1 KORINHTU 13:1 - Jinghpaw Common Language Bible 2009

¹ Ngai gaw masha ni a ga hte lamu kasa ni a ga amyu myu hpe chye tsun rai ti mung, tsaw ra myit n rawng yang gaw, mahku rawng ai sumseng hte, ngoi gara ai shupsheng sha ngai tai nga nngai.

Jinghpaw Hanson Version Bible

¹ Ngai gaw masha a ga hte lamu kasa ni a ga amyu myu hpe chye tsun rai timung, tsawra ai myit n rawng yang gaw, mahku rawng ai sumseng hte, ngoi gara ai shupsheng sha ngai tai nga nngai.

1 KORINHTU 13:1 ပူးပေါင်းရင်းမြစ်များ

SHAKAWN KUNGDAWN 150:5

Shup sheng ni hte shi hpe shakawn kungdawn mu. Grau ngoi gara ai shup sheng ni hte shi hpe shakawn mu.

MAHTE 25:45

Dai rai nna Hkawhkam wa gaw, ‘Ngai nanhte hpe teng teng tsun made ga, ndai kaji htum ai ni hta na langai wa mi hpe nanhte n galaw myit dai majaw ngai hpe n galaw myit dai rai nga ai,’ ngu nna shanhte hpe htan mu ai.

MARKU 16:17

Kam sham ai ni hpe lamik kumla ni galaw na atsam jaw ya na ra ai; shanhte gaw nye a mying ningsang hte nat ni hpe shaden kau lu na mara ai; shanhte gaw laklai ai ga ni tsun shaga na mara ai.

ROMA 14:15

Lama rai nna, nang lu sha ai shahpa a majaw na a nhpu nnau wa a myit n pyaw hpa dingbai dingna byin shangun a yang gaw, nang gaw tsaw ra ai lam hta magam bungli galaw hkawm sa nga ndai n rai. Hkristu gaw shi a matu mara si hkam ya nu ai majaw nang sha ai lu sha lama ma a majaw dai wa hpe hkum sharun jahten et.

1 KORINHTU 12:10

Dai Wenyi nan kaga wa hpe lamik kumla galaw dan na atsam; kaga wa hpe myihtoi htoi na ahkang; kaga wa hpe Wenyi kaw na jaw ya ai chyeju atsam hte re ai n re ai hpe chye ginhka hparan lu ai atsam, kaga wa hpe ga amyu myu chye tsun na atsam, bai kaga wa hpe tsun ai ga a lachyum hpe htai sanglang dan lu ai atsam jaw shajang mu ai.

1 KORINHTU 12:16

Bai dai na gaw, “Ngai myi n rai nngai majaw hkum hkrang hte n seng nngai,” nga nna tsun a yang gaw, shing nga ai a majaw, kaja wa hkum hkrang hte n seng ai n rai.

1 KORINHTU 12:8

Hpa majaw nga yang, langai ngai hpe dai Wenyi gaw hpaji hte hpring ai mungga jaw wu ai; kaga wa hpe dai Wenyi gaw machye machyang hte hpring ai mungga jaw wu ai.

1 KORINHTU 13:8

Tsaw ra ai myit gaw galoi mung htak mat chye ai n rai; myihtoi chye htoi ai lam rai yang gaw, hkoi mat na ra ai; ga amyu myu chye tsun ai lam rai yang gaw, sim mat na ra ai; chye chyang ai lam rai yang gaw lai mat wa na ra ai.

1 KORINHTU 14:2

Laklai ai ga amyu myu shaga ai wa gaw masha kaga ni hte shaga hkat ai n rai, Karai Kasang hte she tsun shaga nga ai, hpa majaw nga yang, shi a ga hpe gade e mung n chye na ya mu ai. Shi gaw Wenyi atsam hpe lang nna makoi magap da ai lam ni hpe tsun nga ai.

1 KORINHTU 14:4

Laklai ai ga amyu myu chye tsun ai wa gaw, shi hkum hpe sha shadaw shangang lu ai, rai ti mung Karai Kasang a mungga hkaw tsun ai wa gaw dai hpung ting hpe shadaw shangang nga ai.

1 KORINHTU 14:5

Nanhte nga manga hte gaw, laklai ai ga amyu myu tsun na ngai ra nga nngai, rai ti mung Karai Kasang a mungga hkaw tsun lu ai atsam hte seng ai chyeju kumhpa hpe grau nna lu la shangun mayu nngai. Hpa majaw nga yang, laklai ai ga amyu myu chye tsun ai wa gaw, tinang tsun ai ga a lachyum hpe sanglang htai dan ai masha nga yang she dai Hpung hpe shadaw shangang lu nga ai. Dai n rai yang gaw, Karai Kasang a mungga hkaw tsun ai wa gaw laklai ai ga amyu myu hpe tsun ai wa hta grau nna hpu ging nga ai.

1 KORINHTU 8:1

Ya nanhte laika hte san dat ai sumla ni hpe nawng jau ai lusha ni hte seng nna ngai tsun htai dan na nngai. “Anhte yawng hte wa machye machyang rawng ai ni hkrai rai ga ai,” nga nna shanhte tsun ai gaw teng nga ai. Rai ti mung, dai baw machye machyang gaw masha hpe gumrawng gumtawng shangun nga ai.

2 KORINHTU 12:4

Shi gaw dai yang e, shinggyim masha a ga hkum ni hte n mai tsun ai, masha a n-gup hte tsun na ahkang n nga ai ga ni hpe na la wu ai.

GALATI 5:22

Rai ti mung dai Wenyi a asi chyawm gaw, tsaw ra ai, kabu gara ai, ngwi pyaw ai, myit galu kaba ai, matsan dum ai, mai kaja ai,

GALATI 5:6

Kaning rai nme law, anhte gaw Hkristu Yesu hta e rai nga ga yang gaw, matu gadoi hkam ai n hkam ai ngu ai gaw hpa ahkyak n rai nga ai; ra ahkyak ai lam gaw tsaw ra myit dan dawng hkra amu galaw ai dai makam masham she rai nga ai.

1 TIMOHTI 1:5

Ndai hkang da ai ga a shatawng shada ai lam gaw, san seng ai myit kaw na pru ai dum chye ai htauli htaula myit hte sawt ai lam n lawm ai makam masham kaw na pru wa ai tsaw ra myit hpe sharawt ya na matu rai nga ai.

1 PETRU 4:8

Lam yawng mayawng hta grau nna nanhte shada tsaw ra ai hta makyit sumri ngang ngang rai nga mu; hpa majaw nga yang, tsaw ra ai myit gaw yubak mara law law hpe magap kau ya nga ai.

2 PETRU 2:18

Shanhte gaw shut hpyit lam dam mat ai masha hpawng kata na ningnan sha lawt pru magang wa ai ni hpe kaman lila grang ai ga tsun let hkum shan a myit kayut ai lam ni hte hkalum la nna lam woi shadam ma ai.

SHINGRAN 14:2

Bai, sumsing lamu kata nna, hka rum ngoi kashaw ai nsen hte mu matut manoi htim yang na nsen zawn ngoi gunggang ai nsen hpe ngai na we ai. Dai nsen gaw, yu ngwi ninghkrin ni shanhte a tingse ni hpe dum dat ai shaloi ngoi pru wa ai mahku nsen hte bung nga ai.