1 KORINHTU 12:11 - Jinghpaw Common Language Bible 2009

¹¹ Rai ti mung dai chyeju atsam yawng mayawng hte chyawm gaw, dai Wenyi langai sha e nan shabyin wu ai rai nna, shi myit ra ai hte maren, shi gaw langai hte langai hpe laklai ai chyeju atsam kumhpa kaga ga garan kachyan shagu wu ai.

Jinghpaw Hanson Version Bible

¹¹ dai lam yawng hte chyawm gaw, dai Wenyi langai sha e nan shabyin wu ai rai nna, shi myit ra ai hte maren, langai hte langai hte hpe karan kachyan shagu mu ai.

1 KORINHTU 12:11 ပူးပေါင်းရင်းမြစ်များ

Daniela 4:35

Shi gaw mungkan masha ni hpe hpa mi n re ai zawn yu nga ai; sumsing lamu na lamu kasa ni hte mungkan ga na masha ni gaw shi up hkang ai n pu hta taw nga ai. Kadai mung shi a sharawng awng ai hpe ninghkap lu ai n rai; shi galaw ai amu hpe kadai mung ga san n shapraw lu nga ai.

MAHTE 11:26

Rai sa, Wa e, ndai hku byin ai lam gaw, na a myit ra ai lam hte maren rai nga lit dai.

MAHTE 20:15

Ngai madu ai gumhpraw hpe ngai di mayu ai hte maren di lu na ahkang nga ai n rai ni? Ngai myit mai ai majaw nang manawn nga nni?,’” ngu nna htan wu ai.

YAWHAN 3:27

Shaloi Yawhan gaw, “Karai Kasang kaw na jaw ai sha n rai yang gaw masha gaw hpa amu lit hpe mung hkam la lu ai n rai.

YAWHAN 3:8

Nbung gaw bung wa mayu ai de bung wa nna, gade rai wa ai gaw, nang n chye dat ndai; dai hte maren, Wenyi e shangai ai masha shagu mung shing rai nga ai,” ngu nna htan wu ai.

YAWHAN 5:21

Kawa gaw si ai ni hpe jahkrung sharawt la nna asak jahkrung ya ai zawn Kasha wa mung shi ra ai ni hpe asak jahkrung ya wu ai.

ROMA 12:6

Shing rai anhte gaw anhte hpe karan jaw ai chyeju kumhpa kaga ga lu ga ai hte maren, dai kaga ga lu ai chyeju kumhpa ni hpe jai lang ra ga ai. Anhte lu ai chyeju kumhpa gaw Karai Kasang a mungga hkaw dan chye ai atsam rai yang gaw anhte lu ai makam masham chyeju kumhpa hte maren hkaw tsun ga,

ROMA 9:18

Dai rai nna Karai Kasang gaw, Kadai hpe mung chyeju galaw mayu yang galaw nga ai, kadai hpe mung myit shaja mayu yang shaja ya nga ai.

1 KORINHTU 12:18

Ya chyawm gaw, Karai Kasang shi ra ai hte maren, daw shan ni langai hte langai hpe shi shara hte shi shachyaw tawn da mu ai.

1 KORINHTU 12:4

Ya Wenyi kumhpa ni gaw amyu myu nga ai, Rai ti mung dai chyeju kumhpa ni hpe Wenyi langai kaw nna jaw ya nga ai.

1 KORINHTU 12:6

Magam gun hpai na atsam amyu myu nga ai, rai ti mung yawng mayawng hpe tinang gun hpai daw jau nga ai laksan amu a matu atsam jaw ai Karai Kasang gaw langai sha rai nga ai.

1 KORINHTU 7:17

Masha langai hte langai gaw, shi hpe Karai Kasang garan jaw ai chyeju kumhpa hte maren, Karai Kasang shaga lata la ai ten hta nga ai mabyin masa hte maren matut nna asak hkrung nga u ga. Ndai gaw hpung shagu hpe ngai hkaw tsun sharin shaga ai tara lam rai nga ai.

1 KORINHTU 7:7

Kaja wa nga yang, masha yawng mayawng hte hpe ngai zawn rai shangun mayu nngai; rai ti mung langai hte langai gaw Karai Kasang kaw na tinang a laklai ai chyeju kumhpa lu shajang ma ai; marai langai mi amyu mi, kaga wa amyu mi lu la shajang ma ai.

2 KORINHTU 10:13

Anhte chyawm gaw, gumrawng ang ai madang hta shalai nna gumrawng na ga ai n rai. Nanhte kaw anhte galaw gun hpai ai amu hte hpawn, anhte gun hpai na matu Karai Kasang shi nan masat da ya ai magam amu shingwang kata e sha anhte gumrawng lu ga ai.

EHPESU 1:11

Yawng mayawng hte chyawm gaw, Karai Kasang a yaw shada da ai lam hte myit daw dan da sai hku hte maren byin wa sai; bai nna shi a shawng npawt kaw nna daw dan sai lam hta npawt shatai nhtawm Hkristu hta langai sha rai nga ga ai a marang e shi a shatawng shada ai hku nna anhte hpe shi a amyu masha ni tai na matu lata san da mani ai.

EHPESU 4:7

Anhte langai hte langai gaw Hkristu jaw ya ai laklai ai chyeju kumhpa hpe ren di nna hkam la ga ai.

HEBRE 2:4

Dai hta kaga Karai Kasang gaw shi nan lamik kumla ni, mauhpa amu amyu myu galaw dan ai hku nna mung, Chyoi Pra ai Wenyi hte seng ai chyeju kumhpa ni hpe shi a myit ai hku hte maren garan jaw ai hku nna mung, shanhte a sakse ni hta jat kahtap nna madun dan nga ai.

YAKU 1:18

Shi hpan tawn da ai amyu ni yawng hta e anhte nambat langai shara lu ai alat amyu tai u ga, shi a myit ra ai hku hte maren dai teng man ai mungga hte shi anhte hpe shaprat dat mi ai.