1 KORINHTU 12:9 - Jinghpaw Common Language Bible 2009

⁹ Bai kaga wa hpe dai Wenyi gaw Karai Kasang hpe kam sham ai chyeju atsam, kaga wa hpe dai Wenyi gaw machyi makaw shamai shatsai ya lu ai atsam jaw mu ai.

Jinghpaw Hanson Version Bible

⁹ kaga wa hpe dai Wenyi a jaw e makam masham; kaga wa hpe, dai Wenyi langai sha a jaw e, machyi makaw shamai shatsai na chyeju;

1 KORINHTU 12:9 ပူးပေါင်းရင်းမြစ်များ

MAHTE 10:8

Machyi makaw hkrum ai ni hpe shamai ya mu; si mat ai ni hpe sharawt dat mu; manggang kap ai ni hpe jaseng ya mu; nat ni hpe shaden kau mu; jahpu n jaw ai sha nanhte lu la manit ai rai nna jahpu n hpyi ai sha she jaw ya mu.

MAHTE 21:21

Yesu gaw, “Ngai nanhte hpe teng teng tsun made ga, nanhte hta kam shut ai myit n lawm ai sha kam sham myit yang gaw, ndai maihpang hpun hpe ngai galaw ai zawn nanhte galaw lu na myit dai. Dai hta n ga, ndai bum hpe, ‘Nang baw mat nna, nawng hta e htawt bang mat u,’ ngu nna nanhte tsun mu yang dai byin na ra ai.

MARKU 16:18

Shanhte gaw lapu ni hpe hta jum ma ti mung shing n rai hpa baw gung lu ma timung, shanhte hta hpa n hkrum na ma ai; machyi makaw hkrum ai ni a ntsa e shanhte lata ni hpe mara ya nna mai tsai wa shangun na mara ai. ngu nna matsun dat mu ai.’

MARKU 6:13

Shanhte gaw nat law law ni hpe shaden kau mu ai hte machyi masha law law ni a ntsa e Tsanlun sau hte chya ya nna shanhte hpe shamai shatsai ya mu ai.

LUKA 10:9

Dai mare na machyi ai ni hpe shamai ya nna, dai yang na masha ni hpe, ‘Karai Kasang a Mungdan gaw nanhte hte ani sha du ra ai,’ ngu nna tsun dan mu.

LUKA 9:2

Dai hpang, Karai Kasang a Mungdan lam hkaw tsun dan na hte, machyi makaw shamai ya na matu, shi shanhte hpe shangun dat mu ai.

KASA 10:38

Nazaret wa Yesu gaw Karai Kasang kaw na Chyoi Pra ai Wenyi hte n-gun atsam gara hku hkam la lu ai hpe mung nanhte chye nga myit dai. Karai Kasang gaw Yesu hte rau rai nga ai majaw shi gaw shara shagu kawan katsan hkawm nna masha ni hpe mai kaja ai amu galaw ya let, nat gumlau e zingri zingrat hkrum ai ni yawng mayawng hpe shamai shatsai ya nga ai.

KASA 5:15

Kasa ni galaw dan nga ai magam bungli ni a majaw, Petru lai sa wa yang nkau mi a ntsa e shi a shingnip sha pyi hkra u ga, nga nna machyi makaw hkrum ai ni hpe mare lam makau de hpai shapraw nhtawm yup ku ni hte panep ni hta tawn da shajang ma ai.

1 KORINHTU 12:28

Karai Kasang gaw dai Hpung hta e, langai ngu na shara hta Kasa ni, lahkawng ngu shara hta myihtoi ni, masum ngu na shara hta sara ni, dai hpang e lamik kumla galaw ai ni, dai hpang machyi makaw shamai shatsai na atsam lu ai ni, masha kaga ni hpe karum madi shadaw lam madun chye ai atsam lu la ai ni, lam woi ningshawng ni hte, laklai ai ga amyu myu chye shaga ai ni hpe mung shi shara hte shi san tawn da manu ai.

1 KORINHTU 12:30

Shanhte yawng hte wa machyi makaw shamai shatsai na chyeju lu la ma ai kun? Yawng hte wa laklai ai ga shaga ai ni rai ma ni? Yawng hte wa tsun ai ga amyu myu a lachyum hpe chye htai sanglang dan lu ai ni rai nga ma ai kun?

1 KORINHTU 13:2

Ngai myihtoi chye htoi ai hte sung ai lam yawng mayawng, chye chyang ai hpaji amyu myu hkum nga ai hte bum hpe jasit kau lu hkra re ai makam masham rawng ti mung, tsaw ra myit n rawng yang gaw, ngai hpa n rai nga nngai.

2 KORINHTU 4:13

Chyum Laika hta, “Ngai kam sham nngai majaw ngai hkaw tsun nngai,” nga nna tsun da nga ai hte maren, anhte mung kam sham ai majaw hkaw tsun ga ai.

EHPESU 2:8

Hpa majaw nga yang, nanhte gaw makam masham a marang e Karai Kasang a chyeju hte sha hkye hkrang la ai hkrum manit dai; dai gaw nanhte nan shakut shaja ai majaw n rai, Karai Kasang a kumhpaw kumhpa sha rai nga ai.

HEBRE 11:33

Dai ni gaw kam sham ai hte masha mungdan ni hpe gasat nna dang kau lu ma ai, Shanhte gaw ding hpring ai lam hpe hkan sa galaw nna Karai Kasang ga sadi jaw da ai lam hpe hkam la ma ai. Hkanghkyi ni a n-gup ni hpe pat kau lu ma ai.