1 KORINHTU 14:16 - Jinghpaw Common Language Bible 2009

¹⁶ Nanhte gaw Wenyi hte sha Karai Kasang a chyeju hpe shakawn nna akyu hpyi ai rai yang nawku ai hpawng hta lawm nga ai yu maya masha langai mi gaw, nanhte tsun ai ga n chye na ai majaw, nanhte a kyu hpyi ai ga hpe kaning rai “Amen,” ngu nna tsun lu na a ta?

Jinghpaw Hanson Version Bible

¹⁶ Shing n rai, wenyi hte sha nang shaman n yang gaw, karing karang re ai wa gaw na a ga n chye na ai majaw, nang chyeju dum ai ga tsun ai shaloi, shi gaw kaning rai, Amen, nga nna hkan sharau lu na a ta?

1 KORINHTU 14:16 ပူးပေါင်းရင်းမြစ်များ

1 HKAWHKAM 1:36

Dai hpang Benaia gaw, “Dai hku rai wa sanu ga law, dai Madu na a Karai Kasang gaw dai amu hpe shagrin shangang da sanu ga law.

1 HKAWHKAM LABAU 16:36

Dai Madu Israela a Karai Kasang hpe shakawn kungdawn mu! Ya kaw nna shi hpe htani htana shakawn kungdawn mu! Dai hpang amyu masha ni yawng, “Amen,” ngu nna tsun let dai Madu hpe shakawn kungdawn ma ai.

NEHEMIA 5:13

Dai hpang nye a nshang grup grup hpun da ai palawng galu hpe raw ahpu let, “Nanhte a ga sadi hpe n hkan shatup ai kadai hpe mung ndai zawn Karai Kasang ahpu kau nna, nanhte a dum nta ni hte nanhte madu ai arai magup shagu hte hpe shi dawm la kau nhtawm nanhte hpe kaman tawn kau da na ra ai,” ngu nna ngai tsun ni ai. Dai yang e nga nga ai masha shagu hte gaw, “Amen,” ngu nhtawm dai Madu hpe Amen ngu nna shakawn kungdawn ma ai. Ningbaw ni mung shanhte a ga sadi hpe hkan shatup ma ai.

NEHEMIA 8:6

Ezra gaw, “Dai Madu galu kaba ai Karai Kasang hpe shakawn kungdawn mu!,” ngu nna tsun wu ai. Amyu masha ni yawng mung ntsa de lata sharawt nhtawm, “Amen! Amen!,” ngu nna htan ma ai. Shanhte gaw ga de du hkra gum dagup let hput di nawku ma ai.

SHAKAWN KUNGDAWN 106:48

Dai Madu Israela a Karai Kasang, hpe shakawn nga mu! Shi hpe ya kaw nna, htani htana shakawn kungdawn nga mu! Masha hkum shagu, “Amen” ngu nna tsun nga mu ga law! Dai Madu hpe shakawn mu!

SHAKAWN KUNGDAWN 41:13

Dai Madu Israela a Karai Kasang hpe shakawn mu! Ya kaw nna htani htana shi hpe shakawn ga law! Amen! Amen!

SHAKAWN KUNGDAWN 72:19

Shi a hpung shingkang hte seng ai mying nsang hpe htani htana shakawn mu! Shi a hpung shingkang gaw mungkan ting hta pri rai nga u ga law. Amen! Amen!

SHAKAWN KUNGDAWN 89:52

Madu hpe htani htana shakawn kungdawn nga mu law! Amen! Amen!

YEREMIA 11:5

Shanhte ya shanu nga sai dai ngamu ngamai nna ningru ningja ai mungdan ngu ai shanhte hpe ngai jaw na ngu nna shanhte a kaji kawa ni hpe ngai dagam da ai ga sadi hpe ngai shagrin na we ai,” ngu nna tsun ni ai. Ngai gaw, “Rai sa, Madu e,” ngu nna tsun nngai.

YEREMIA 28:6

“Mau na zawn re ai she rai sahka! Dai Madu gaw dai amu hpe galaw u ga, ngai myit mada nga nngai. Nawku Htingnu sut gan ni yawng hte bawng dung hkrum mat wa ai mung masha ni yawng hpe Babelon mung kaw nna shi bai woi wa na lam tsun ai na a myihtoi ga shi shadik ya na hpe ngai teng teng myit mada nga nngai.

BU HKAWM 5:22

Ndai ntsin hka gaw na a kan kata de shang wa nna na a num hkrang hpe kyip htun shangun u ga law.” Numsha mung, “Ngai myit hkrum nngai; dai Madu daw dan ya rit ga,” ngu nna htan na wu ai.

MAHTE 15:36

Dai hpang dai muk sanit hte nga ni hpe shi la nna, Karai Kasang kaw chyeju shakawn ngut jang ahkyep alep di nhtawm sape ni hpe jaw mu ai: sape ni mahtang shawa masha ni hpe gam jaw mu ai.

MAHTE 28:20

ngai nanhte hpe hkang da mada yawng hte hpe hkan shadik lu mu ga, shanhte hpe sharin shaga ya mu: dai hta kaga, lamu ga aprat htum hkra ngai nanhte hte rau dinggrin anga nga na nngai law,” ngu nna shanhte hpe matsun dat mu ai.

MAHTE 6:13

Agung alau nga ai de anhte hpe n sa shangun ai sha, n kaja ai lam hta na mung shaw la mi law, (N gawn tawa hpe hkang ai ahkang hte hpung shingkang arawng sadang gaw, htani htana nang hta anga nga u ga law) Amen.

MARKU 16:20

Sape ni mung pru sa nna shara shagu hkaw tsun ma ai. Dai Madu mung, shanhte hte rau amu galaw nna shanhte hkaw tsun ai mungga teng man nga ai lam sakse madun na matu shanhte hpe, lamik kumla ni galaw lu na atsam jaw da mu ai.]

YAWHAN 21:25

Yesu galaw ai amu kaga law law naw nga ai; dai amu ni a lam langai a hpang langai ka da na nga yang, dai ka da ai laika ni gaw mungkan ga hta pyi n shang na re, ngu nna ngai myit nawn nngai.

YAWHAN 7:15

Ahkang aya lu ai Yuda masha ni gaw mau ai hte, “Ndai wa gaw hpa jawng mung n lung yu ai mi kaning rai ndai daram wa chye chyang ai kun?,” nga ma ai.

KASA 4:13

Kongsi hta lawm ai salang ni gaw hpaji n chye ai yu maya masha yan rai nga ai Petru yan Yawhan gade daram nden ja ai myit rawng ai hpe mu ma ai majaw mau mahka mat ma ai. Rai ti mung shawng de Yesu a manaw manang ni tai lai wa sai hpe shanhte dum chye ma ai.

1 KORINHTU 11:24

chyeju shakawn ngut jang, muk hpe ahkyep alep nhtawm, “Ndai gaw nanhte a matu ya kau ai nye a hkum rai nga li ai, ngai hpe adum nga na matu ndai galaw mu,” ngu nna tsun mu ai.

1 KORINHTU 14:14

Hpa majaw nga yang, ngai gaw ga amyu myu hte akyu hpyi ai shaloi, kaja wa nye a Wenyi akyu hpyi nga ai rai ti mung, nye a myit gaw dai hta n lawm nga ai.

1 KORINHTU 14:2

Laklai ai ga amyu myu shaga ai wa gaw masha kaga ni hte shaga hkat ai n rai, Karai Kasang hte she tsun shaga nga ai, hpa majaw nga yang, shi a ga hpe gade e mung n chye na ya mu ai. Shi gaw Wenyi atsam hpe lang nna makoi magap da ai lam ni hpe tsun nga ai.

1 KORINHTU 16:24

Nye a tsaw ra ai myit gaw, Hkristu Yesu hta e nanhte yawng hte rau anga nga u ga law.

2 KORINHTU 1:20

Shi gaw Karai Kasang a ga ndat ni yawng a matu “Re ai” ngu ai mahtai rai nga ai. Dai rai nna anhte gaw Karai Kasang a hpung shingkang dan hkung shangun na matu Yesu Hkristu hta “Amen” ngu ga ai.

SHINGRAN 22:20

Ndai lam hte hpe sakse hkam ya ai wa gaw, “Kaja wa rai sai! Ngai alawan du na ring ngai!,” nga ai. Amen. Madu Yesu e yu wa rit law!

SHINGRAN 5:14

Shaloi dai dusat amyu mali gaw, “Amen!,” nga nna htan ma ai; salang ni mung dingnyawm nna nawku ma ai.

SHINGRAN 7:12

“Amen! Shakawn kungdawn ai, hpung shingkang, hpaji byeng-ya, chyeju dum shakawn ai, arawng sadang, hpung dagu hte n-gun lagaw gaw, htani htana prat dingsa e anhte a Karai Kasang kaw anga nga u ga law, Amen,” nga nna tsun ma ai.