1 KORINHTU 14:12 - Jinghpaw Common Language Bible 2009

¹² Nanhte gaw Wenyi chyeju kumhpa hpe, ra marit nga myit dai majaw dai Hpung hpe galu kaba hkra gaw gap ai chyeju kumhpa ni hpe yawng hta grau nna jai lang nga mu.

Jinghpaw Hanson Version Bible

¹² Dai hte maren nanhte gaw wenyi kumhpa ni hpe myit marit nga myit dai majaw, dai Hpung hpe shadaw shangang na lam, grau nna hkan tam nga mu.

1 KORINHTU 14:12 ပူးပေါင်းရင်းမြစ်များ

ROMA 14:19

Dai re ai majaw, anhte gaw shada ngwi pyaw sim sa ai hku nga lu na lam shabyin ya nna, shada da Wenyi n-gun atsam lu la shangun ai lam ni hpe galoi mung myit yaw shada let agalaw nga ga.

1 KORINHTU 12:31

Dai rai nna, nanhte gaw grau htum ai chyeju kumhpa ni hpe tsam mari marit nga mu. Dai hta n ga, grau htum ai lam langai mi ngai nanhte hpe naw madun dan na made ai.

1 KORINHTU 12:7

Yawng mayawng a matu akyu pru u ga she, langai hte langai hta dai Wenyi shanu nga ai lam, amyu myu hku madun shadan dan nga ai.

1 KORINHTU 14:1

Dai majaw nanhte gaw tsaw ra ai myit hpe jai lang na matu shakut nga ra myit dai. Wenyi chyeju kumhpa ni hpe ra marit nga mu. Grau nna dai mungga hpe hkaw tsun chye ai chyeju kumhpa hpe ra marit nga mu.

1 KORINHTU 14:13

Dai majaw laklai ai ga amyu myu tsun ai wa gaw, tinang tsun ai ga a lachyum tsun htai dan lu ai chyeju atsam lu la na matu shi akyu hpyi lu na rai nga ai.

1 KORINHTU 14:26

Dai rai nna hpu nau ni e, ngai ngu mayu ai gaw da ndai rai nga ai: Nanhte nawku daw jau na matu hpawng nga myit dai shaloi e, langai wa gaw mahkawn shakawn ai lam, bai langai wa gaw sharin ai lam, bai langai wa gaw shingran ga htai dan ai lam, bai langai wa mi gaw laklai ai ga amyu myu hku tsun nna, kaga langai wa mi gaw tsun ai ga a lachyum hpyan dan ai lam re ai ni hpe gun hpai nga mu. Nanhte galaw ai lam shagu gaw dai hpung hpe shadaw shangang ai lam shabyin u ga.

1 KORINHTU 14:5

Nanhte nga manga hte gaw, laklai ai ga amyu myu tsun na ngai ra nga nngai, rai ti mung Karai Kasang a mungga hkaw tsun lu ai atsam hte seng ai chyeju kumhpa hpe grau nna lu la shangun mayu nngai. Hpa majaw nga yang, laklai ai ga amyu myu chye tsun ai wa gaw, tinang tsun ai ga a lachyum hpe sanglang htai dan ai masha nga yang she dai Hpung hpe shadaw shangang lu nga ai. Dai n rai yang gaw, Karai Kasang a mungga hkaw tsun ai wa gaw laklai ai ga amyu myu hpe tsun ai wa hta grau nna hpu ging nga ai.

TITU 2:14

Anhte hpe tara tawt lai ai n hkru n kaja ai mara yawng mayawng hta na hkye hkrang shaw la na matu mung, anhte gaw myit masin san seng nna shi hte chyu sha seng ai amyu tai let, kaja reng ai magam bungli galaw na myit katu sharawng ai amyu tai na matu mung, Hkristu gaw anhte a matu mara shi hkum dai hpe ap ya kau nu ai.