1 KORINHTU 11:32 - Jinghpaw Common Language Bible 2009

³² Rai ti mung, anhte hpe ndai zawn Karai Kasang e jeyang daw dan nna ari jaw ai lam gaw, anhte hpe mungkan masha ni hte rau daw dan n hkrum shangun na matu sharin shaga ai lam rai nga ai.

Jinghpaw Hanson Version Bible

³² Tara dara ai hkrum ga yang mung, mungkan masha ni hte rau dawdan ai n hkrum u ga she, dai Madu a lata hte anhte sharin achyin ai hkrum ga ai.

1 KORINHTU 11:32 ပူးပေါင်းရင်းမြစ်များ

2 SAMUELA 7:14

Ngai gaw shi a kawa tai nna shi gaw nye a kasha rai na ra ai. Shi shut hpyit ai amu galaw yang, kawa gaw kasha hpe ari jaw ai zawn shi hpe ngai ari jaw na we ai.

SHAKAWN KUNGDAWN 118:18

Shi ngai hpe laja lana di nna ari jaw nga ti mung: shi ngai hpe si shangun nga ai n rai.

ESAIA 1:5

Nanhte gaw hpa majaw gumlau shanang nga myit ta? Nanhte gaw ari jaw na hpe grau nna pyi ra nga myit ni? Israela e, na a baw gaw nma ni hte ka-up da chyalu rai nga ai, na a myit masin hte kraw lawang ni machyi nga lit dai.

YEREMIA 7:28

Shanhte a amyu baw gaw dai Madu shanhte a Karai Kasang ngu ai nye a ga hpe n madat, shanhte hpe jaw ai ari kaw na hpa mung n sharin la ngu nna nang shanhte hpe tsun na rai ndai. Kangka ai gaw si mat sai, de a lam loi mi pyi tsun na n rai sai.

ZEHPANI 3:2

Dai mare gaw dai Madu a nsen n madat ai hte matsun maroi ga ni hpe mung n hkap la nga ma ai. Dai Madu hta kam hpa ai lam n nga ai sha n-ga, karum la na matu hpyi lajin ai lam mung n galaw ma ai.

ROMA 3:19

Dai jep ai Tara hta rawng ai hkang da ai lam shagu gaw jep ai Tara a npu e nga ai ni a matu rai nga ai hpe ya anhte chye saga ai; ndai hku byin wa ai lam gaw masha a tsun jahpai ai ga ni yawng hpe jahkring sha-ip kau shangun na hte mungkan ting gaw Karai Kasang jeyang daw dan ai hpe hkam la shangun na matu rai nga ai.

ROMA 5:16

Bai Karai Kasang jaw ya ai chyeju kumhpa hte masha langai mi tawt lai ai yubak mara gaw shai nga ai. Karai Kasang gaw marai langai mi yubak mara galaw ai shaloi, “Mara lu ai,” ngu nna tara daw dan ai lam galaw nu ai. Rai ti mung asak hkrung ai masha ni law law tara tawt lai shajang ai shaloi n ging n dan ti mung, “Mara n kap ai,” ngu ai chyeju kumhpa pru wa sai.

1 KORINHTU 1:20

Dai re ai majaw, hpaji byeng-ya rawng ai wa kanang nga a ta? Laika ka ai sara kanang nga a ta? Ndai mungkan ga na ga tsun shingjawng lu ai ni kanang nga a ta? Karai Kasang gaw ndai mungkan ga a hpaji byeng-ya hpe angawk angak kaman lila shatai kau ya manu ai n rai ni?

1 KORINHTU 1:21

Hpa majaw nga yang, masha gaw tinang a hpaji byeng-ya hte Karai Kasang hpe n chye lu mu ga nga, Karai Kasang gaw shi a hpaji daw ai hte maren galaw lajang da nu ai. Shing rai na malai anhte hkaw dan ai angawk angak mungga ngu ai ga hpe kam sham ai ni hpe hkye hkrang la na matu Karai Kasang gaw myit daw dan da nu ai.

1 KORINHTU 11:30

Dai re ai majaw, nanhte hta na n-gun kya ai hte n hkam kaja ai masha law law wa nga nga ma ai, si mat ai ni mung tsawm ra wa rai nga ma ai.

1 KORINHTU 11:31

Anhte gaw tinang dai shawng gawn dinglik yu ga yang gaw, Karai Kasang a jeyang daw dan ai hkrum na ga ai n rai.

1 KORINHTU 11:33

Dai rai nna, nye a hpu nau ni e, Madu a Shana Shat Sha Poi sha na matu nanhte zuphpawng nga myit yang gaw, nanhte shada da ala nga mu.

TARA JAHPRANG 8:5

Kawa gaw shi a kasha ni hpe tara hte sharin shaga ai zawn, dai Madu nanhte a Karai Kasang mung nanhte hpe ari jaw nna shading sharai la manit dai hpe adum nga mu.

1 TIMOHTI 1:20

Shanhte ni hta Satan a lata de ap kau ai hku nna ngai ari jaw ai Humeni hte Alexandru ngu ai yan lawm ma ai. Shing di ai lam gaw, shanhte a masu matsa shatan nhkan ai lam jahkring kau mu ga, sharin ya na matu rai nga ai.

1 YAWHAN 5:19

Mungkan ting gaw n hkru ai wa a up hkang ai a kata e rai nga ai, rai ti mung anhte gaw Karai Kasang hte seng ai rai nga ga ai hpe anhte chye ga ai.

SHINGRAN 3:19

Ngai gaw ngai tsaw ra ai ni yawng mayawng hpe daru sharin nna ari jaw nga nngai. Dai re ai majaw, nang myit n-gun marai shaja nga u, myit malai lu u.