1 KORINHTU 12:30 - Jinghpaw Common Language Bible 2009

³⁰ Shanhte yawng hte wa machyi makaw shamai shatsai na chyeju lu la ma ai kun? Yawng hte wa laklai ai ga shaga ai ni rai ma ni? Yawng hte wa tsun ai ga amyu myu a lachyum hpe chye htai sanglang dan lu ai ni rai nga ma ai kun?

Jinghpaw Hanson Version Bible

³⁰ yawng hte wa machyi makaw shamai shatsai na chyeju lu nga ai kun? yawng hte wa ga amyu myu chye tsun nga ai kun? yawng hte wa ga amyu myu a ga lachyum chye shapraw nga ai kun?

1 KORINHTU 12:30 ပူးပေါင်းရင်းမြစ်များ

1 KORINHTU 12:10

Dai Wenyi nan kaga wa hpe lamik kumla galaw dan na atsam; kaga wa hpe myihtoi htoi na ahkang; kaga wa hpe Wenyi kaw na jaw ya ai chyeju atsam hte re ai n re ai hpe chye ginhka hparan lu ai atsam, kaga wa hpe ga amyu myu chye tsun na atsam, bai kaga wa hpe tsun ai ga a lachyum hpe htai sanglang dan lu ai atsam jaw shajang mu ai.

1 KORINHTU 12:28

Karai Kasang gaw dai Hpung hta e, langai ngu na shara hta Kasa ni, lahkawng ngu shara hta myihtoi ni, masum ngu na shara hta sara ni, dai hpang e lamik kumla galaw ai ni, dai hpang machyi makaw shamai shatsai na atsam lu ai ni, masha kaga ni hpe karum madi shadaw lam madun chye ai atsam lu la ai ni, lam woi ningshawng ni hte, laklai ai ga amyu myu chye shaga ai ni hpe mung shi shara hte shi san tawn da manu ai.

1 KORINHTU 12:29

Shanhte yawng hte wa kasa rai nga ma ai kun? Yawng hte wa myihtoi rai nga ma ai kun? Yawng hte wa sara ni rai ma ai kun? Yawng hte wa lamik kumla galaw lu ma ai kun?

1 KORINHTU 12:9

Bai kaga wa hpe dai Wenyi gaw Karai Kasang hpe kam sham ai chyeju atsam, kaga wa hpe dai Wenyi gaw machyi makaw shamai shatsai ya lu ai atsam jaw mu ai.

1 KORINHTU 14:13

Dai majaw laklai ai ga amyu myu tsun ai wa gaw, tinang tsun ai ga a lachyum tsun htai dan lu ai chyeju atsam lu la na matu shi akyu hpyi lu na rai nga ai.