1 KORINHTU 14:1 - Jinghpaw Common Language Bible 2009

¹ Dai majaw nanhte gaw tsaw ra ai myit hpe jai lang na matu shakut nga ra myit dai. Wenyi chyeju kumhpa ni hpe ra marit nga mu. Grau nna dai mungga hpe hkaw tsun chye ai chyeju kumhpa hpe ra marit nga mu.

Jinghpaw Hanson Version Bible

¹ Tsawra ai myit hpe hkan tam mu; wenyi kumhpa ni hpe myit marit nga mu: myihtoi chye htoi lu na mahtang grau nna myit marit nga mu.

1 KORINHTU 14:1 ပူးပေါင်းရင်းမြစ်များ

GA SHAGAWP 15:9

N hkru ai masha ni a lam hpe dai Madu matsat nga ai; jaw ai amu galaw ai ni hpe shi tsaw ra nga ai.

GA SHAGAWP 21:21

Matsan dum ai hte myit malang nga u; shaloi asak galu hkra nang nga lu na rin dai, kaga masha ni mung, nang hpe hkungga jaw nna tara rap ra ai hku nang hpe matut mahkai kanawn na ra ai.

ESAIA 51:1

Dai Madu gaw, “Hkye hkrang la hkrum mayu ai ni hte karum la na matu ngai kaw du sa wa ai ni e, nye a ga madat mu. Nang pru sa wa ai kaw na lunghkrung, nang tawk la ai kaw na nhkun hpe myit yu u.

ROMA 12:6

Shing rai anhte gaw anhte hpe karan jaw ai chyeju kumhpa kaga ga lu ga ai hte maren, dai kaga ga lu ai chyeju kumhpa ni hpe jai lang ra ga ai. Anhte lu ai chyeju kumhpa gaw Karai Kasang a mungga hkaw dan chye ai atsam rai yang gaw anhte lu ai makam masham chyeju kumhpa hte maren hkaw tsun ga,

ROMA 14:19

Dai re ai majaw, anhte gaw shada ngwi pyaw sim sa ai hku nga lu na lam shabyin ya nna, shada da Wenyi n-gun atsam lu la shangun ai lam ni hpe galoi mung myit yaw shada let agalaw nga ga.

ROMA 9:30

Dai re ai majaw anhte tsun mayu ai lam gaw ndai hku rai nga ai. Karai Kasang a man e ding hpring ai ni tai lu na matu n shakut ai maigan amyu ni gaw, shi hpe kam sham ai a marang e Karai Kasang a man e ding hpring wa lu ma ai.

1 KORINHTU 12:1

Hpu nau ni e, nanhte laika hte ka san dat ai Wenyi a chyeju kumhpa ni hte seng nna, de a teng man ai lam nanhte hpe chye shangun mayu nngai.

1 KORINHTU 12:31

Dai rai nna, nanhte gaw grau htum ai chyeju kumhpa ni hpe tsam mari marit nga mu. Dai hta n ga, grau htum ai lam langai mi ngai nanhte hpe naw madun dan na made ai.

1 KORINHTU 13:13

Ya chyawm gaw makam masham, myit mada ai hte tsaw ra ai myit ngu ai ndai hte masum nga ai, rai ti mung, dai hte hta grau kaba ai gaw tsaw ra ai myit rai nga ai.

1 KORINHTU 13:2

Ngai myihtoi chye htoi ai hte sung ai lam yawng mayawng, chye chyang ai hpaji amyu myu hkum nga ai hte bum hpe jasit kau lu hkra re ai makam masham rawng ti mung, tsaw ra myit n rawng yang gaw, ngai hpa n rai nga nngai.

1 KORINHTU 14:22

Dai majaw laklai ai ga amyu myu chye tsun ai chyeju atsam gaw, n kam n sham ai ni a matu mara sakse kumla rai nga ai. Karai Kasang a mungga hkaw tsun lu ai chyeju atsam kumhpa chyawm gaw, kam sham ai ni a matu sakse kumla rai nga ai.

1 KORINHTU 14:37

Marai langai ngai tinang a hkum hpe Karai Kasang a kasa wa rai nngai, shing n rai, Wenyi atsam lu la ai wa rai nngai nga nna myit la ai wa gaw, Karai Kasang a hkang da ai hte ndai laika hpe ngai ka dat ai re ai lam hpe chye u ga.

1 KORINHTU 14:39

Dai re ai majaw hpu nau ni e, nanhte gaw Karai Kasang a mungga hkaw tsun na lam hta myit lawm sharawng awng nga mu, rai ti mung laklai ai ga amyu myu hte tsun ai hpe mung hkum hkum kau myit.

1 KORINHTU 16:14

Nanhte galaw ai amu yawng mayawng hpe tsaw ra myit hte galaw nga mu.

EHPESU 1:3

Anhte a Madu Yesu a Kawa rai nga ai Karai Kasang hpe chyeju dum shakawn ga law! Hpa majaw nga yang anhte Hkristu hte langai sha tai lu ai a marang e shi gaw sumsing lamu lahta tang hta e wenyi hte seng ai shaman chyeju lam shagu hpe jaw ya nga mani ai.

1 HTESALONI 5:20

Karai Kasang a Wenyi shung ya ai hte hkaw tsun ai mungga ni hpe n kaw n law hkum rai myit;

1 TIMOHTI 4:14

Myihtoi ni hkaw tsun ai hte hpung woi ni na a ntsa e lata mara sari dang da ya ai shaloi nang hpe jaw da nna nang hta rawng nga ai wenyi hte seng ai chyeju kumhpa hpe n gawn n sawn di nna hkum hprai kau nga u.

1 TIMOHTI 5:10

Dai hta n ga, shi gaw arawn alai kaja ai lam hta mung gumhkawng ai jan, kashu kasha ni hpe atsawm sha woi lanu lahku shakung jahpan ai jan, tsasam manam ni hpe shi a nta kaw hkap la nna galaw daw ai jan, Hkristan hpu nau ni hte seng nna galaw ra ai lit ni hpe myit nem ai hte galaw gun hpai ai jan, ru yak jam jau hkrum nga ai ni hpe karum ai jan, mai kaja ai magam bungli hpe ap nawng gun hpai ai jan rai ra ai.

1 TIMOHTI 6:11

Nang chyawm gaw Karai Kasang a masha wa e, dai lam mahkra hte hpe koi gam nga u. Ding hpring ai, tara hkungga ai, kam sham ai, tsaw ra ai, shakut sharang ai hte sumnung ai myit ni hpe lu la hkra shakut shaja nga u.

2 TIMOHTI 2:22

Brang ram a myit kayut ai lam ni hpe koi gam nna Madu hpe san seng ai myit hte karum hpyi ai ni hte rau ding hpring ai lam, kam sham ai lam, tsaw ra ai lam hte ngwi pyaw sim sa ai lam hpe tam shakut nga u.

HEBRE 12:14

Masha shagu hte ngwi pyaw ai hku nga lu hkra mung, chyoi pra ai asak hkrung lam hpe lu la hkra mung, tam shakut nga mu. Hpa majaw nga yang, dai zawn re ai asak hkrung lam hte n rai yang kadai mung dai Madu hpe mu lu na n rai.

2 PETRU 1:7

Tara hkungga ai lam hta hpu nau hpe n-gaw n wai ai, hpu nau hpe n-gaw n wai ai hta tsaw ra ai myit, a shajat nga mu.

3 YAWHAN 1:11

Nye a tsaw ra ai jinghku wa e, n kaja ai lam hpe n re ai sha kaja ai lam hpe len la nga u. Kaja ai amu galaw ai wa gaw Karai Kasang hte seng nga ai; n kaja ai amu galaw ai wa chyawm gaw Karai Kasang hpe garai n mu n chye wu ai.

1 SAMUELA 10:5

Dai hpang, Hpilisti dap nga ai Gibea shara na Karai Kasang a kawng de nang sa wa na rai ndai. Shing rai mare chyinghka e, sumpyi dawraw, chying bau, larung sumhkran hte tingse ni hpe dum let kawng ntsa hta nga ai tawn hkungri na yu wa ai myihtoi hpung mi hte nang hkrum na rai ndai. Shanhte gaw ka manawt let jahtau garu na mara ai.