1 KORINHTU 13:3 - Jinghpaw Common Language Bible 2009

³ Ngai lu ai nye a arai yawng hte hpe ngai gam kau nna nye a hkum hpe nat kau na matu ap kau rai ti mung, tsaw ra ai myit n rawng yang gaw, ngai hta hpa akyu nga na n rai.

Jinghpaw Hanson Version Bible

³ Nye a arai ni yawng hte hpe ngai gam kau nna, nye a hkum hpe pyi nat kau na matu ap kau rai timung, tsawra ai myit n rawng yang gaw; hpa akyu nga na n rai.

1 KORINHTU 13:3 ပူးပေါင်းရင်းမြစ်များ

ESAIA 57:12

Nanhte galaw ai amu gaw ding man nga ai ngu, myit nawn nga myit dai, rai ti mung na a sat lawat hpe ngai madun na nngai, nanhte a hpara sumla ni gaw nanhte hpe karum ya lu na ra ai n rai.

YEREMIA 7:8

“Yu u, nang gaw masu magaw ga hta kam hpa nga ndai.

MAHTE 23:5

Shanhte galaw ai amu bungli mahkra hpe, masha ni mu lu mu ga, nga nna galaw ma ai. Shanhte a lahtan ni hte lata lahpum ni hta chyum ga ka shakap tawn ai lakhpoi pa kaba kaba galaw la nna hkawn shakap tawn nga ma ai hpe yu mu! Shanhte a palawng kaba ni hta banbyau ni hpe mung galu lu di nna myin jahkram chywi hpun ma ai.

LUKA 18:22

Yesu gaw dai ga na jang, “Lam langai mi nang naw galaw ra nga ndai, nang lu malu dut kau nna matsan mayan ni hpe garan jaw u; shing rai jang she sumsing lamu ntsa e nang sutgan lu na rin dai, dai hpang ngai kaw hkan nang rit,” ngu nna shi hpe tsun wu ai.

LUKA 18:28

Dai hpang Petru gaw, “Yu u! nang kaw hkan nang na matu anhte a dum nta ni hpe tawn kau da saga ai,” ngu nna tsun wu ai.

LUKA 19:8

Zake rawt tsap nna, “Madu e, nye a sut rai ka-ang hkup matsan mayan ni hpe ngai garan jaw na we ai; bai langai ngai hpe ngai mawp sha kau ai rai yang gaw, htam mali ngai bai wa na we ai,” ngu nna Madu hpe tsun wu ai.

YAWHAN 12:43

Hpa majaw nga yang, shanhte gaw Karai Kasang e masat masa galaw ai arawng sadang lu na hta masha e masat masa galaw ai arawng sadang lu na hpe grau ra ma ai.

YAWHAN 13:37

Petru gaw, “Madu e, ngai nang hte rau hpa rai n hkan lu na rai ta? Na a matu si hkam na ngai jin chyalu rai nga nngai,” ngu wu ai.

YAWHAN 15:13

Jinghku ni a matu tinang a asak nawng kau hkra tsaw ra ai myit hta grau kaba ai tsaw ra myit ngu ai gaw n nga sai.

YAWHAN 6:63

Asak jahkrung ya ai gaw Karai Kasang a Wenyi rai nga ai; masha a n-gun atsam gaw hpa lam n la nga ai. Ngai nanhte hpe tsun ai ga ni gaw Karai Kasang a asak jaw ya ai Wenyi rai nga ai.

KASA 21:13

Pawlu chyawm gaw, “Nanhte hpa rai hkrap ngu hkrap ngoi nga nna nye myit hpe gawng run shangun ya nga myit ta? Yerusalem mare e gyit hkang da ai hkrum na sha n ga, Madu Yesu a mying nsang a majaw dai yang sa si hkam na pyi ngai jin jin rai nga nngai,” ngu nna htan shangap mu ai.

GALATI 5:26

Anhte gaw kaman lila grang gumrawng nna shada da jahte tam ai hte shada manawn masham hkum rai nga ga.

HPILIPI 2:3

Gumrawng gumtawng mayu ai myit, tinang akyu tam mayu ai myit, hte hpa mung hkum galaw mu; masha kaga wa gaw tinang hta grau kaja nga ai ngu nna tut nawng myit la let shada da shagrit shanem ai myit hte kanawn mazum nga mu.

1 TIMOHTI 4:8

Hkum hkrang hte seng nna sha shaman shakyang ai lam gaw akyu loi sha mi nga ai; rai ti mung wenyi makam masham lam hta shaman shakyang ai gaw lam shagu hta akyu nga nga ai; hpa majaw nga yang dai gaw ndai prat hte htawm hpang prat a matu ga ndat rawng nga ai.

HEBRE 13:9

Shawoi n mu n na yu ai sharin shaga ai lam tsasam amyu myu gaw nanhte hpe dai teng man ai lam kaw na lam hkum woi shadam shangun myit. Lusha hte seng ai hkan sa tara ni hpe madat mara hkan shadik ai hku n re ai sha Karai Kasang a chyeju kaw na wenyi n-gun atsam hpe hkam la ai mahtang grau mai kaja nga ai; dai lusha hte seng ai tara ni gaw hkan sa shadik ai ni hpe hpa n karum lu nga ai.