1 KORINHTU 14:20 - Jinghpaw Common Language Bible 2009

²⁰ Hpu nau ni e, myit mang ai lam hta ma kaji hkum tai myit: n hkru n kaja ai lam hta she ma kaji tai nga mu; myit mang ai lam hta chyawm gaw, asak kaba nna myit su ai ni zawn rai nga mu.

Jinghpaw Hanson Version Bible

²⁰ Hpunau ni e, myit mang ai lam hta ma kaji hkum tai myit; n hkru n hkra ai lam hta she ma kaji tai nga mu; myit mang ai lam hta chyawm gaw, myit su ai ni tai nga mu.

1 KORINHTU 14:20 ပူးပေါင်းရင်းမြစ်များ

NEHEMIA 4:13

Dai rai nna, ngai gaw amyu masha ni hpe nhtu, nri hte ndan ni lang shangun nna, garai n lu ngut ai bunghku shingdu e amyu lakung hku hkan nna san da shangun we ai.

SHAKAWN KUNGDAWN 119:99

Ngai gaw na a ga matsun ni hpe myit aru yu nga nngai majaw; ngai hpe sharin ya ai sara ni yawng hta grau nna ngai chye chyap nga nngai.

ESAIA 11:3

shi gaw dai Madu a ga madat mara ai hta awng sharawng na ra ai. Shi gaw ahpraw asam hku nna mung, na ai ga hku nna mung jeyang na ra ai n rai;

YEREMIA 4:22

Dai Madu gaw, “Nye a amyu masha ni gaw myit n su ma ai; shanhte ngai hpe n chye ma ai. Shanhte gaw angawk ai ma kaji ni zawn rai ma ai; shanhte hta chye na hkawn hkrang ai nyan hpa mung n rawng ma ai. Shanhte gaw n hkru ai amu galaw ai hta myit let ma ai, rai ti mung mai kaja ai amu galaw ai hta hkrat sum ma ai,” ngu nna tsun ai.

MAHTE 11:25

Dai aten hta Yesu gaw, Sumsing Lamu Mungdan hte ginding aga a Madu Wa e, hpaji byeng-ya rawng ai ni hte myit kung hpan ai ni hpe n chye shangun hkra makoi magap da nhtawm, hpaji kata ai ni hpe madun dan ndai majaw, ngai nang hpe shakawn kungdawn nngai.

MAHTE 18:3

“Nanhte hpe ngai teng teng tsun made ga, nanhte myit n kayin nna ma kaji zawn n tai myit yang gaw, sumsing lamu a Mungdan hta nanhte n shang lu na myit dai.

MAHTE 19:14

Yesu chyawm gaw, “Ma ni ngai hpang de sa maru ga, shanhte hpe hkum ban shadang myit, hpa majaw nga yang, sumsing lamu a Mungdan gaw dai zawn re ai ma ni a Mungdan rai nga ai,” ngu mu ai.

MAHTE 19:4

Yesu gaw, “Shawng ningpawt e hpan da ai Wa gaw, lasha yan numsha hpe hpan da nu ai.

MARKU 10:15

Nanhte hpe ngai teng teng tsun made ga, kadai rai ti mung, Karai Kasang a mungdan hpe ma kaji langai mi zawn n hkap la ai wa gaw, dai hta e kaja wa n shang lu na ra ai,” ngu nna shanhte hpe tsun mu ai.

LUKA 18:17

Kadai rai ti mung Karai Kasang a Mungdan hpe ma kaji zawn n hkap la ai wa gaw, dai hta e kaja wa n shang lu na ra ai,” ngu mu ai. Dai hpe adum nga mu.

ROMA 1:13

Nye a hpu nau ni e, Yuda amyu masha n re ai maigan amyu masha ni hpe ngai myit malai kayin wa shangun mawe ai zawn, nanhte hta mung myit malai kayin wa ai masha ni nga wa na matu ngai nanhte hpang de sa du na, law law lang hkyen lajang yu ni ai, rai ti mung lam lama ma e ayan hkum shadang ai a majaw n du sa lu ai re ai lam nanhte hpe chye shangun mayu nngai.

ROMA 16:19

Nanhte gaw dai Kabu Gara Shiga hta gade daram myit jung kam sham sadi dung nga myit dai lam masha shagu na chye nga masai. Dai majaw nanhte a matu ngai kabu gara nga nngai. Rai ti mung, nanhte gaw mai kaja ai lam gara re ai hpe chye chyang ai hpaji rawng ai ni tai nhtawm n hkru n kaja ai lam hte tsan gang nna mara n kap ai ni nanhte hpe naw tai shangun mayu nngai.

1 KORINHTU 13:11

Ngai ma kaji naw rai nga yang, nye a tsun shaga ai lam, myit hta hkam sha ai lam ni, myit mang ai lam yawng gaw ma kaji zawn rai nga ai; ya ngai salang wa jang she ma kaji a lailen ni yawng hpe shinggan kau ni ai.

1 KORINHTU 14:19

Rai ti mung nawku daw jau ai hpawng hta laklai ai ga amyu myu hkying mun tsun lu ai hta masha kaga hpe sharin achyin ya lu na matu chye na ai ga hkaw manga hte sha ngai grau nna tsun mayu nngai.

1 KORINHTU 2:6

Rai ti mung ngai gaw, Wenyi makam masham lam hta myit su kunghpan sai ni hpe hpaji byeng-ya hte kapyawn nna tsun dan nngai. Rai ti mung dai gaw ndai mungkan ga hte seng ai hpaji byeng-ya n rai; mungkan ga na du ni a hpaji byeng-ya atsam mung n rai; mungkan du ni a n-gun atsam gaw sum mat wa magang nga ai.

EHPESU 4:13

Dai rai nna anhte a makam masham a marang e mung dai Karai Kasang a Kasha hpe chye chyang ai a marang e mung, hpang jahtum e anhte nga manga hte gaw langai sha tai wa nna Hkristu a tsaw dik ai hkum tsup ai gawng shingyan a hpunda hte maren myit su kunghpan ai ni tai wa na raga ai.

HPILIPI 1:9

Dai hta kaga nanhte gaw mai kaja ai hpe lata la lu nna, teng man ai machye machyang daw dan ginhka chye ai atsam marai hte hpring let tsaw ra myit hta grau grau kaba wa myit ga, nanhte a matu ngai akyu hpyi nngai.

HPILIPI 3:15

Wenyi lam hta myit su kunghpan nga sai anhte ni yawng gaw, ndai myit masa hte maren myit nga ra ga ai. Rai ti mung nanhte nkau mi hta nhtan shai ai myit masa lama nga ai rai yang mung, Karai Kasang gaw dai hpe pyi hpyan dan na marin dai.

1 PETRU 2:2

Ma chyangai zawn wenyi hte seng ai jet ai chyu hpe galoi mung hpang gara nga mu. Shing rai nanhte lu ai hte nanhte galu kaba wa nna hkye hkrang la ai hkrum na marin dai.

2 PETRU 3:18

Nanhte gaw anhte a hkye hkrang la ai Madu Yesu Hkristu a chyeju hte shi hpe chye chyang ai lam hta matut nna galu kaba kunghpan sa wa myit ga; ya e mung, htani htana prat ding sa e mung, Yesu Hkristu kaw hpung shingkang anga nga u ga law.