1 KORINHTU 11:17 - Jinghpaw Common Language Bible 2009

¹⁷ Nanhte nawku daw jau na matu hpawng ai zuphpawng ni gaw kaja wa akyu jat na matu hpawng myit dai n rai, akyu yawm na hku hpawng myit dai majaw, lawu de na matsun da ai lam ni hta ngai nanhte hpe shakawn made ai n rai.

Jinghpaw Hanson Version Bible

¹⁷ Ya dai hku tsun timung, nanhte gaw akyu jat na matu zuphpawng myit dai n rai, akyu yawm na hku sha zuphpawng myit dai majaw, ngai nanhte hpe shakawn da made ai n rai.

1 KORINHTU 11:17 ပူးပေါင်းရင်းမြစ်များ

GA SHAGAWP 27:5

Masha langai mi hpe dan dan leng leng sharai shading ya ai gaw, ndai wa nye a ntsa e myit kaja hpa mung n rawng ai ngu myit kau shangun na hta grau kaja nga ai.

JAW JAU 19:17

“Kadai hte mung n pyaw n ngawn hkum rai myit; shi a majaw yubak n galaw kau u ga, shi hte hpai shai ai lam hpe hkam sharang lu na rai myit dai.

ROMA 13:3

Hpa majaw nga yang, kaja ai amu galaw ai ni gaw up hkang ai du ni hpe hkrit agam nga na lam n nga ai, rai ti mung n hkru ai amu galaw ai ni chyawm gaw hkrit ra na rai myit dai. Nang gaw ahkang aya lu ai ni hpe n hkrit ai sha nga mayu n ni? Mai kaja ai bungli galaw u, shing rai jang, shi nang hpe shakawn kungdawn na rin dai.

1 KORINHTU 11:2

Nanhte gaw lam shagu hta e ngai hpe adum nga nna, ngai nanhte hpe jaw da ai matsun maroi ga hte maren, nanhte hkan sa galaw myit dai majaw, ngai nanhte hpe shakawn made ai.

1 KORINHTU 11:20

Dai re ai majaw, nanhte rau hpawng ai shaloi, dai Madu a Shana Shat sha na matu hpawng nga myit dai n rai.

1 KORINHTU 11:22

Ataw, sha na lu na matu tinang a nta n lu myit ni? Shing n rai Karai Kasang a Hpung hpe n gawn n sawn jahpoi asawng nna, n lu n su ai ni hpe kaya jahkrum ai ga rai myit ni? Ngai nanhte hpe ndai lam hte seng nna kaning ngu tsun na ra ai ngu nna nanhte myit mada myit ta? Ngai nanhte hpe shakawn na rai ni? Kaja wa nanhte hpe ngai shakawn na made ai n rai.

1 KORINHTU 11:34

Dai rai nna, Madu a Shana Shat Sha Poi sha na matu nanhte zuphpawng nga myit yang, Karai Kasang a tara dara ai hkrum na matu n rai u ga, masha langai ngai kawsi a yang gaw, nta e sha la u ga. Kaga ra ai lam ni hte seng nna ngai du sa ai shaloi she lajang sanglang na we ai.

1 KORINHTU 14:23

Dai rai nna, dai Hpung ting zuphpawng nga nna, nlang hte gaw laklai ai ga amyu myu tsun shajang nga ma yang, n chye na ai yu maya masha ni, shing n rai, n kam n sham ai ni du sa wa ma yang gaw, “Nanhte yawng mana bu nga myit dai,” nga nna shanhte tsun na ma ai n rai ni?

1 KORINHTU 14:26

Dai rai nna hpu nau ni e, ngai ngu mayu ai gaw da ndai rai nga ai: Nanhte nawku daw jau na matu hpawng nga myit dai shaloi e, langai wa gaw mahkawn shakawn ai lam, bai langai wa gaw sharin ai lam, bai langai wa gaw shingran ga htai dan ai lam, bai langai wa mi gaw laklai ai ga amyu myu hku tsun nna, kaga langai wa mi gaw tsun ai ga a lachyum hpyan dan ai lam re ai ni hpe gun hpai nga mu. Nanhte galaw ai lam shagu gaw dai hpung hpe shadaw shangang ai lam shabyin u ga.

HEBRE 10:25

Shada da hkrum zup hpawng de ai htung lai hpe nkau mi kau tawn da ai lam galaw nga ma ai; anhte gaw dai zawn n galaw ai sha, dai Madu bai du sa na shani ninghtoi ni wa magang ra ai hpe nanhte chye nga myit dai majaw, shada da grau nna n-gun jaw hkat nga ga.

1 PETRU 2:14

N hkru ai amu galaw ai ni hpe shagrau sha a aw law na matu, shi san da ai mung gyi ni a npu e ataw nga mu.