1 KORINHTU 13:4 - Jinghpaw Common Language Bible 2009

⁴ Tsaw ra ai myit gaw myit galu kaba nga ai; matsan dum lama nga ai; manawn masham n nga ai, grang shakawng ai ga n tsun ai; gumrawng gumtawng n rai ai;

Jinghpaw Hanson Version Bible

⁴ Tsawra ai myit gaw galu kaba nga ai, sumnung shingdi nga ai; tsawra ai myit gaw manawn masham n nga ai, grang ai ga n tsun ai, gumrawng gumtawng n rawng ai;

1 KORINHTU 13:4 ပူးပေါင်းရင်းမြစ်များ

NINGPAWT NINGHPANG 30:1

Rai ti mung, Rahkela mahtang Yaku a matu kasha n shangai ya dum wu ai majaw, shi a kana jan hpe yu manawn nga ai rai nna Yaku hpe, “Ngai hpe kasha jaw e, dai n rai yang, ngai si mat na nngai,” ngu nna tsun wu ai.

NINGPAWT NINGHPANG 37:11

Yosep a kahpu ni gaw shi hpe yu manawn da mu tim, shi a kawa chyawm gaw dai lam mahkra hpe amyit yu nga wu ai.

NEHEMIA 9:17

Shanhte gaw ga n madat ma ai; shanhte gaw nang galaw ai amu yawng mayawng hpe malap kau ma ai; shanhte gaw nang galaw dan sai mauhpa amu ni hpe malap kau manu ai. Shanhte gaw gumrawng ai myit hte mayam tai nga ai Egutu mung de shanhte hpe woi nhtang sa wa na matu ningbaw langai san da ma ai. Rai ti mung nang gaw mara dat ya ai Karai Kasang rai nga ndai; nang gaw chyeju myit rawng nna tsaw ra ai hte hkam sharang lu ai wa rai nga ndai. Na a matsan dum ai myit gaw galu kaba nga nna; nang gaw shanhte hpe kau da nga ai n rai.

SHAKAWN KUNGDAWN 10:5

Tara n lang ai wa gaw lam shagu hta awng dang nga ai. Shi gaw Karai Kasang a tara dara ai lam ni hpe n chye na lu nga ai; shi gaw shi a gumlau hpyen ni hpe jahpoi asawng kau nga ai.

GA SHAGAWP 10:12

N dawng n yawt ai myit gaw ru tsang lam hpe shalut shalau ya tim, tsaw ra ai myit gaw shut hpyit mara mahkra hpe raw dat ya nga ai.

GA SHAGAWP 13:10

Myit tsaw myit dap ai lam gaw ru yak tsin-yam hta lai nna, hpa hpe mung shabyin ya lu ai n rai; hpaji jaw ya na matu hpyi lajin ai lam gaw hpaji grau rawng nga ai.

GA SHAGAWP 17:14

Dangrang ai a npawt gaw dim da ai namhpai hta kachyi mi sharut gyi ai zawn rai nga ai; dangrang ai lam garai n sawng yang jahkring da u.

GA SHAGAWP 17:9

Masha ni nang hpe ra sharawng na, nang ra marit ai rai yang, shanhte nang hpe shut hpyit ai shaloi, shanhte hpe mara dat ya u; Mara matsing da ai gaw jinghku jingyu ni hpe daw hka kau shangun nga ai.

GA SHAGAWP 19:22

Lawhpa marin marit ai gaw kaya kahpa amu rai nga ai; masu magaw ga tsun ai ni hta, matsan mayam masha ni gaw grau nna kaja nga ma ai.

GA SHAGAWP 31:20

Shi gaw matsan mayan ni hte ra kadawn ai ni hpe nhpaw n-ya jaw lu jaw sha kam nga ai.

GA SHAGAWP 31:26

Shi gaw si mani ai hpaji ga hte tsun shaga nga ai.

HPAJI NINGLI 10:4

Na a mungdu wa nang hpe masin pawt ai rai yang, bungli kaw na hkum pru mat et; dai hpe nang atsin sha sharang kau ai rai yang, grai sawng ai shut hpyit lam hpe raw dat kau mai nga ai.

MAHTE 27:18

Yuda agyi salang ni manawn masham n ju n dawng ai majaw, shanhte Yesu hpe ap kau mu ai hpe Pilat atsawm sha chye ya mu ai.

KASA 7:9

“Yaku a kasha ni gaw shanhte a kanau Yosep hpe manawn nna, Egutu mung de mayam hku dut kau dat mu ai. Rai ti mung Karai Kasang gaw shi hte rau rai nga ai rai nna,

ROMA 1:29

Shanhte hta n hkru n kaja ai lam amyu myu, awu asin re ai lam, nam mak lawhpa ai lam, arawn alai hten ai lam, n dawng n yawt ai lam, masha sat ai, ga li ga law ai lam, hkalem hkalau ai, mara matsing da ai lam ni hpring chyat rai nga malu ai.

ROMA 13:13

Anhte gaw tang pyaw lam hkan ai hte chyaru nang ai, shawa num gaswi ai, hte ngang kayut ai, ga law ga la ai hte manawn masham ai hpe n hkan ai sha, shani chyingtung a nhtoi hta hkawm sa ai ni zawn anhte ahkawm nga ga.

1 KORINHTU 3:3

Dai majaw nanhte gaw shinggyim ta re ai hku naw nga nga myit dai. Nanhte hta manawn masham ai hte ga li ga law rai nga myit dai majaw, dai gaw nanhte ndai mungkan hte seng ai hku asak hkrung nga ai ni re ngu ai hpe sakse madun nga ai n rai ni?

1 KORINHTU 4:18

Nanhte hpang de ngai bai n sa du sana zawn nawn nna, nanhte hta na nkau mi gaw gumrawng gumtawng rai wa masai.

1 KORINHTU 4:6

Hpu nau ni e, nanhte a matu mai kaja ai lam hpe myit tau yu let, ndai lam hta ngai hte Apolo a lam hpe ga shadawn kasi shatai nna tsun dan made ai. Dai hku tsun dan ai lam gaw, “Hkan sa tara madung hpe lai nna hkum galaw mu,” nga ai ga malai a sung ai lachyum hpe nanhte chye na lu na matu rai nga ai. Nanhte gaw langai wa hta myit kaba gumrawng nna kaga wa hpe n gawn n sawn hkum rai myit.

1 KORINHTU 5:2

Dai zawn arawn alai hten nga myit ti mung, nanhte gumrawng gumtawng naw rai nga myit ni? Nanhte hta yawn ai myit rawng let, dai zawn nse nsa galaw ai masha hpe nanhte hte kanawn mazum nga ai kaw na shaden jahka kau ang myit dai.

1 KORINHTU 8:1

Ya nanhte laika hte san dat ai sumla ni hpe nawng jau ai lusha ni hte seng nna ngai tsun htai dan na nngai. “Anhte yawng hte wa machye machyang rawng ai ni hkrai rai ga ai,” nga nna shanhte tsun ai gaw teng nga ai. Rai ti mung, dai baw machye machyang gaw masha hpe gumrawng gumtawng shangun nga ai.

2 KORINHTU 12:20

Nanhte hpang de ngai du yang, ngai ra ai, mu mayu ai hku nanhte n rai nga la na hpe mung, nanhte mung nanhte ra ai, mu mayu ai hku ngai hta n rai nga na hpe mung ngai tsang nga nngai. Bai ngai gaw nanhte hta ga li ga law ai lam, manawn masham ai lam, pawt sindawng ai lam, tinang akyu tam ai lam, shada da jahpoi asawng ai lam, kadum kahte ai ga, grang ai ga hte kabring kabrawng n ru n ra re ai lam ni sa mu na hpe tsang nngai.

2 KORINHTU 6:6

Myit masin san seng ai lam, chye chyang ai lam, hkam sharang ai lam, matsan dum lama ai lam hku nna mung, chyoi pra ai wenyi a chyeju lam hte n sawt ai tsaw ra myit hku nna mung,

GALATI 5:26

Anhte gaw kaman lila grang gumrawng nna shada da jahte tam ai hte shada manawn masham hkum rai nga ga.

EHPESU 4:2

Tut nawng e shagrit shanem nna sumnung shingdi ai hte hkam sharang nga mu. Nanhte a tsaw ra myit hpe madun nna shada da hkam mana nga mu.

EHPESU 4:32

Nanhte shada da matsan dum ai, mai kaja ai myit madun hkat nna Karai Kasang gaw Hkristu hta e nanhte a mara raw ya manit dai hte maren nanhte mung shada da mara raw dat hkat nga mu.

HPILIPI 1:15

Kaja wa shanhte hta na nkau mi gaw manawn masham nna ga li ga law rai mayu ai myit hte hkaw dan nga ma ai. Rai ti mung kaga ni gaw sharawng awng ai myit kaja rawng let hkaw dan ma ai.

KOLOSE 1:11

Dai rai nna nanhte hkrum hkra wa ai lam shagu hpe myit galu kaba ai hte hkam sharang lu na matu, shi a hpung shingkang rawng ai n-gun atsam a marang e nanhte hpe n-gun lagaw shaja myit ga.

KOLOSE 2:18

Laklai ai shingran ni hpe mu ai majaw yawng hta grau ai ngu myit ai hte n teng n man ai hku shagrit shanem shangun nna lamu kasa ni hpe nawku na matu shadut ai ni kadai hpe rai ti mung nanhte hpe mara hkum dawdan shangun et. Dai zawn re ai ni gaw shanhte a shinggyim myit hku nna kaman lila grang dakat ai ni rai ma ai.

KOLOSE 3:12

Nanhte gaw Karai Kasang a masha ni rai nga myit dai rai nna, shi gaw nanhte hpe tsaw ra nna shi a matu mara lata la hkrum ai ni rai nga myit dai. Dai re ai majaw nanhte gaw n ja n hpra ai, matsan dum lama ai, myit nem ai, sumnung shingdi ai myit galu kaba ai hpe bu hpun dagraw nga mu.

1 HTESALONI 5:14

Bai hpu nau ni e, lagawn ai ni hpe sadi jaw mu, myit kaji ai ni hpe shadaw shalan nga mu, n-gun kya ai ni hpe karum la mu, yawng mayawng a ntsa e hkam sharang nga mu.

1 TIMOHTI 6:4

Dai wa gaw grai gumrawng gumtawng nna hpa mung n chye ai wa rai nga ai. Shi gaw ga sumtu tsun shaga ai lam ni hta dangrang hkat na matu, ga law hkat na matu, n hkrak ai myit rawng ai wa rai nga ai. Shing rai galaw ai a majaw manawn masham ai lam, hpung garan ai lam, n sim n sa ndang kalang lam ni n kaw n law roi asawng ai lam ni, n kaja ai hku n rup n tsen ai lam ni hpe byin pru wa shangun nga ai.

2 TIMOHTI 2:25

Tinang hpe n htan shai ninghkap ai ni hpe shading sharai ai hta sumnung shingdi si mani ai hku galaw ai wa rai ra ai; hpa majaw nga yang, shanhte gaw myit malai lu nna dai teng man ai lam hpe chye na wa na ahkang Karai Kasang shanhte hpe jaw yang jaw na ra ai.

2 TIMOHTI 3:10

Rai ti mung nang chyawm gaw nye a sharin shaga ai lam, nye a lai len hte, nye a asak hkrung lam hta shatawng shada ai lam ni hpe hkan sa nit dai, nye a makam masham nye a myit galu nna hkam sharang ai lam, nye a tsaw ra ai myit, nye a shakut sharang ai lam,

2 TIMOHTI 4:2

Dai mungga hkaw dan na matu, chye na shangun na matu, mara madun nna daru na matu, n-gun jaw na matu, myit galu ai hte sharin shaga na matu, (du hkra ladaw ang ai rai ti mung, n ang ai rai ti mung) a shaja nga u, ngu nna ngai nang hpe shadut jahkat dat de ai.

TITU 3:3

Hpa majaw nga yang, shawng de gaw anhte nan mung myit ngawk ai, n madat n mara ai hte shut hpyit lam dam ai ni rai ga ai. Anhte gaw ngang kayut ai hte pyaw daw kadaw ai lam amyu myu hkan galaw yu ai, de a mayam ni mung rai nga ga ai. Anhte hta galoi mung n ju n dawng ai hte manawn masham ai myit rawng nga mali ai hte, masha kaga ni anhte hpe n ju n dawng ma ai hte maren, anhte mung masha ni hpe n ju n dawng ga ai.

YAKU 4:5

“Anhte hta Karai Kasang bang da ya ai wenyi gaw hkrithpa laja lana re ai ra marin ai myit hte hpring chyat nga ai,” nga nna dai Chyum Laika tsun ai ga hta teng man ai lam n rawng ai ngu nna nanhte myit nga myit ni?

1 PETRU 2:1

Dai re ai majaw nanhte gaw n hkru n kaja ai lam amyu myu hte masu hkalem ai lam sawt ai lam, manawn masham ai lam hte roi asawng ai ga ni hpe yeng seng kabai kau mu.

1 PETRU 3:8

Hpungdim hku nna tsun mayu ai gaw, nanhte yawng hte hta maren mara re ai myit masa hte myit hta hkam sha ai lam rawng nga lu na rai nna; shada da shinggyim nau na zawn tsaw ra ai hte shada da matsan dum nna shagrit shanem hkat nga mu.

1 PETRU 4:8

Lam yawng mayawng hta grau nna nanhte shada tsaw ra ai hta makyit sumri ngang ngang rai nga mu; hpa majaw nga yang, tsaw ra ai myit gaw yubak mara law law hpe magap kau ya nga ai.

2 PETRU 1:7

Tara hkungga ai lam hta hpu nau hpe n-gaw n wai ai, hpu nau hpe n-gaw n wai ai hta tsaw ra ai myit, a shajat nga mu.

1 YAWHAN 4:11

Tsaw ra ai ni e, Karai Kasang gaw anhte hpe ndai hte wa tsaw ra mi ai rai yang gaw, anhte mung shada da mai tsaw ra nga ga ai.