1 KORINHTU 13:5 - Jinghpaw Common Language Bible 2009

⁵ tsaw ra ai myit gaw n shawp n kap ai amu n galaw ai, tinang a akyu n tam ai, sinpawt lahtet n nga ai, mara n tam nga ai.

Jinghpaw Hanson Version Bible

⁵ n se n sa n galaw ai, tinang a akyu n tam ai, sin pawt la htet n nga ai, mara n tam nga ai,

1 KORINHTU 13:5 ပူးပေါင်းရင်းမြစ်များ

2 SAMUELA 10:3

Amon ningbaw ni gaw hkawhkam wa hpe, “Nang hpe matsan dum ai lam madun dan na matu, ndai masha ni hpe Dawi shangun dat ai gaw, na nwa hpe shagrau sha-a nna galaw ai zawn nang myit nawn da wu ni? Kaja wa teng teng dai hku n rai law! Shanhte gaw anhte hpe gasat dang kau lu hkra nga, ndai mare hpe kin-yu yu na matu shi shanhte hpe ndai de shangun dat nga nu ai,” ngu nna tsun ma ai.

YOBA 21:27

Nanhte hta matai htang mayu ai myit rawng nga myit dai gaw ngai chye nngai.

GA SHAGAWP 14:17

Myit kahtet ai masha ni gaw mana bu ai amu galaw nga nna; hpaji grau rawng ai ni gaw dai hta atsin sha rai nga nga ma ai.

ESAIA 3:5

Masha hkum shagu hte gaw shada da zai hku nna adip arip di hkat na mara ai. Shabrang ni gaw asak kaba ai ni hpe hkungga lara na mara ai n rai, hpa n tai ai masha ni gaw shanhte a ntsa na masha ni hpe hkungga lara na mara ai n rai.

YEREMIA 11:19

Ngai mahtang, sat na matu dun shapraw sa wa ai sumnung ai sagu kasha zawn rai nga nngai; shanhte gaw n hkru ai amu ni galaw maw mawn nhtawm ngai hpe gumle gumlau galaw kau na, dai hku lajang nga ma ai hpe ngai n chye nngai. Shanhte gaw, “Anhte gaw ndai hpun asi ja kat nga ai aten hta kran daw kau ga; kadai e mung shi hpe galoi mung n dum lu manu ga, anhte shi hpe sat kau ga,” ngu nna tsun ma ai.

BU HKAWM 12:3

(Mawshe gaw shagrit shanem ai myit rawng ai wa rai nna ga ntsa ting na masha nlang hta grau shagrit shanem ai myit rawng ai wa rai nga ai.)

BU HKAWM 16:15

Mawshe gaw masin pawt ai hte dai Madu hpe, “Ndai masha ni la sa ai hkungga hpa hpe mung hkum hkap la ya et; ngai shanhte hte hpa mara mung n galaw shut yu nngai; shanhte a lawze langai mi hpe pyi n la yu nngai,” ngu nna tsun wu ai.

BU HKAWM 32:6

Mawshe chyawm gaw, “Nanhte a hpu nau Israela ni majan gasat sa wa nga ma yang, ndai yang e hkring nga na nanhte sharawng nga myit ni?

MAHTE 5:22

Rai ti mung, ya ngai nanhte hpe tsun made ga, tinang a kahpu kanau wa hpe masin pawt ai wa kadai rai ti mung jeyang ai hkrum na ra ai, tinang a kahpu kanau wa hpe, ‘Nang hpa akyu n rawng ai masha rai ndai!’ (Raka, Raca!), nga ai wa gaw, dai kongsi hpawng a daw dan ai hte ging dan nga ai; bai tinang a kahpu kanau wa hpe, ‘mana ndai’ nga ai wa gaw, ngarai wan hte ging dan nga ai.

MAHTE 9:4

Yesu gaw shanhte a myit mang ai hpe chye ya jang, “Nanhte a kraw lawang ni hta e, hpa majaw n kaja ai myit nga myit ta?

MARKU 3:5

Shanhte a myit ja la nga malu ai hte shut nga ma ai majaw, Yesu gaw myit yawn nna masin pawt let shanhte hpe kayin mada shinggrup yu wu ai. Dai hpang shi gaw lata katsing si ai wa hpe, “Na lata ladawn dat u,” ngu nna tsun wu ai. Dai wa mung shi a lata ladawn dat wu yang, lata mai mat lu ai.

LUKA 7:39

Yesu hpe shaga ai Hparishe wa dai mu jang, “Ndai wa kaja wa myihtoi langai mi rai yang gaw, ndai num gaw kadai re ai, shi hpe kadai wa sa hkra nga ai, ndai num gaw kaning re ai yubak kap ai jan rai nga ai mung, shi chye na wu ai,” nga nna shi a kraw e myit nga ai.

1 KORINHTU 10:24

Kadai wa mung tinang a akyu ni hpe n tam ai sha, masha kaga ni a akyu ni hpe tam nga u ga.

1 KORINHTU 10:33

Masha yawng mayawng hkye hkrang la ai hkrum mu ga she, nye a matu mai kaja ai lam n myit ai sha, yawng mayawng a akyu hpe tam let, masha ni sharawng awng hkra galaw nngai. Nanhte mung ngai galaw ai zawn hkan galaw mu.

1 KORINHTU 11:18

Langai ngu na hta nanhte a hpung zuphpawng ni hta myit n hkrum ninghkap ai ni nga ai lam ngai na nngai; dai mung, daw chyen mi gaw jaw ai ngu nna ngai kam nngai.

1 KORINHTU 12:25

Dai rai nna, hkum hkrang hta na daw shan ni shada da shai wa bra wa ai lam n nga ai sha, shada da myit tsang hkat nga ma ai.

1 KORINHTU 7:36

Mahtan da sai hpang hkungran ai lam n galaw na ngu nna myit daw dan ai yan a lam hte seng nna: la wa gaw num jan a ntsa e tinang galaw ai lam n seng n ang dum ai rai yang mung, shi a myit nau katu nna n sharang lu ai majaw hkungran ai lam galaw ra ai ngu nna sawn nawn ai rai yang mung, shi myit ra ai hte maren shan hkungran ai lam galaw mu ga. Shing rai shi galaw ai gaw hpa yubak mara n rai nga ai.

2 KORINHTU 5:19

Anhte hkaw tsun ai mungga gaw, Karai Kasang gaw Hkristu hta e masha yawng mayawng hpe shi a jinghku ni tai wa shangun ai lam hte seng ai mungga rai nga ai. Karai Kasang gaw masha a yubak mara ni hpe n matsing da ya ai hta n ga, shanhte hpe shi a jinghku ni tai wa hkra gara hku galaw sai lam tsun gawn dan ai mungga anhte hpe jaw da mani ai.

GALATI 5:13

Nanhte chyawm gaw hpu nau ni e, shanglawt ahkang lu la myit ga, nanhte hpe shaga la ai hkrum manit dai, rai ti mung dai shanglawt ahkang hpe jahpai nna hkum shan a ra marit ai lam tam na matu ginshan hkum shatai mu; shing rai na malai, nanhte gaw tsaw ra myit hte shada da daw jau hkat nga mu.

HPILIPI 2:21

Masha kaga ni yawng hte gaw tinang a lam hpe sha tsang ma ai; Hkristu Yesu hte seng ai lam hta myit n lawm ma ai.

HPILIPI 4:8

Hpu nau ni e, hpungdim hku nna tsun ga nga yang, nanhte gaw hpa teng man ai lam rai ti mung, hpa ding hpring ai lam rai ti mung, hpa san seng ai lam rai ti mung, hpa sharawng awng hpa lam rai ti mung, hpa sha-a ram ai lam rai ti mung, a rawng re ai lam lama ma, shakawn kungdawn re ai lam lama ma rai nga yang gaw dai lam hte hpe myit sumru yu nga mu.

2 HTESALONI 3:7

Nanhte gaw anhte galaw dan ai len ningli hte maren hkan galaw ang myit dai lam nanhte nan atsawm sha chye nga myit dai. Nanhte hte rau anhte nga nga ai ten hta anhte ni lagawn ai lailen n madun ga ai.

2 TIMOHTI 2:10

Dai re ai majaw ngai gaw Karai Kasang lata la hkrum ai masha ni a matu ruyak jam jau hkam nngai; shing rai hkam ai lam gaw shanhte mung Hkristu Yesu a marang e hkye hkrang la ai chyeju hte de a htani htana hpung shingkang hkam la lu na matu rai nga ai.

2 TIMOHTI 4:16

Shawng na lang ngai je yang hkrum ai ten hta nye a hkum hpe ngai tsun makawp maga ai shaloi ngai hpang maga tsap nna kadai mung n sa madi shadaw lawm ma ai. Masha yawng gaw ngai hpe kabai kau da mi ai. Karai Kasang gaw shanhte ning rai galaw ai a majaw mara n tai u ga;

YAKU 1:19

Nye a tsaw ra ai hpu nau ni e, ndai lam matsing tawn da nga mu! Nanhte langai hte langai gaw na la na mahtang lawan nna tsun shaga na hte masin pawt na lam hta hkum tin nga mu.