1 KORINHTU 11:21 - Jinghpaw Common Language Bible 2009

²¹ Hpa majaw nga yang, nanhte sha ai shaloi, tinang a lusha tinang hkrai sha myit dai, nkau mi gaw kawsi nga ai, nkau mi gaw sabyi chyaru nang ai ni gaw nang rai nga myit dai.

Jinghpaw Hanson Version Bible

²¹ kaning rai nme law, sha nga myit yang, langai hte langai gaw tinang a shana shat shawng la sha nna, langai ngai gaw kawsi nga ai, langai ngai gaw tsabyi nang myit dai.

1 KORINHTU 11:21 ပူးပေါင်းရင်းမြစ်များ

YAWHAN 2:10

“Masha kadai mung kaja dik ai sabyi machyan shawng jaw ga ma ai; dai hpe lu law ma jang she, sabyi jabu daw na hpe jaw ma ai. Nang gaw kaja dik ai sabyi machyan hpe ya du hkra kyem da ndai!,” ngu wu ai.

1 KORINHTU 11:20

Dai re ai majaw, nanhte rau hpawng ai shaloi, dai Madu a Shana Shat sha na matu hpawng nga myit dai n rai.

1 KORINHTU 11:34

Dai rai nna, Madu a Shana Shat Sha Poi sha na matu nanhte zuphpawng nga myit yang, Karai Kasang a tara dara ai hkrum na matu n rai u ga, masha langai ngai kawsi a yang gaw, nta e sha la u ga. Kaga ra ai lam ni hte seng nna ngai du sa ai shaloi she lajang sanglang na we ai.

2 PETRU 2:13

Shanhte gaw masha kaga ni hpe hkrum sha shangun ai baw nni nkri shanhte hpe bai htang jaw ai hkrum na mara ai: shanhte gaw shani chyingtung e pyi shanhte a hkum shan a pyaw daw lam shadik na matu gaw shanhte a pyaw hpa lam rai nga malu ai, shanhte gaw nanhte hte rau lu sha ai hpawng ni hta rau shang lawm ai majaw nanhte a matu kaya kahpa hte arawng hpoi ai lam byin shangun nga ai. Shanhte gaw galoi mung hkalem ai lam ni galaw ai hta grai pyaw dum ma ai.

YUDA 1:12

Shanhte gaw kaya kahpa n chye hkra garu kachyi nga nna lu sha nga ma ai majaw, shanhte a kanawn mazum ai lu sha hpawng gaw matsat shabat ginra zawn rai nga ai. Shanhte gaw shanhte a akyu hpe sha tam ma ai; shanhte gaw marang n lawm ai nbung e shapoi hkawm ai sumwi ni hte mung, nshung shang wa mahka du wa tim asi n si nna ru hte hpawn gang baw tawn ai hte tsep kawp si mat ai hpun hte mung bung ma ai.