, tingnyang hta dung nga ai Karai Kasang hpe nawku let, “Amen! Karai Kasang hpe shakawn kungdawn mu!,” nga ma ai.

SHINGRAN 5:8

Dai laika hpe lu la ai shaloi jang, dai dusat amyu mali hte salang hkun mali gaw, dai Sagu Kasha a man e dingnyawm ma ai. Shanhte langai hte langai gaw tingse hte Karai Kasang a masha ni a akyu hpyi ai ga ngu ai manam pyaw ai baw hte hpring chyat nga ai ja gawm ni hpe mung lang nga ma ai.

1 SAMUELA 9:19

Samuela mahtang, “Ngai gaw myi san wa rai nga nngai. Htawra nawku ai shara de nye a shawng e lung wa su. Nan lahkawng dai ni na nhtoi hta ngai hte rau shat sha na re; hpawt de manap aten e na a ga san ni yawng hpe htai ya na nngai; dai hpang nan hpe hkawm sa wa shangun na nngai.