1 KORINHTU 12:8 - Jinghpaw Common Language Bible 2009

⁸ Hpa majaw nga yang, langai ngai hpe dai Wenyi gaw hpaji hte hpring ai mungga jaw wu ai; kaga wa hpe dai Wenyi gaw machye machyang hte hpring ai mungga jaw wu ai.

Jinghpaw Hanson Version Bible

⁸ Kaning rai nme law, langai mi hpe, dai Wenyi a jaw e, hpaji mungga; kaga wa hpe dai Wenyi a jaw e chye chyang ai mungga;

1 KORINHTU 12:8 ပူးပေါင်းရင်းမြစ်များ

NEHEMIA 9:20

Na a mai kaja ai lam hta, shanhte hpa galaw ang ai lam nang shanhte hpe tsun ndai; nang gaw shanhte hpe manna jaw sha nna, lu hka ntsin jaw ndai.

YOBA 32:8

Rai ti mung Chyahtum Chyalai N-gun Rawng Ai Karai Kasang a wenyi gaw shanhte kaw du nna hpaji byeng-ya jaw ya wu ai.

SHAKAWN KUNGDAWN 143:10

Nang gaw nye a Karai Kasang rai nga ndai, na a myit ra ai hku, galaw lu na matu ngai hpe sharin ya e. Mai kaja ai lam madun ya nna, shim ai hkrun lam hta woi lakawn wa ya rit.

PRU MAT 31:3

Ngai gaw shi hpe chye chyang ai nyan, kung kyang ai zai hpaji hte lata amu baw hkum sumhpa galaw lu ai atsam marai,

GA SHAGAWP 2:6

Dai gaw hpaji byeng-ya hpe jaw ya ai Madu rai nga nna, machye machyang hpaji hte chye na hkawn hkrang ai nyan shi kaw na lu la nga ai.

ESAIA 50:4

Tsaw Htum ai dai Madu gaw kaning ngu tsun na lam ngai hpe sharin ya nu ai, shaloi ngai gaw hki ba ai wa hpe n-gun jaw ya lu nngai. Jahpawt shagu shi gaw ngai hpe shi kaning rai sharin ya na lam hpe na la na lam sharawng shangun nga ai.

ESAIA 59:21

Ngai gaw nanhte hte ga shaka tawn da na nngai: dai gaw nanhte a matu htani htana rai nga na nye a daru magam n-gun hte nye a sharin achyin ai ga ni ngai nanhte hpe jaw ni ai, ya aten kaw nna, nanhte gaw nye a ga madat mara ra na rai myit dai, nanhte a kashu kasha ni hte nanhte a aru arat ni hpe prat mi hte prat mi nye a ga madat mara na matu sharin ya nga mu.”

Daniela 2:21

Shi gaw aten ahkying hte ladaw ni hpe hkang nga ai; shi gaw hkawhkam ni hpe hkaw dung shangun nna bai shayu kau nga ai; shi gaw hpaji byeng-ya hte chye na hkawn hkrang ai nyan jaw ya nga ai.

MAHTE 13:11

Yesu gaw, “Sumsing Lamu a Mungdan a makoi magap da ai sung htum ai lam ni hpe chye lu na ahkang nanhte hpe jaw da sai; rai ti mung kaga ni gaw dai ahkang n lu ma ai.

KASA 6:3

Dai majaw hpu nau ni e, nanhte hta na Chyoi Pra ai Wenyi hte hpaji machye machyang hpring ai marai sanit lata tawn mu. Anhte dai ni hpe dai amu galaw hpajang na matu san da na ga ai.

ROMA 15:14

Nye a hpu nau ni e, nanhte gaw mai kaja ai lam hte hpring tsup nga nna machye machyang htak rai nga ai hte, nanhte shada da sharin jep lu nga myit dai hpe ngai hkum nan kam da made ai.

1 KORINHTU 1:30

Karai Kasang nanhte hpe Hkristu hte langai sha byin tai shangun manit dai rai nna, Karai Kasang gaw Hkristu hpe anhte a hpaji byeng-ya tai wa shangun sai. Shi a marang e Karai Kasang a man e ding hpring wa lu ga ai, Karai Kasang a chyoi pra ai amyu masha ni tai wa lu ga ai hte yubak mara kaw na raw dat ai hkrum lu saga ai.

1 KORINHTU 1:5

Nanhte gaw Hkristu hte langai sha tai nga myit dai majaw, n-gup atsam hte chye chyang ai lam shagu hta, nanhte shi hta hkum tsup nga manit dai.

1 KORINHTU 13:2

Ngai myihtoi chye htoi ai hte sung ai lam yawng mayawng, chye chyang ai hpaji amyu myu hkum nga ai hte bum hpe jasit kau lu hkra re ai makam masham rawng ti mung, tsaw ra myit n rawng yang gaw, ngai hpa n rai nga nngai.

1 KORINHTU 13:8

Tsaw ra ai myit gaw galoi mung htak mat chye ai n rai; myihtoi chye htoi ai lam rai yang gaw, hkoi mat na ra ai; ga amyu myu chye tsun ai lam rai yang gaw, sim mat na ra ai; chye chyang ai lam rai yang gaw lai mat wa na ra ai.

1 KORINHTU 14:26

Dai rai nna hpu nau ni e, ngai ngu mayu ai gaw da ndai rai nga ai: Nanhte nawku daw jau na matu hpawng nga myit dai shaloi e, langai wa gaw mahkawn shakawn ai lam, bai langai wa gaw sharin ai lam, bai langai wa gaw shingran ga htai dan ai lam, bai langai wa mi gaw laklai ai ga amyu myu hku tsun nna, kaga langai wa mi gaw tsun ai ga a lachyum hpyan dan ai lam re ai ni hpe gun hpai nga mu. Nanhte galaw ai lam shagu gaw dai hpung hpe shadaw shangang ai lam shabyin u ga.

1 KORINHTU 14:6

Dai rai nna hpu nau ni e, ya e ngai nanhte kaw sa du nna, laklai ai ga amyu myu tsun ti mung, Karai Kasang kaw na shingran ga, chye chyang ai ga, Wenyi shung ya ai hte tsun ai mungga, sharin shaga ai ga, nanhte hpe n tsun dan made yang gaw, nanhte a matu hpa akyu nga a ta?

1 KORINHTU 2:11

Masha langai mi a lam nga manga hpe dai wa a kata hta rawng ai shi nan a wenyi chyu sha chye lu nga ai, dai hte maren Karai Kasang a Wenyi chyu sha Karai Kasang a lam chye lu nga ai.

1 KORINHTU 2:16

Dai Chyum Laika hta, “Kadai wa mi dai Madu a myit hpe chye lu a ni? Kadai wa mi shi hpe hpaji jaw sharin achyin ya lu a ni?,” nga nna ka da nga ai hte maren rai nga ai. Anhte chyawm gaw Hkristu a myit hpe lu ai ni rai nga ga ai.

2 KORINHTU 1:12

Anhte myit kata hta asan sha gumrawng na lam langai mi nga ai; dai gaw, ndai mungkan hta anhte a asak hkrung lam, grau nna nanhte hte kanawn mazum matut mahkai ai lam ni hta masha a machye machyang hta n shamyet shanat ai sha Karai Kasang a chyeju atsam hte anhte gaw Karai Kasang jaw ai teng man san seng ai myit masin e up hkang ai hku nna amu galaw ai lam rai nga ai.

2 KORINHTU 11:6

Lama wa ngai gaw hkaw tsun shaga ai lam hta n kung ai wa rai hkra rai ti mung, kaja wa chye chyang ai lam hta gaw dai zawn n rai, anhte gaw aten shagu mabyin masa lam yawng hta ndai lam nanhte hpe asan sha mu chye shangun saga ai.

2 KORINHTU 2:14

Rai ti mung Karai Kasang a chyeju grai kaba la nga ai; hpa majaw nga yang, shi gaw anhte hpe Hkristu hte langai sha shatai nna Hkristu a awng padang lu ai poi hta ninglaw yan hkawm ai bawng masha ni hpe zawn Karai Kasang gaw anhte hpe woi awn da mi ai. Hkristu hpe chye chyang ai machye machyang hpe manam pyaw ai bat zawn shara shagu hkan e shabra dat na matu Karai Kasang gaw anhte hpe jai lang nga mi ai.

2 KORINHTU 4:6

Yesu Hkristu a myi man hta htoi tu ai hpung shingkang a lam nanhte chye chyang u ga, anhte a myit masin hta nhtoi jahtoi ya ai Karai Kasang gaw, “Nsin hta na nhtoi htoi na ra ai,” nga nna tsun ai Karai Kasang shi nan rai nga ai.

2 KORINHTU 6:6

Myit masin san seng ai lam, chye chyang ai lam, hkam sharang ai lam, matsan dum lama ai lam hku nna mung, chyoi pra ai wenyi a chyeju lam hte n sawt ai tsaw ra myit hku nna mung,

2 KORINHTU 8:7

Nanhte gaw makam masham lam hta, mung sumtu hta, hpaji machye machyang lam hta, nanhte a karum mayu ai shawang myit hta, anhte hpe tsaw ra ai lam hta, nanhte hkum tsup law htam nga manit dai. Dai rai nna ndai tsaw ra shawang myit hte daw jau ai amu hta mung, nanhte ndaw nhta alu jaw na hpe anhte ra sharawng ga ai.