1 KORINHTU 13:6 - Jinghpaw Common Language Bible 2009

⁶ Tsaw ra ai myit gaw n ding n man n hkru n kaja ai hta n kabu ai sha, dai tengman ai hta kabu gara nga ai.

Jinghpaw Hanson Version Bible

⁶ n ding n man ai hta n kabu ai sha, dai tengman ai hte rau kabu gara nga ai:

1 KORINHTU 13:6 ပူးပေါင်းရင်းမြစ်များ

SHAKAWN KUNGDAWN 10:3

Tara n lang ai masha wa gaw shi a n hkru ai myit marin lam ni hta gumrawng nga nna; lawhpa ai masha wa gaw matsa mawa ga tsun ai hte Madu hpe nyet kau nga ai.

SHAKAWN KUNGDAWN 119:136

Masha ni na a tara hpe n madat n mara nga ma ai majaw, nye a myi prwi ni gaw hka nu zawn lwi nga li ai.

PRU MAT 18:9

Dai lam yawng mayawng hpe Yehtru na ai shaloi, shi kabu ai hte,

GA SHAGAWP 14:9

Angawk angak re ai masha ni yubak galaw ma ti mung, dai hpe hpa zawn n nawn nga ma ai; rai ti mung, mai kaja ai masha ni chyawm gaw mara raw dat kau ya na, ra nga ma ai.

YEREMIA 13:17

Dai ga ni hpe nang n madat ai rai yang, na a gumrawng gumtawng ai myit a majaw, ngai gaw n dan n leng ai shara hta hkrap na nngai; Dai Madu a amyu masha ni gaw bawng dung hkrum ai ni zawn rim hkrum nga ma ai majaw, ngai gaw ahkup ahka nga hkra hkrap ai hte nye a myi prwi lwi na ra ai.

YEREMIA 20:10

Masha shagu gaw, “Hkrit hpa gaw shara shagu hkan nga nga ai! shing rai anhte shi hpe ahkaw ahkang lu ai ni hpang de tang madun ga!,” nga nna kadum kahte tsun ai ga hpe ngai na nngai. Nye a hku hkau ai jinghku ni pyi nye a hkrat sum na lam hpe la mada yu nga ma ai. Shanhte gaw, “Shi hpe mahkoi lau la lu nhten; shaloi anhte shi hpe lu rim ai hte matai dawp lu na ga ai,” nga nna tsun ai.

YEREMIA 9:1

Nye a baw gaw hka htung hka, nye a myi ni gaw myi prwi hka hpawk tai mat na ngai ra sharawng nngai, shaloi ngai gaw sat kau hkrum sai nye a amyu masha ni a matu shani shana hkrap lu na rai nngai.

HOSEA 4:8

Nanhte gaw nye amyu masha ni a yubak ni hta na sut su rawt jat wa nga myit dai, dai rai nna nanhte gaw shanhte hpe yubak grau grau galaw mat wa na ra nga myit dai.

HOSEA 7:3

Dai Madu gaw ning nga nna tsun ai: “Masha ni gaw shanhte a n hkru ai maw mawn lam hte hkawhkam wa hte shi a du salang ni hpe masu hkalem ma ai.

MIHKA 7:8

Anhte a gumlau hpyen ni gaw anhte a ntsa e lachyum kata, yu kabu nga ma ai. Anhte kataw mat ai rai ti mung bai rawt wa lu na ga ai. Ya, anhte nsin kata hta rawng nga ga ti mung, dai Madu gaw anhte hpe nhtoi jaw ya na ra ai.

MAHTE 18:13

Dai hpe mu hkrup jang, ngai teng teng nanhte hpe tsun made ga, n dam ai sagu jahku shi jahku a matu kabu gara ai hta, dai langai sha a matu grau nna kabu gara nga ai.

LUKA 22:5

Shanhte kabu ai hte Yuda hpe gumhpraw jaw na ngu nna myit hkrum ma ai.

ROMA 1:32

Shing rai galaw ai ni gaw si ging nga ma ai nga nna Karai Kasang a tara hta hkang da nga sai hpe shanhte chye chyalu rai ma ai rai ti mung, shanhte hkum nan dai lam ni hpe galaw dingyang rai nga ma ai hta n ga, dai hku hkan galaw ai ni hpe mung n-gun jaw awlaw ma ai.

ROMA 12:9

Tsaw ra ai myit hta sawt ai n lawm u ga, n hkru n hkra ai hpe n ju n dawng matsat nna, mai kaja ai hta manoi nga mu.

HPILIPI 1:18

Kaning re ai myit hte Hkaw tsun ai rai tim hpa n ra ai. Sawt ai myit hte rai ti mung, teng man ai myit hte rai ti mung, byin mai ai lam shagu hku nna Hkristu a lam sha hkaw tsun kajai gara lu nga yang gaw, dai lam hta ngai kabu gara nga nngai. Kaja wa matut nna ngai naw kabu gara nga na nngai.

HPILIPI 1:4

Ngai nanhte a matu akyu hpyi ai ten shagu hta kabu gara ai hte hpyi nngai.

HPILIPI 3:18

Ndai lam shawng de ngai nanhte hpe law law lang tsun dan yu ni ai. Ya mung myi prwi hte kahtap nna tsun dan nga nngai. Wudang ntsa e Hkristu a si hkam ai lam hpe hpyen tai nna asak hkrung ai masha law law nga nga ma ai.

2 HTESALONI 2:12

De a mahtai gaw, dai teng man ai hpe n kam n sham nna yubak a pyaw daw lam hta hkan sa ai ni nlang hte gaw daw dan ai hkrum na mara ai.

2 YAWHAN 1:4

Na a kashu kasha ni nkau mi gaw, Kawa Karai Kasang anhte hpe hkang da mi ai hte maren, dai teng man ai lam hta e asak hkrung hkan sa nga ma ai hpe mu hkrup nngai majaw ngai ja ja kabu gara nga nngai.