1 KORINHTU 11:2 - Jinghpaw Common Language Bible 2009

² Nanhte gaw lam shagu hta e ngai hpe adum nga nna, ngai nanhte hpe jaw da ai matsun maroi ga hte maren, nanhte hkan sa galaw myit dai majaw, ngai nanhte hpe shakawn made ai.

Jinghpaw Hanson Version Bible

² Nanhte gaw lam shagu hta e ngai hpe adum nga nna, ngai nanhte hpe dai matsun maroi ga madat da ai hte maren, nanhte hkan sharau myit dai majaw, ngai nanhte hpe shakawn made ai.

1 KORINHTU 11:2 ပူးပေါင်းရင်းမြစ်များ

LUKA 1:6

Dai yan gaw Karai Kasang a man e ding hpring ai yan rai nga ma ai. Shan gaw Madu a jep ai tara nga manga hte hkang da mada yawng hpe htep lahti hkan nang ma ai.

1 KORINHTU 11:17

Nanhte nawku daw jau na matu hpawng ai zuphpawng ni gaw kaja wa akyu jat na matu hpawng myit dai n rai, akyu yawm na hku hpawng myit dai majaw, lawu de na matsun da ai lam ni hta ngai nanhte hpe shakawn made ai n rai.

1 KORINHTU 11:22

Ataw, sha na lu na matu tinang a nta n lu myit ni? Shing n rai Karai Kasang a Hpung hpe n gawn n sawn jahpoi asawng nna, n lu n su ai ni hpe kaya jahkrum ai ga rai myit ni? Ngai nanhte hpe ndai lam hte seng nna kaning ngu tsun na ra ai ngu nna nanhte myit mada myit ta? Ngai nanhte hpe shakawn na rai ni? Kaja wa nanhte hpe ngai shakawn na made ai n rai.

1 KORINHTU 15:2

Dai Kabu Gara Shiga gaw ngai nanhte hpe hkaw dan yu sai mungga rai nga ai. Nanhte gaw dai Kabu Gara Shiga hpe ngang ngang kang kang kam sham manoi manat ai rai yang, nanhte hkye hkrang la ai hkrum na rai nga ai. Dai n rai yang nanhte a kam sham ai gaw kaman lila kam sham ai lam sha rai na rai nga ai.

1 KORINHTU 4:17

Dai lam a majaw ngai gaw Hkristan asak hkrung lam hta nye a tsaw ra ai, kangka sadi sahka nga ai ngai sha Timohti hpe nanhte hpang de ngai shangun dat we ai. Shi gaw, ngai nan hkan sa nna shara shagu na nawku hpung ni yawng hpe sharin shaga ya ai Hkristu hte langai sha re ai asak hkrung lam ningnan a lam nanhte hpe bai myit dum shangun na matu shadum jahprang na ra ai.

1 KORINHTU 7:17

Masha langai hte langai gaw, shi hpe Karai Kasang garan jaw ai chyeju kumhpa hte maren, Karai Kasang shaga lata la ai ten hta nga ai mabyin masa hte maren matut nna asak hkrung nga u ga. Ndai gaw hpung shagu hpe ngai hkaw tsun sharin shaga ai tara lam rai nga ai.

1 HTESALONI 1:6

Nanhte gaw anhte a kasi ningli hte Madu a kasi ningli hpe len la hkan sa nga myit dai. Nanhte gaw nni nkri ru yak jam jau law law hkrum hkra myit ti mung, dai Kabu Gara Shiga hpe Chyoi Pra ai Wenyi kaw na lu la ai kabu gara sharawng awng ai myit hte hkap la myit dai.

1 HTESALONI 3:6

Ya chyawm gaw, Timohti gaw anhte hpang de bai du wa ra ai rai nna, nanhte hta makam masham hte tsaw ra ai myit law htam wa sai lam kabu gara hkalum la mai ai shiga gun wa ya mi ai. Nanhte gaw anhte hpe tut nawng e atsawm sha myit dum tsaw ra nga myit dai hta n ga, nanhte hpe anhte grai mu hkrum mayu ga ai hte maren, nanhte mung anhte hpe mu hkrum mayu nga myit dai lam anhte hpe wa tsun dan mi ai.

2 HTESALONI 2:15

Dai re ai majaw, Hpu nau ni e, anhte a hkaw tsun ai mungga hku nna mung, shagun dat ai laika hku nna mung, nanhte hpe anhte sharin ya sai dai teng man ai lam ni hta ngang ngang kang kang lahpran tsap nna magra noi nga mu.

2 HTESALONI 3:6

Hpu nau ni e lagawn let asak hkrung nga ai ni yawng hte mung, anhte sharin shaga ai lam ni hpe n hkan n sa ai ni hte mung, n kanawn ai sha, kaga hkrai rai nga na matu Hkristu a mying nsang hte nanhte hpe anhte hkang dat ga ai.