1 KORINHTU 11:29 - Jinghpaw Common Language Bible 2009

²⁹ Hpa majaw nga yang, dai muk sha nna dai gawm hta na lu ai shaloi, dai Madu a hkum hkrang a lachyum hpe n chye na ai wa gaw, tinang dai tara dara la ai hku lu sha nga ai.

Jinghpaw Hanson Version Bible

²⁹ Kaning rai nme law, sha nna lu ai wa gaw, dai hkum hpe n gawn ginhka a yang gaw, tinang dai tara dara na hku lu sha nga ai.

1 KORINHTU 11:29 ပူးပေါင်းရင်းမြစ်များ

HPAJI NINGLI 8:5

Shi a hkang da ai ga hpe nang madat nga dingsa, nang shim lum nga ndai; hpaji rawng ai wa chyawm gaw dai hpe gara hku galaw na hte galoi aten galaw na chye ginhka nga ai.

LUKA 7:34

Dai Masha Kasha sa du nna, lu nga, sha nga ai rai yang mung, nanhte gaw, Ndai masha wa hpe yu mu! Shi gaw lu lai sha lai ai wa, kang hta ai ni hte kaga yubak kap ai ni a jinghku wa rai nga ai, bai nga myit dai.

ROMA 13:2

Dai re ai majaw ahkang aya lu ai ni hpe lale ai wa kadai mung, Karai Kasang galaw lajang hkang tawn da sai lam hpe ninghkap ai wa rai nga ai. Dai wa gaw tinang nan tara dara ai hkrum na ra ai.

1 KORINHTU 11:24

chyeju shakawn ngut jang, muk hpe ahkyep alep nhtawm, “Ndai gaw nanhte a matu ya kau ai nye a hkum rai nga li ai, ngai hpe adum nga na matu ndai galaw mu,” ngu nna tsun mu ai.

1 KORINHTU 11:27

Dai rai nna, kadai rai ti mung, n ging n dan ai hte dai Madu a muk sha nna gawm hta na lu a yang gaw, dai Madu a hkum hte asai hpe shut kau da wu ai.

1 KORINHTU 11:28

Dai majaw kadai wa mung, tinang hkum hpe shawng san dinglik yu nhtawm, dai muk sha nna dai gawm hta na lu u ga.

1 KORINHTU 11:30

Dai re ai majaw, nanhte hta na n-gun kya ai hte n hkam kaja ai masha law law wa nga nga ma ai, si mat ai ni mung tsawm ra wa rai nga ma ai.

HEBRE 5:14

Ja ai shahpa chyawm gaw kaba sai ni a matu rai nna, shanhte gaw hkan sa galaw shaman ai hku nna kaja ai hte n kaja ai hpe ginhka maram chye ai ni rai ma ai.

YAKU 3:1

Nye a hpu nau ni e, anhte sara ni gaw kaga masha ni hta grau nna ja ai tara hte daw dan ai hkrum na raga ai hpe dum let, nanhte marai law law wa sara hkum tai mayu nga mu.

YAKU 5:12

Dai hta n ga nye a hpu nau ni e, nanhte ga sadi tawn ai shaloi dagam dala ga hkum lang myit. Sumsing lamu shing n rai ginding aga shing n rai hpa hpe rai ti mung gang nna hkum dagam myit. Nanhte tsun ai ga gaw “Re ai,” rai yang re ai; “N re ai,” rai yang n re ai ngu nna sha tsun mu, shaloi nanhte gaw Karai Kasang a daw dan ai kaw na lawt lu na myit dai.