1 KORINHTU 14:2 - Jinghpaw Common Language Bible 2009

² Laklai ai ga amyu myu shaga ai wa gaw masha kaga ni hte shaga hkat ai n rai, Karai Kasang hte she tsun shaga nga ai, hpa majaw nga yang, shi a ga hpe gade e mung n chye na ya mu ai. Shi gaw Wenyi atsam hpe lang nna makoi magap da ai lam ni hpe tsun nga ai.

Jinghpaw Hanson Version Bible

² Kaning rai nme law, ga amyu myu chye tsun ai wa gaw, masha ni hpe n rai, Karai Kasang hpe sha, tsun ang nga ai; gade ai mung n chye na ai sha, wenyi hta e sung ai ga hpe shi a tsun nga ai.

1 KORINHTU 14:2 ပူးပေါင်းရင်းမြစ်များ

NINGPAWT NINGHPANG 11:7

Anhte yu sa nna, shanhte a ga hpe shanut kau ya ga; shaloi shada da tsun hkat ai ga hpe shanhte n chye na mat na mara ai,” ngu nna tsun wu ai.

NINGPAWT NINGHPANG 42:23

Yosep gaw shanhte kaning nga tsun ai hpe chye na wu ti mung, shanhte dai lam hpe n chye mu ai; hpa majaw nga yang, shanhte mahtang shi hpe ga gale ai wa hte tsun tsun di wu ai majaw rai nga ai.

2 HKAWHKAM 18:26

Dai hpang Eliakim, Shebna, hte Yoa ni gaw dai du salang wa hpe, “Madu e, anhte hpe Aramik ga shaga mi. Anhte ga dai hpe chye na ga ai. Hebre ga hte hkum shaga et; bunghku ntsa hku nga nga ai ni yawng madat nga ma ai,” ngu nna tsun mu ai.

SHAKAWN KUNGDAWN 78:2

Anhte a kaji kawa ni anhte hpe tsun dan sai majaw, anhte chye da sai magam amu ni hte;

MAHTE 13:11

Yesu gaw, “Sumsing Lamu a Mungdan a makoi magap da ai sung htum ai lam ni hpe chye lu na ahkang nanhte hpe jaw da sai; rai ti mung kaga ni gaw dai ahkang n lu ma ai.

MARKU 16:17

Kam sham ai ni hpe lamik kumla ni galaw na atsam jaw ya na ra ai; shanhte gaw nye a mying ningsang hte nat ni hpe shaden kau lu na mara ai; shanhte gaw laklai ai ga ni tsun shaga na mara ai.

MARKU 4:11

Yesu gaw, “Nanhte gaw Karai Kasang a Mungdan hte seng ai, mauhpa sung htum ai makoi magap da ai lam ni hpe chye lu ai ahkang lu myit dai. Rai ti mung, shinggan de nga ai ni chyawm gaw hpa lam ni hpe mung, ga shadawn hku sha na la lu ma ai.

KASA 10:46

Hpa majaw nga yang, maigan masha ni mauhpa ga baw amyu myu shaga nna Karai Kasang a grau htum ai hpe shakawn kungdawn nga ma ai hpe na lu ma ai majaw rai nga ai.

KASA 19:6

Ya Pawlu shanhte a ntsa e lata mara ya jang Chyoi pra ai Wenyi shanhte a ntsa e du nna shanhte laklai ai ga, myu kaga shaga nna Karai Kasang a mungga hpe mung tsun shana ma ai.

KASA 22:9

Ngai hte rau sa ai ni chyawm gaw dai nhtoi hpe mu shajang ma ai rai ti mung, ngai e shaga nga ai wa a nsen hpe n na lu ma ai.

ROMA 16:25

Karai Kasang hpe anhte shakawn shagrau nga ga! Ngai nanhte hpe hkaw tsun dan sai Yesu Hkristu a lam Kabu gara shiga hte moi chyaloi nhkoi prat kaw nna makoi magap da ai dai teng man ai lam e shadan shadawng dat ai hte maren shi gaw nanhte hpe nanhte a makam masham hta ngang ngang kang kang tsap shangun lu nga ai.

1 KORINHTU 12:10

Dai Wenyi nan kaga wa hpe lamik kumla galaw dan na atsam; kaga wa hpe myihtoi htoi na ahkang; kaga wa hpe Wenyi kaw na jaw ya ai chyeju atsam hte re ai n re ai hpe chye ginhka hparan lu ai atsam, kaga wa hpe ga amyu myu chye tsun na atsam, bai kaga wa hpe tsun ai ga a lachyum hpe htai sanglang dan lu ai atsam jaw shajang mu ai.

1 KORINHTU 12:28

Karai Kasang gaw dai Hpung hta e, langai ngu na shara hta Kasa ni, lahkawng ngu shara hta myihtoi ni, masum ngu na shara hta sara ni, dai hpang e lamik kumla galaw ai ni, dai hpang machyi makaw shamai shatsai na atsam lu ai ni, masha kaga ni hpe karum madi shadaw lam madun chye ai atsam lu la ai ni, lam woi ningshawng ni hte, laklai ai ga amyu myu chye shaga ai ni hpe mung shi shara hte shi san tawn da manu ai.

1 KORINHTU 13:1

Ngai gaw masha ni a ga hte lamu kasa ni a ga amyu myu hpe chye tsun rai ti mung, tsaw ra myit n rawng yang gaw, mahku rawng ai sumseng hte, ngoi gara ai shupsheng sha ngai tai nga nngai.

1 KORINHTU 13:2

Ngai myihtoi chye htoi ai hte sung ai lam yawng mayawng, chye chyang ai hpaji amyu myu hkum nga ai hte bum hpe jasit kau lu hkra re ai makam masham rawng ti mung, tsaw ra myit n rawng yang gaw, ngai hpa n rai nga nngai.

1 KORINHTU 14:16

Nanhte gaw Wenyi hte sha Karai Kasang a chyeju hpe shakawn nna akyu hpyi ai rai yang nawku ai hpawng hta lawm nga ai yu maya masha langai mi gaw, nanhte tsun ai ga n chye na ai majaw, nanhte a kyu hpyi ai ga hpe kaning rai “Amen,” ngu nna tsun lu na a ta?

1 KORINHTU 14:26

Dai rai nna hpu nau ni e, ngai ngu mayu ai gaw da ndai rai nga ai: Nanhte nawku daw jau na matu hpawng nga myit dai shaloi e, langai wa gaw mahkawn shakawn ai lam, bai langai wa gaw sharin ai lam, bai langai wa gaw shingran ga htai dan ai lam, bai langai wa mi gaw laklai ai ga amyu myu hku tsun nna, kaga langai wa mi gaw tsun ai ga a lachyum hpyan dan ai lam re ai ni hpe gun hpai nga mu. Nanhte galaw ai lam shagu gaw dai hpung hpe shadaw shangang ai lam shabyin u ga.

1 KORINHTU 15:51

Madat mu, makoi magap da ai teng man ai lam langai mi ngai nanhte hpe tsun dan made ga: anhte yawng si mat wa na ga ai n rai.

1 KORINHTU 2:10

Karai Kasang chyawm gaw shi a Wenyi hku nna shi a makoi magap da ai lam anhte hpe shapraw shadan dan mi ai. Dai Wenyi gaw arai yawng mayawng hpe sha n rai, Karai Kasang a sung htum ai hte makoi magap da ai shatawng shada ai lam ni hpe pyi manaw sawk yu nga ai.

1 KORINHTU 2:7

Ngai hkaw tsun ai hpaji byeng-ya gaw masha amyu ni n mu n chye hkra makoi magap da ai Karai Kasang a sung htum ai hpaji byeng-ya a lam rai nga ai. Dai gaw ginding aga garai n lat kaw nna anhte hpung shingkang hkam la na matu Karai Kasang tawn da ai yaw shada ai lam rai nga ai.

EHPESU 6:19

Ngai tsun na matu jin ai ten hta Karai Kasang ngai hpe mung sumtu jaw u ga, hte dai Kabu Gara Shiga a sung htum ai lachyum hpe n hkrit n kang nden marai hte tsun dan lu hkra nye a matu mung akyu hpyi nga mu.

TARA JAHPRANG 28:49

Dai Madu gaw nanhte hpe htim gasat na matu nanhte n chye na ai ga shaga ai masha amyu baw ni hpe mungkan ga htum kaw na shangun dat na ra ai. Shanhte mung galang zawn nanhte hpe htim na mara ai.

KOLOSE 2:2

Shing rai ngai gun hpai shakut ai lam gaw, shanhte yawng hta nden ja ai myit hte hpring tsup nna langai hte langai a tsaw ra myit hta makyit mahkai wa ai hte shanhte gaw dai teng man ai lam hpe chye nna myit kam da lu sai ngu ai sutgan hpe hpring hpring tsup tsup hkam la lu na mara ai. Ndai lam hku nna Karai Kasang a makoi magap da ai sung htum ai lam ngu ai Hkristu hpe chye chyang wa na mara ai.

1 TIMOHTI 3:16

Anhte a nawku htung makam masham a sung htum ai lam gaw gade kaba la nga ai hpe kadai mung ningdang shara n nga ai gaw lawu de na hte maren rai nga ai. Shinggyim masha a hkum hkrang hte dan pru wa ai hte ding hpring ai wa rai nga ai lam dai Chyoi pra ai Wenyi e shadan dan sai, lamu kasa ni mung shi hpe mu lu manu ai. Shi a lam masha amyu yawng hpe htawn tsun dan manu ai. Mungkan masha ni shi hpe kam sham masai, shing rai shi gaw sumsing lamu de shalun la ai hkrum nu ai.

1 TIMOHTI 3:9

dai shadan dan da sai makam masham a teng man ai lam hpe myit asan sha hte hkap la manoi ai ni rai ra ma ai.

SHINGRAN 10:7

Rai ti mung, sanit ngu na lamu kasa a pahtau dum dat ai shaloi, Karai Kasang gaw shi a shangun ma ni ngu ai myihtoi ni hpe tsun shana da sai hte maren, shi a sung htum ai shatawng shada ai lam hpe shadik shatup na ra ai,” nga nna tsun ai.