1 KORINHTU 14:18 - Jinghpaw Common Language Bible 2009

¹⁸ Nanhte kadai hta mung grau nna laklai ai ga amyu myu ngai chye tsun nngai majaw, Karai Kasang hpe ngai shakawn nngai.

Jinghpaw Hanson Version Bible

¹⁸ Nanhte nlang hta ga amyu myu ngai grau nna chye tsun nngai majaw, Karai Kasang hpe ngai shakawn nngai:

1 KORINHTU 14:18 ပူးပေါင်းရင်းမြစ်များ

1 KORINHTU 14:17

Chyeju shakawn ai nanhte a akyu hpyi ai ga gade wa kaja nga ai rai ti mung, kaga wa a matu shadaw shangang lu ai akyu mi nga na n rai.

1 KORINHTU 14:19

Rai ti mung nawku daw jau ai hpawng hta laklai ai ga amyu myu hkying mun tsun lu ai hta masha kaga hpe sharin achyin ya lu na matu chye na ai ga hkaw manga hte sha ngai grau nna tsun mayu nngai.

1 KORINHTU 14:2

Laklai ai ga amyu myu shaga ai wa gaw masha kaga ni hte shaga hkat ai n rai, Karai Kasang hte she tsun shaga nga ai, hpa majaw nga yang, shi a ga hpe gade e mung n chye na ya mu ai. Shi gaw Wenyi atsam hpe lang nna makoi magap da ai lam ni hpe tsun nga ai.

1 KORINHTU 14:4

Laklai ai ga amyu myu chye tsun ai wa gaw, shi hkum hpe sha shadaw shangang lu ai, rai ti mung Karai Kasang a mungga hkaw tsun ai wa gaw dai hpung ting hpe shadaw shangang nga ai.

1 KORINHTU 14:5

Nanhte nga manga hte gaw, laklai ai ga amyu myu tsun na ngai ra nga nngai, rai ti mung Karai Kasang a mungga hkaw tsun lu ai atsam hte seng ai chyeju kumhpa hpe grau nna lu la shangun mayu nngai. Hpa majaw nga yang, laklai ai ga amyu myu chye tsun ai wa gaw, tinang tsun ai ga a lachyum hpe sanglang htai dan ai masha nga yang she dai Hpung hpe shadaw shangang lu nga ai. Dai n rai yang gaw, Karai Kasang a mungga hkaw tsun ai wa gaw laklai ai ga amyu myu hpe tsun ai wa hta grau nna hpu ging nga ai.

1 KORINHTU 4:7

Kadai wa mi nang hpe masha kaga hta grau shangun nga a ta? Nanhte lu ai yawng mayawng hte gaw Karai Kasang jaw ai n rai ni? Dai re ai mi nanhte hkam la lu ai arai ni gaw Karai Kasang kaw na hkam la lu ai chyeju kumhpa n re ai zawn nanhte gumrawng ai gaw, kaning re ai rai ta?