1 KORINHTU 11:19 - Jinghpaw Common Language Bible 2009

¹⁹ (Nanhte hta hka bra wa ai lam byin na sha rai nga ai. Shaloi she kadai ni gaw jaw ai maga rai nga ai ngu ai teng man ai lam asan sha dan pru wa na ra ai.)

Jinghpaw Hanson Version Bible

¹⁹ Kaning rai nme law, nanhte hta e tengman ai ni dan pru u ga, bra wa na lam pyi nanhte hta e byin lu na ra ai.

1 KORINHTU 11:19 ပူးပေါင်းရင်းမြစ်များ

MAHTE 18:7

Masha ni hpe makam masham myit kataw shangun ai baw lam ni nga ai majaw, mungkan ga na ni dingnye lu ma ai! Dai zawn re ai lam ni gaw galoi mung byin na ra ai rai ti mung masha hpe makam masham myit kataw shara shabyin ai wa gaw dingnye lu ai.

LUKA 17:1

Yesu gaw shi a sape ni hpe, “Masha hpe yubak mara hta kataw bang shangun na lam ni gaw teng teng byin na ra ai; rai ti mung, dai lam shabyin shapraw dat ai wa gaw dingnye lu ai.

LUKA 2:35

Dai hta n ga, masha law law a kraw lawang hta makoi magap da nga ai myit mamyit lam hpe shadan shabrawng ya na hte, yawn hkyen ai lam gaw dai nna masen ai nhtu hte na kraw lawang hpe galun htinggrang ya ai zawn rai na ra ai,” ngu nna tsun wu ai.

KASA 15:5

Rai ti mung Hparishe hpung hta lawm ai kam sham ai masha nkau mi rawt nna, “Maigan masha ni mung matu gadoi hkam la ra ai hte Mawshe a Tara hkan shadik ra ai,” nga nna tsun ma ai.

KASA 20:30

Nanhte hta na masha nkau mi gaw masu hkalem ai ga tsun nna kam sham ai ni hpe shanhte hpang de lau la ai aten mung du na ra ai.

KASA 24:14

Rai ti mung shanhte shut ai ngu ai lam masa hte maren ngai gaw anhte a ji wa ni a Karai Kasang hpe nawku nngai hpe chyawm gaw na man e yin la nngai. Shing rai ti mung Mawshe a jep ai Tara laika hte myihtoi ni a laika hta ka da ai hku yawng mayawng hpe mung ngai kam sham nngai.

KASA 24:5

Ndai wa gaw, grai hkrit tsang ra ai dingbai dingna jaw ai wa, mungkan ting na Yuda masha ni kabring kabrawng woi galaw ai wa re ai hta n ga, Nazaret wa a hpung hta lawm ai ningbaw ningla langai mi mung rai nga ai.

KASA 26:5

Galoi mung shanhte ngai hpe chye nga ma ai majaw, anhte a nawku htung na ja dik ai tara hkan ai Hparishe hpung hta ngai lawm nga nngai gaw, shanhte sakse hkam mayu yang, hkam lu ma ai.

KASA 28:22

Rai ti mung, ndai nang lawm ai hka bra hpung hpe shara shagu hta masha ni n ra sharawng nna tsun ninghkap nga ma ai hpe anhte chye ga ai majaw, nang myit ai hku mung anhte na mayu ga ai,” ngu nna htan mu ai.

KASA 5:17

Dai shaloi Hkinjawng Agyi Kaba wa hte, shi a manang ni buga Saduke hpung hta lawm ai masha ni gaw nachying manawn ai myit hkrai chyat rai nga malu ai rai nna kasa ni hpe lama ma di na hku shanhte daw dan ma ai.

1 KORINHTU 11:20

Dai re ai majaw, nanhte rau hpawng ai shaloi, dai Madu a Shana Shat sha na matu hpawng nga myit dai n rai.

2 KORINHTU 12:20

Nanhte hpang de ngai du yang, ngai ra ai, mu mayu ai hku nanhte n rai nga la na hpe mung, nanhte mung nanhte ra ai, mu mayu ai hku ngai hta n rai nga na hpe mung ngai tsang nga nngai. Bai ngai gaw nanhte hta ga li ga law ai lam, manawn masham ai lam, pawt sindawng ai lam, tinang akyu tam ai lam, shada da jahpoi asawng ai lam, kadum kahte ai ga, grang ai ga hte kabring kabrawng n ru n ra re ai lam ni sa mu na hpe tsang nngai.

GALATI 5:20

gawkngu sumla naw ai lam, mandan lakle amu, hpyi lamum hpaji, n dawng n yawt ai hte, ga li ga law ai, manawn masham ai, pawt sindawng ai, shai wa bra wa ai lam, daw hka wa ai lam, hpung garan wa ai lam,

TITU 3:10

Shai wa bra wa ai lam shabyin ai wa hpe n law htum lahkawng lang shadum jahprang sadi jaw ai hpang shi hte matut mahkai ai lam kaga hpa mung hkum galaw nu.

1 YAWHAN 2:19

Ndai masha ni gaw galoi mung anhte a kanawn mazum ai hte n seng ai ni rai ma ai majaw, anhte kaw na shanhte pru mat wa ma ai, anhte a kanawn mazum ai hte seng ai ni rai ma taw gaw shanhte gaw anhte hte rau nga nga na ma ai. Rai ti mung shanhte nlang anhte hte kaja wa n seng ai lam dan leng wa u ga, shanhte pru mat wa ma ai.