1 KORINHTU 14:24 - Jinghpaw Common Language Bible 2009

²⁴ Rai ti mung masha shagu Karai Kasang a mungga hpe hkaw dan nga yang, n kam n sham ai, shing n rai, yu maya masha langai ngai shang wa a yang gaw, shi na la lu ai mungga a majaw shi gaw yubak mara lu ai wa re ai hpe atsawm sha dum chye na ra ai.

Jinghpaw Hanson Version Bible

²⁴ Nlang hte wa myihtoi htoi yang chyawm gaw, n kam n sham ai wa, shing n rai n chye na ai wa langai ngai shang lawm yang gaw, nlang hte a shadum jahprang ai ga, nlang hte a jeyang ai ga, shi na la hkrup wu ai;

1 KORINHTU 14:24 ပူးပေါင်းရင်းမြစ်များ

YAWHAN 16:8

Dai wa du jang, shi gaw mungkan masha ni hpe yubak mara hte seng nna mung, teng man ai lam hte seng nna mung, Karai Kasang a tara dawdan ai lam hte seng nna mung, shanhte kaning rai shut nga ai hpe dum hprang hkra madi shadan dan na ra ai.

YAWHAN 4:29

“Ngai galaw lai wa sai lam yawng, ngai hpe bai tsun dan ai wa hpe sa yu maru, dai wa gaw Hkristu mi rai na kun?,” ngu nna wa tsun mu ai.

KASA 2:37

Shawa masha ni dai ga hpe na ma yang, shanhte a myit hta hkra malu ai rai nna shanhte gaw Petru hte kaga Kasa ni hpe, “Hpu nau ni e, anhte kaning rai na rai ta?,” ngu nna tsun ma ai.

1 KORINHTU 14:1

Dai majaw nanhte gaw tsaw ra ai myit hpe jai lang na matu shakut nga ra myit dai. Wenyi chyeju kumhpa ni hpe ra marit nga mu. Grau nna dai mungga hpe hkaw tsun chye ai chyeju kumhpa hpe ra marit nga mu.

1 KORINHTU 14:16

Nanhte gaw Wenyi hte sha Karai Kasang a chyeju hpe shakawn nna akyu hpyi ai rai yang nawku ai hpawng hta lawm nga ai yu maya masha langai mi gaw, nanhte tsun ai ga n chye na ai majaw, nanhte a kyu hpyi ai ga hpe kaning rai “Amen,” ngu nna tsun lu na a ta?

1 KORINHTU 2:15

Wenyi rawng ai wa chyawm gaw arai yawng mayawng a manu rawng ai lam hpe daw dan lu nga ai; shi hpe mahtang gaw kadai e mung daw dan lu ai n rai.