1 KORINHTU 11:27 - Jinghpaw Common Language Bible 2009

²⁷ Dai rai nna, kadai rai ti mung, n ging n dan ai hte dai Madu a muk sha nna gawm hta na lu a yang gaw, dai Madu a hkum hte asai hpe shut kau da wu ai.

Jinghpaw Hanson Version Bible

²⁷ Dai rai nna, kadai rai timung n ging n dan ai hte dai Madu a muk sha nna gawm lu a yang gaw, dai Madu a hkum hte asai hpe shut kau da wu ai.

1 KORINHTU 11:27 ပူးပေါင်းရင်းမြစ်များ

BU HKAWM 9:10

Israela amyu masha ni hpang de ning ngu tsun na hkang dat wu ai: “Nanhte hte nanhte a amyu matu hta na kadai rai ti mung si mang hkra nna n san n seng ai hte sumtsan sa mat wa ai a majaw Shalai Wa Ai Poi naw galaw mayu ai rai yang,

BU HKAWM 9:13

Rai ti mung n san n seng ai hte sumtsan n hkawm ai sha dai Shalai Wa Ai Poi hpe n galaw ai wa kadai mung ladaw da ya ai aten hta nye a matu hkungga n nawng ya ai majaw nye a amyu masha hta na sumri dan kau ai hkrum na rai wu ai. Shi gaw yubak mara a nni nkri hkam sha lu na rai wu ai.

MAHTE 22:11

“Ya Hkawhkam wa gaw dung nga ai manam ni hpe kawan yu na, shang wa yang, hkungran poi sa ai hpun palawng n bu n hpun ai la langai mi hpe shi mu hkrup wu ai.

YAWHAN 6:51

Ngai gaw sumsing lamu de nna yu wa ai, hkrung ai muk rai nga nngai, muk ndai hpe sha ai wa kadai mung, htani htana ahkrung nga na ra ai. Ngai jaw na muk gaw mungkan ga na masha ni asak hkrung nga lu na matu ngai jaw ai nye a ashan rai nga li ai,” ngu nna shanhte hpe htan mu ai.

1 KORINHTU 10:21

Nanhte gaw dai Madu a gawm kaw na lu nhtawm, nat ni a gawm kaw na mung bai lu lu na myit dai n rai, dai Madu a sha ku hta na sha nhtawm, nat ni a sha ku hta na mung bai sha lu na myit dai n rai.

1 KORINHTU 11:29

Hpa majaw nga yang, dai muk sha nna dai gawm hta na lu ai shaloi, dai Madu a hkum hkrang a lachyum hpe n chye na ai wa gaw, tinang dai tara dara la ai hku lu sha nga ai.

HEBRE 10:29

Dai rai yang gaw, Karai Kasang a Kasha hpe n kaw n law di kau ai wa, tinang hkum hpe yubak mara kaw na shachyoi shapra la ai Karai Kasang a ga shaka hte seng ai asai hpe hpa n nawn, ahpa atang re ai arai shatai ai wa, chyeju jaw ya ai Wenyi hpe roi n ra re ai wa gaw kaning rai na kun? Shi hkrum sha ging ai ari gaw gade grau sawng na kun? She myit yu mu!