1 KORINHTU 13:9 - Jinghpaw Common Language Bible 2009

⁹ Hpa majaw nga yang, anhte a machye machyang chyeju kumhpa ni mung, Wenyi shung ya ai hte myihtoi ga hku hkaw tsun ai atsam ni mung hkum tsup ai n rai, daw chyen sha rai nga ai;

Jinghpaw Hanson Version Bible

⁹ Kaning rai nme law, daw chyen sha mi anhte chye ga ai hte, daw chyen sha mi myihtoi htoi ga ai:

1 KORINHTU 13:9 ပူးပေါင်းရင်းမြစ်များ

YOBA 26:14

Rai ti mung dai ni gaw shi a daru magam n-gun a ga machyan ni sha naw rai nga ai; anhte na yu ai gaw kahte tsun ai ga ni sha naw rai nga ai. Karai Kasang gaw teng teng kade wa galu kaba nga ai hpe kadai chye lu a ta?

SHAKAWN KUNGDAWN 139:6

Nye a lam hpe chye ya ai na a machye machyang hpaji gaw nau sung la nga ai; dai gaw, nye a machye machyang hte n dang dep lu nga ai.

SHAKAWN KUNGDAWN 40:5

Anhte a Madu Karai Kasang e, anhte a matu nang galaw da ya sai amu ni gaw law la nga ai; nang hte bung ai wa kadai mung n nga nga ai! Anhte a matu mauhpa yaw shada lam law law hpe nang galaw da ya nit dai. Dai ni gaw nau law la ai majaw, dai ni yawng a lam hpe ngai dang hti lu ai n rai!

GA SHAGAWP 30:4

Sumsing lamu hte seng ai machye machyang hpaji hpe, kadai wa hkrak dang chye lu nga a ta? Shi a lata hta nbung hpe rim latup da yu sai gaw, kadai wa nga nga yu sata? Sumpan hkyep hte hka hpe makai hkayawp yu sai gaw, kadai wa nga nga yu sata? Ginding aga a jarit ni hpe, kadai wa shangang shagrin da yu sata? Shi gaw kadai wa rai nga a ni? Shi a kasha gaw kadai wa rai nga a ni? Nang chye ai rai yang, tsun u.

MAHTE 11:27

Nye Wa gaw arai yawng mayawng ngai hpe ap ya ni ai; Wa hta kaga, dai Kasha hpe kadai mung n chye lu ai: dai Kasha hte, dai Kasha shadan dan mayu ai ni hta kaga kadai n chye lu ai.

ROMA 11:34

Chyum laika hta, “Dai Madu a myit hpe kadai dang chye a ta? Shi hpe kadai hpaji jaw lu a ta?

1 KORINHTU 13:10

Rai ti mung, dai hkum tsup re ai du sa wa jang gaw, daw chyen re ai gaw hkoi mat na ra ai.

1 KORINHTU 13:12

Ya anhte mu lu ai gaw, jamna kaw dan pru ai sumla ni hpe mu ai zawn n dan n leng ai hku sha mu ga ai. Hpang de anhte myi man chyaw mu lu na ga ai. Ya ngai chye ai gaw daw chyen mi sha rai nga ai; dai shaloi e, Karai Kasang ngai hpe chye chyang ai zawn, tsep kawp ngai mung chye chyang na ring ngai.

1 KORINHTU 2:9

Rai ti mung Chyum Laika hta, “Kadai n mu n na yu ai lam, byin na re ai ngu nna kadai n myit hkawn pru ai lam hpe Karai Kasang gaw shi hpe tsaw ra ai ni a matu mara lajang da nga ai,” nga nna ka da nga ai.

1 KORINHTU 8:2

Marai langai ngai, ngai lama mi chye nngai nga nna myit a yang gaw, shi chye mai ai hpe pyi kaja wa shi n chye wu ai.

EHPESU 3:8

Ngai gaw Karai Kasang a masha ni hta kaji dik ai wa hta pyi grit nem ai wa rai nga nngai; rai ti mung, Karai Kasang gaw Hkristu a chyahtum chyalai re ai ngamu ngamai lam hte seng ai dai Kabu Gara Shiga hpe maigan masha ni hpang de la sa na matu mung,

1 YAWHAN 3:2

Tsaw ra ai ni e, anhte ya e Karai Kasang a kashu kasha ni rai nga ga ai, rai tim hpang de anhte hpa mi tai na dan leng hkra garai n chye lu ga ai: rai ti mung Hkristu dan pru ai shaloi anhte shi hte bung na ga ai, hpa majaw nga yang shi nan teng teng rai nga ai hpe anhte mu lu na gaw ai.