1 KORINHTU 14:21 - Jinghpaw Common Language Bible 2009

²¹ Dai Chyum Laika hta ka da nga ai gaw, “Nye a amyu masha ni hpe, laklai ai ga amyu myu tsun ai ni a n-gup shinglet hte ngai tsun na mawe ai; maigan tsasam masha ni a n-gup hte ngai tsun na mawe ai, rai ti mung nye a amyu ni nye a ga hpe madat na ma ai n rai, nga nna dai Madu tsun nga ai.”

Jinghpaw Hanson Version Bible

²¹ Dai jep ai tara hta ka da nga ai gaw, Tsasam ga tsun ai ni a shinglet hte tsasam ni a nten e, ndai amyu hpe ngai tsun dan na, rai timung dai hte sha pyi shanhte ngai hpe n madat na ma ai, nga nna dai Madu tsun nga ai.

1 KORINHTU 14:21 ပူးပေါင်းရင်းမြစ်များ

YEREMIA 5:15

Israela amyu masha ni e, dai Madu gaw nang hpe gasat na matu sumtsan mung kaw na masha amyu baw langai mi hpe woi wa nga ai. Dai ni gaw n-gun atsam rawng ai hte moi chyaloi nhkoi na amyu rai nna dai ni a ga hpe nang n chye na nga ndai.

YAWHAN 10:34

Shaloi Yesu gaw, “Nanhte a Tara laika hta Nanhte karai daw ni rai nga myit dai,” nga nna Karai Kasang tsun ai hpe ka da nga ai.

KASA 2:4

Shanhte nlang hte mung, Chyoi Pra ai Wenyi hpring shajang nna, Wenyi e shadut mu ai hte maren ga amyu kaga ga hku shaga wa ma ai.

ROMA 3:19

Dai jep ai Tara hta rawng ai hkang da ai lam shagu gaw jep ai Tara a npu e nga ai ni a matu rai nga ai hpe ya anhte chye saga ai; ndai hku byin wa ai lam gaw masha a tsun jahpai ai ga ni yawng hpe jahkring sha-ip kau shangun na hte mungkan ting gaw Karai Kasang jeyang daw dan ai hpe hkam la shangun na matu rai nga ai.

1 KORINHTU 14:34

Karai Kasang a masha ni a Hpung ni yawng hta hkan sa nga ai masa hte maren, numsha ni gaw dai zuphpawng ni hta atsin sha nga nga mu ga, shanhte hta ga shaga na ahkang n nga ai. Yuda ni a jep ai tara hta tsun da nga ai hte maren, shanhte gaw ningbaw ningla n tai lu ma ai.

TARA JAHPRANG 28:49

Dai Madu gaw nanhte hpe htim gasat na matu nanhte n chye na ai ga shaga ai masha amyu baw ni hpe mungkan ga htum kaw na shangun dat na ra ai. Shanhte mung galang zawn nanhte hpe htim na mara ai.