1 KORINHTU 10:7 - Jinghpaw Common Language Bible 2009

⁷ Dai hta kaga Chyum Laika hta, “Masha ni gaw, lusha poi langai mi hta dung nna lu sha nga ma yang, dai gaw lu lai sha lai ai hte rawt ka manawt ai de gale mat wa malu ai,” nga nna ka da nga ai hte maren shanhte nkau mi sumla nawku ai ni tai ma ai zawn nanhte hkum tai myit.

Jinghpaw Hanson Version Bible

⁷ Dai hta kaga, Masha ni gaw lu sha let dung nna, ginsup na matu bai rawt ma ai, nga nna ka da nga ai hte maren, shanhte nkau mi sumla nawku ai ni tai ma ai zawn, nanhte hkum tai myit.

1 KORINHTU 10:7 ပူးပေါင်းရင်းမြစ်များ

PRU MAT 32:17

Yawshu gaw amyu masha ni jahtau garu ai nsen na jang, Mawshe hpe, “Dai dap na majan gasat garu ai nsen ngai na nngai,” ngu nna tsun dan wu ai.

PRU MAT 32:19

Mawshe dai dap de shani yu wa yang, dumsu usu kasha hte amyu masha ni ka manawt nga ma ai hpe mu wu ai rai nna shi ja ja masin pawt wu ai. Shi hpai yu wa ai lungpa yan hpe dai bum lagaw e kabai jahkrat nna agrawp kau wu ai.

PRU MAT 32:4

Shi gaw dai ni hpe la nna shabyawng nhtawm ja ni hpe ndi langai mi hta ru bang nna ja hte galaw ai dumsu usu kasha langai jaw ya wu ai. Dai amyu masha ni mung, “Israela amyu e, ndai gaw Egutu mung kaw na anhte hpe woi shapraw wa ai anhte a hpara rai nga ai!,” ngu nna tsun wu ai.

KASA 15:20

Hpara sumla ni hpe nawng jau tawn ai n san n seng ai lusha ni sha ai lam, n se n sa ndaw liknga lam, du manat sat ai shan hte asai re ai ni hpe koi gam na lam shanhte hpe laika langai mi ka nna tsun shana mai ai ngu nna ngai myit da we ai,

1 KORINHTU 10:14

Dai re ai majaw, ngai tsaw ngai ra ai ni e, sumla nawku ai lam hpe koi gam mu.

1 KORINHTU 5:11

Ya ngai ngu mayu ai gaw, tinang hkum hpe Hkristan hpu nau wa rai nga nngai nga nhtawm me, hpye ai lam hkan ai, nammak lawhpa ai, gawkngu sumla naw ai, shatan nhkan ai; chyaru ya tai ai hte lagu lagut re ai ni hte n kanawn lu na hta n ga, shing re ai wa hte rau dung nna pyi n jawm lu n jawm sha lu na, ngu ai lam rai nga ai.

1 KORINHTU 6:9

N hkru n kaja ai ni gaw Karai Kasang a mungdan a sali wunli n hkam la lu na re ai, nanhte n chye nga myit ni? Lam hkum dam myit; hpye ai amu galaw ai ni, gawkngu sumla nawku ai ni, num shaw ai ni, la shada tam ai ni,

1 KORINHTU 8:7

Rai ti mung masha shagu wa dai chye ginhka ai machye machyang lu ma ai n rai. Masha nkau mi gaw sumla naw man mat ai ni rai lai wa sai majaw, dai ni du hkra hkungga nawng ai shahpa sha ai shaloi, dai gaw sumla hpe nawng ai lusha re ngu nna myit la ma ai. Shanhte a htauli htaula myit n-gun kya malu ai majaw, shanhte sha ai shahpa gaw shanhte hpe awu asin byin shangun nga ai ngu nna myit la ma ai.

TARA JAHPRANG 9:12

“Dai hpang dai Madu gaw ngai hpe, ‘Egutu mung kaw na nang woi wa ai na a amyu masha ni gaw hten za ai hte n hkru ai amu ni galaw shapraw manu ai; dai sha n-ga, shanhte hkan sa galaw na matu ngai hkang da ai kaw na mung shanhte kayin mat wa manu ai hte shanhte a matu hpara sumla hpe mung galaw shachyaw manu ai majaw bum kaw na alawan yu wa su,’ ngu nna tsun wu ai.

1 YAWHAN 5:21

Ngai shu ngai sha ni e, masu ai karai ni hpe koi gam nga mu law!