1 KORINHTU 12:2 - Jinghpaw Common Language Bible 2009

² Nanhte gaw maigan masha ni naw rai nga ai shaloi e, lam amyu myu hku nna lam dam ai hte asak n rawng ai sumla ni hpe naw lai wa manit dai hpe nanhte nan chye nga myit dai.

Jinghpaw Hanson Version Bible

² Nanhte gaw maigan ni naw rai nga ai shaloi e, shalen la hkrum kadup ai hte maren, n chye shaga ai sumla ni hpang de nanhte woi la hkrum nga myit dai gaw, nanhte nan chye nga myit dai.

1 KORINHTU 12:2 ပူးပေါင်းရင်းမြစ်များ

SHAKAWN KUNGDAWN 115:5

Shanhte hta n-gup tu nga ma ti mung, ga n lu shaga nga ai; myi tu ti mung, n mu lu nga ma ai.

SHAKAWN KUNGDAWN 115:7

Shanhte hta lata tu ti mung, n jum lu nga ma ai, lagaw tu nga ma ti mung, n lu hkawm nga ma ai; shanhte gaw nsen hpe mung n shapraw lu ma ai.

SHAKAWN KUNGDAWN 135:16

Shanhte hta n-gup tu ti mung, n lu shaga nga ma ai, myi tu ti mung, n mu lu nga ma ai.

ESAIA 46:7

Shanhte gaw dai hpe lahpa hta mara nna hpai ma ai; shanhte gaw dai hpe san da ai shara hta tawn da ai rai nna dai shara e n htawt ai sha tsap nga ai. Marai langai ngai dai kaw akyu hpyi yang, htan ya ai n rai, shanhte hpe tsin-yam tsindam kaw na hkye la lu ai n rai.

YEREMIA 10:5

Dai zawn tawk da ai hpara sumla ni gaw ginshau yi hta u ni hpe jahkrit ai u shari sumla ni zawn rai nna, shanhte ga lu shaga ai n rai; shanhte n lu hkawm ai majaw, shanhte hpe hpai hkawm ra nga ai. Dai ni hpe hkum hkrit et, shanhte nang hpe ru yak jahkrum lu ma ai n rai, shanhte na a matu kaja ai amu hpa mung n galaw ya lu ma ai,” ngu nna tsun ai.

MAHTE 15:14

Dai rai nna shanhte a majaw, myit hkum ru nga myit. Shanhte gaw myi kyaw ai wa hpe lam madun ai myi kyaw ai ni rai nga ma ai: myi kyaw ai wa gaw, myi kyaw ai wa hpe lam madun a yang gaw, shan lahkawng gaw nhkun kata de di hkrat na mara ai,” ngu mu ai.

1 KORINHTU 6:11

Nanhte nkau mi gaw shing rai chyalu ni rai nga myit dai, rai ti mung nanhte gaw anhte a Madu Yesu Hkristu a amying nsang hte mung, anhte a Karai Kasang a Wenyi hte mung, kashin kamun jasan jaseng kau nna, Karai Kasang kaw ap nawng kau ai ni, Karai Kasang a man e ding hpring ai ni, ngu ai hpe hkam la ai ni tai wa manit dai.

GALATI 4:8

Lai mat wa sai ten hta nanhte gaw Karai Kasang hpe n chye nga myit dai majaw n teng n man ai hpara ni a mayam tai nga myit dai.

1 HTESALONI 1:9

Nanhte kaw anhte sa du ai shaloi, nanhte gara hku anhte hpe hkap hkalum la myit dai hpe mung, nanhte gaw ahkrung nga ai hte teng man ai Karai Kasang hpe daw jau lu na matu gawkngu sumla ni hpe shinggan kau nhtawm, Karai Kasang hpang de kaning rai kayin wa myit dai mung,

TITU 3:3

Hpa majaw nga yang, shawng de gaw anhte nan mung myit ngawk ai, n madat n mara ai hte shut hpyit lam dam ai ni rai ga ai. Anhte gaw ngang kayut ai hte pyaw daw kadaw ai lam amyu myu hkan galaw yu ai, de a mayam ni mung rai nga ga ai. Anhte hta galoi mung n ju n dawng ai hte manawn masham ai myit rawng nga mali ai hte, masha kaga ni anhte hpe n ju n dawng ma ai hte maren, anhte mung masha ni hpe n ju n dawng ga ai.

1 PETRU 1:18

Nanhte a kaji kawa ni kaw na hkan dagraw la ai manu n rawng ai asak hkrung lam a arawn asam hta na nanhte hpe hpa baw hte galai hkrang la sai lam nanhte chye nga myit dai. Dai gaw jahten sharun kau lu ai ja gumhpraw zawn re ai arai lama ma hte n rai,

1 PETRU 4:3

Nanhte gaw lai wa sai aten hta ram ram wa na hkra maigan masha ni galaw mayu ai baw hkan galaw lai wa manit dai. Nanhte a asak hkrung lam hpe tara n hkan ai n htap n htuk ai amu, marin marit ai amu, chyaru nang ai, n se n sa galaw ai, nang ai baw malu masha sha ai, tsa lu poi ni galaw ai, hta jai lang manit dai. Dai ni hta grau matsat shabat hkyet rung hpa gaw, sumla ni hpe nawku ai lam rai nga ai.