1 KORINHTU 12:27 - Jinghpaw Common Language Bible 2009

²⁷ Ya nanhte yawng gaw Hkristu a hkum hkrang rai nga ai hte, langai hte langai gaw de a daw shan ni rai nga myit dai.

Jinghpaw Hanson Version Bible

²⁷ Ya nanhte gaw Hkristu a hkumhkrang rai nga ai hte, langai hte langai de a daw shan ni rai nga myit dai.

1 KORINHTU 12:27 ပူးပေါင်းရင်းမြစ်များ

ROMA 12:5

Dai hte maren law law rai nga ga ai anhte mung Hkristu hta hkum hkrang langai sha tai nna anhte gaw langai hte langai shada da daw shan rum nga ga ai.

1 KORINHTU 1:2

Korinhtu mare na Karai Kasang a Hpung hta lawm nga ai ni hte, shara shagu hkan na, anhte hte shanhte a Madu rai nga ai Madu Yesu Hkristu hpe nawku daw jau nga ai Hkristu Yesu hta e, Karai Kasang a chyoi pra ai amyu masha tai na matu shaga la hkrum ai ni yawng hpang de ga shana dat ga ai.

1 KORINHTU 10:17

Hpa majaw nga yang, muk tawng gaw langai sha rai nga ai, dai muk tawng langai sha hpe jawm garan sha ga ai majaw, anhte law law wa rai nga ga ti mung, hkum hkrang langai sha rai nga ga ai.

1 KORINHTU 12:12

Hkristu gaw daw shan law law rawng ai hkum hkrang hte bung nga ai; dai hkum hkrang a daw shan ni gaw law law rai ma ti mung, hkum hkrang langai sha rai nga ai.

1 KORINHTU 12:26

Shing rai daw shan langai mi nji nmu hkrum yang, daw shan kaga ni yawng mung, dai hte rau machyi hkrum ma ai. Daw shan langai mi shakawn shagrau ai hkrum yang, daw shan kaga ni yawng mung rau kabu gara nga ma ai.

1 KORINHTU 6:15

Nanhte a hkum hkrang ni gaw Hkristu a daw shan ni rai nga ai hpe, nanhte n chye nga myit ni? Dai rai yang gaw, Hkristu a daw shan langai mi hpe la nna shawa num a daw shan langai mi shatai na rai nga a ni? Dai hku n mai byin ai.

EHPESU 1:23

Dai hpung gaw yawng mayawng hpe jahpring shatsup ya ai wa a hkum tsup ngu ai Hkristu a hkum hkrang rai nga ai.

EHPESU 4:12

Shi shing rai galaw ai gaw Hkristu a hkum hkrang hpe gaw gap shagrin da u ga, Karai Kasang a masha ni yawng hte hpe Hkristan daw jau sasana bungli a matu mara hkum tsup hkra hkyen lajang shajin ya na matu rai nga ai.

EHPESU 5:23

Hkristu gaw dai hpung a ntsa e ahkang aya lu nga ai zawn dai madu wa mung madu jan a ntsa e ahkang aya lu nga ai. Hkristu shi nan shi a hkum hkrang rai nga ai dai hpung a Hkye Hkrang la ai Madu mung rai nga ai.

EHPESU 5:30

Hpa majaw nga yang, shi a hkum hkrang a daw shan ni rai nga ga ai.)

KOLOSE 1:18

Shi gaw shi a hkum hkrang ngu ai Hpung a baw rai nga ai. Shi nan dai hkum hkrang hte seng ai asak a npawt rai nga ai. Shi chyu sha lam shagu hta nambat langai shara la da nna yawng mayawng a nhtung nhka tai wa u ga, si mat ai ni kaw na hkrung sharawt la ai Kasha alat ningshawng rai nga ai.

KOLOSE 1:24

Ya chyawm gaw, nanhte a matu mara ngai hkrum ai tsin-yam tsindam hta kabu gara nga nngai. Hkristu gaw shi a hkum hkrang ngu ai Hpung a matu nni nkri hkrum nu ai hte maren, ngai gaw nye a hkum hkrang a matu nni nkri hkam ai hku nna Hkristu a hkum hkrang ngu ai dai Hpung a matu hkam na naw ngam nga ai nni nkri ni hpe ngai hkan shatup karum nga nngai.

KOLOSE 2:19

Shanhte gaw hkum hkrang a baw ngu ai Hkristu hpe manoi manat ai lam n nga mat masai. Nra hkrihkraw hte lamyi laman, lasaw lasa ni e shachyaw jum da ai hkum hkrang ting gaw Hkristu ngu ai baw kaw na sha hpa hpe hkam la nna Karai Kasang a myit ra ai lam hte maren kaba wa nga ai.