1 KORINHTU 11:5 - Jinghpaw Common Language Bible 2009

⁵ Kadai numsha mung akyu hpyi yang, shing n rai shawa nawku hpawng kaw mungga htawn tsun nga ai shaloi, baw n magap a yang gaw, madu wa a arawng hpe jahpoi nga ai; shi gaw baw shangun shakrin kau ai num langai mi hte hpa n shai nga ai.

Jinghpaw Hanson Version Bible

⁵ Kadai numsha mung, akyu hpyi yang, shing n rai myihtoi ga tsun nga ai shaloi e, baw n magap a yang gaw, tinang baw a arawng jahpoi nga ai; kaning rai nme law, dai lam gaw baw shangun ai hte langai sha nga ai.

1 KORINHTU 11:5 ပူးပေါင်းရင်းမြစ်များ

ESAIA 47:2

Htumrin nlung gang kayin u! Shadung rin u! Na a myi man magap sumpan gun kau u! Reng ai na a hpun palawng ni hpe raw kau u! Hka rap na matu na a labu shalun u!

LUKA 2:36

Dai hta n-ga, Ashe amyu lakung hta na Hpanuela ngu ai wa a shayi sha, asak grai kaba sai gaida jan Anna ngu ai num myihtoi langai mi nga ai. Shi gaw hkungran ai kaw nna, sanit ning du hkra sha madu wa hte nga nhtawm, matsat shi mali ning tup gaida nga ai.

KASA 2:17

‘Karai Kasang ning nga ai, hpang jahtum na nhtoi ni hta masha amyu baw yawng a ntsa hta, nye a Wenyi ngai ru jaw na nngai. Nanhte a shayi shadang sha ni, myihtoi htoi na mara ai. Nanhte a brang ram ni shingran mu nna nanhte a ding la ni yup mang mu na mara ai.

KASA 21:9

Dai wa gaw dinghku garai n shang ai hkawn jet mali lu ai. Dai shayi sha ni gaw Karai Kasang a mungga hkaw tsun shabra ai ni rai nga ma ai.

1 KORINHTU 11:4

Kadai lasha mung akyu hpyi yang, shing n rai, shawa nawku hpawng hta Karai Kasang a mungga htawn tsun ai shaloi, baw magap nga a yang gaw, tinang a baw a arawng jahpoi nga ai.

1 KORINHTU 11:6

Numsha gaw baw n magap na rai yang, kara mung doi kau u ga; rai ti mung, kara doi na, shing n rai, baw shangun na gaw, numsha a matu arawng jahpoi ai lam rai nga yang gaw, shi baw magap nga u ga.

1 KORINHTU 14:34

Karai Kasang a masha ni a Hpung ni yawng hta hkan sa nga ai masa hte maren, numsha ni gaw dai zuphpawng ni hta atsin sha nga nga mu ga, shanhte hta ga shaga na ahkang n nga ai. Yuda ni a jep ai tara hta tsun da nga ai hte maren, shanhte gaw ningbaw ningla n tai lu ma ai.

TARA JAHPRANG 21:12

shi hpe na a nta de woi wa let, shi a kara shangun, lamyin matep, hpun palawng galai kau ya na rai ndai.