1 KORINHTU 14:15 - Jinghpaw Common Language Bible 2009

¹⁵ Shaloi ngai gara hku galaw na rai ta? Ngai gaw nye a wenyi hte ngai akyu hpyi nna, nye a myit hte mung akyu hpyi na nngai. Nye a wenyi hte ngai mahkawn mangoi nna, nye a myit hte mung mahkawn mangoi na nngai.

Jinghpaw Hanson Version Bible

¹⁵ Shaloi kaning rai na rai ta? Nye a wenyi hte ngai akyu hpyi nna, nye a myit hte mung akyu hpyi na nngai; nye a wenyi hte ngai mahkawn mangoi nna, nye a myit hte mung mahkawn mangoi na nngai.

1 KORINHTU 14:15 ပူးပေါင်းရင်းမြစ်များ

SHAKAWN KUNGDAWN 47:7

Karai Kasang gaw mungkan yawng hpe up ai hkawhkam wa rai nga ai; mahkawn mangoi ga ni hte shi hpe shakawn kungdawn mu!

KASA 21:22

Ya kaning rai na rai ta? Nang du ai lam shanhte kaja wa na lu na masai.

ROMA 1:9

Ngai tsun ai ga teng man nga ai gaw nye a myit kraw lawang mahkra hte shi a Kasha a Kabu Gara Shiga a lam hkaw tsun ai hte ngai daw jau nga ai Karai Kasang nan nye a sakse rai nga ai.

ROMA 3:5

Rai ti mung, masha nkau mi gaw, anhte a n ding n hpring ai gaw Karai Kasang a ding hpring mai kaja ai hpe grau nna shapraw shadan dan ai n rai ni? Nga nna san na mara ai. Anhte kaning ngu htan na rai ta? Karai Kasang anhte hpe ari jaw ai shaloi-dai gaw Karai Kasang shi shut ai amu galaw nu ai, ngu nna anhte tsun lu na kun? (Shing nga ai gaw, masha ni tsun ga ai hte maren tsun dat ai sha rai nga ai.)

ROMA 8:31

Dai rai yang gaw, ndai hte hpe yu nna anhte hpa naw tsun lu na ga ta? Karai Kasang gaw anhte a maga de nga nga a yang gaw, anhte hpe hpyen ai maga de kadai wa mi nga lu na ta?

1 KORINHTU 10:19

Ning nga ngai tsun ai gaw, sumla shing n rai, sumla hpe nawng ai hkungga lusha gaw kaja wa lam la ahkyak nga ai ngu nna ngai tsun mayu ai rai ni?

1 KORINHTU 14:14

Hpa majaw nga yang, ngai gaw ga amyu myu hte akyu hpyi ai shaloi, kaja wa nye a Wenyi akyu hpyi nga ai rai ti mung, nye a myit gaw dai hta n lawm nga ai.

1 KORINHTU 14:19

Rai ti mung nawku daw jau ai hpawng hta laklai ai ga amyu myu hkying mun tsun lu ai hta masha kaga hpe sharin achyin ya lu na matu chye na ai ga hkaw manga hte sha ngai grau nna tsun mayu nngai.

1 KORINHTU 14:26

Dai rai nna hpu nau ni e, ngai ngu mayu ai gaw da ndai rai nga ai: Nanhte nawku daw jau na matu hpawng nga myit dai shaloi e, langai wa gaw mahkawn shakawn ai lam, bai langai wa gaw sharin ai lam, bai langai wa gaw shingran ga htai dan ai lam, bai langai wa mi gaw laklai ai ga amyu myu hku tsun nna, kaga langai wa mi gaw tsun ai ga a lachyum hpyan dan ai lam re ai ni hpe gun hpai nga mu. Nanhte galaw ai lam shagu gaw dai hpung hpe shadaw shangang ai lam shabyin u ga.

EHPESU 6:18

Karai Kasang kaw na karum ai lam lu la u ga, hpyi nem let akyu hpyi ai hta ndai lam yawng hte hpe agalaw nga mu. Ndai lam a majaw amaja nga mu; galoi mung myit shayaw asum hkum jaw myit; Karai Kasang a masha ni a matu tut tut akyu hpyi nga mu.

HPILIPI 1:18

Kaning re ai myit hte Hkaw tsun ai rai tim hpa n ra ai. Sawt ai myit hte rai ti mung, teng man ai myit hte rai ti mung, byin mai ai lam shagu hku nna Hkristu a lam sha hkaw tsun kajai gara lu nga yang gaw, dai lam hta ngai kabu gara nga nngai. Kaja wa matut nna ngai naw kabu gara nga na nngai.

KOLOSE 3:16

Hkristu a mungga gaw nanhte a myit masin hta hpring tsup hkra shanu nga u ga. Hpaji byeng-ya nga manga hte nanhte shada da sharin achyin, matsun madun hkat nga mu. Shakawn kungdawn ga, mahkawn mangoi ai ga ni, Wenyi hte seng ai laka ga ni hte nanhte a kraw lawang hta Karai Kasang hpe chyeju dum ai hte mahkawn mangoi nga mu.

YAKU 5:13

Nanhte hta na langai ngai ruyak jam jau hkrum nga myit ni? Shi akyu hpyi nga u ga. Langai ngai myit pyaw nga a ni? Shi mahkawn shakawn nga u ga.

YUDA 1:20

Rai ti mung nanhte chyawm gaw, tsaw ra ai ni e, nanhte a chyoi pra dik ai nawku makam masham hta npawt de nna tinang dai matut nna galu kaba sa wa mu. Chyoi pra ai wenyi n-gun atsam hta shamyet nna akyu hpyi mu.