1 KORINHTU 12:7 - Jinghpaw Common Language Bible 2009

⁷ Yawng mayawng a matu akyu pru u ga she, langai hte langai hta dai Wenyi shanu nga ai lam, amyu myu hku madun shadan dan nga ai.

Jinghpaw Hanson Version Bible

⁷ Shing rai Chyeju akyu pru u ga she, langai hte langai hpe Wenyi a shapraw shadan ai lam jaw shajang manu ai.

1 KORINHTU 12:7 ပူးပေါင်းရင်းမြစ်များ

PRU MAT 28:3

Ngai atsam marai jaw da sai lata hpaji kungkyang ai masha ni yawng hpe shaga la nna Arun a hpun palawng galaw na lam, shanhte hpe tsun matsun u; shi gaw nye a amu hta hkinjawng amu gun hpai ap nawng na rai wu ai.

1 KORINHTU 12:12

Hkristu gaw daw shan law law rawng ai hkum hkrang hte bung nga ai; dai hkum hkrang a daw shan ni gaw law law rai ma ti mung, hkum hkrang langai sha rai nga ai.

1 KORINHTU 14:12

Nanhte gaw Wenyi chyeju kumhpa hpe, ra marit nga myit dai majaw dai Hpung hpe galu kaba hkra gaw gap ai chyeju kumhpa ni hpe yawng hta grau nna jai lang nga mu.

1 KORINHTU 14:17

Chyeju shakawn ai nanhte a akyu hpyi ai ga gade wa kaja nga ai rai ti mung, kaga wa a matu shadaw shangang lu ai akyu mi nga na n rai.

1 KORINHTU 14:19

Rai ti mung nawku daw jau ai hpawng hta laklai ai ga amyu myu hkying mun tsun lu ai hta masha kaga hpe sharin achyin ya lu na matu chye na ai ga hkaw manga hte sha ngai grau nna tsun mayu nngai.

1 KORINHTU 14:5

Nanhte nga manga hte gaw, laklai ai ga amyu myu tsun na ngai ra nga nngai, rai ti mung Karai Kasang a mungga hkaw tsun lu ai atsam hte seng ai chyeju kumhpa hpe grau nna lu la shangun mayu nngai. Hpa majaw nga yang, laklai ai ga amyu myu chye tsun ai wa gaw, tinang tsun ai ga a lachyum hpe sanglang htai dan ai masha nga yang she dai Hpung hpe shadaw shangang lu nga ai. Dai n rai yang gaw, Karai Kasang a mungga hkaw tsun ai wa gaw laklai ai ga amyu myu hpe tsun ai wa hta grau nna hpu ging nga ai.