1 KORINHTU 10:6 - Jinghpaw Common Language Bible 2009

⁶ Ya ndai lam ni yawng gaw, shanhte galaw ai zawn n hkru n kaja ai arai ni hpe myit n mai marin na lam hte anhte gaw shanhte nkau mi zawn sumla n naw n ku na lam sadi jaw, shari madun ai kasi rai nga ai.

Jinghpaw Hanson Version Bible

⁶ Shanhte gaw n kaja ai arai hpe myit marin nga ma ai zawn, anhte gaw n marin u ga she, dai lam hte gaw anhte matu shari tai wa masai.

1 KORINHTU 10:6 ပူးပေါင်းရင်းမြစ်များ

BU HKAWM 11:4

Israela amyu masha ni hte rau hkawm sa ai hta maigan masha ni mung lawm ma ai. Shanhte gaw lusha shahpa grai marim ai ni rai ma ai. Israela masha ni nan pyi, “Anhte sha na shan loi mi sha lu saga ai wa!

ROMA 5:14

Rai ti mung Adam a prat kaw nna Mawshe a prat du hkra si hkrung si htan gaw shinggyim masha ni yawng a ntsa e up nga ai. Dai masha ni gaw Adam zawn Karai Kasang a Tara hpe tawt lai nna yubak galaw ai ni n rai ma ti mung si hkrung si htan gaw shanhte hpe up nga ai. Adam chyawm gaw htawm hpang de paw pru na ra ai wa a hkrang kumla rai nga ai.

1 KORINHTU 10:11

Ndai lam ni mahkra shanhte hta byin wa ai gaw, kaga masha ni a matu shari tai na matu rai nna, anhte hpe shadum shahprang sadi jaw na matu ka da nga ai. Hpa majaw nga yang, anhte gaw mungkan aprat htum na ni wa ai ten hta sa pra ang ai ni rai nga ga ai.

HEBRE 4:11

Dai rai nna shanhte a n kam n sham ai a majaw ban sa ai de n shang lu ai Israela masha ni zawn anhte kadai hta mung n byin u ga, dai ban sa ai de shang lu na matu anhte atsam htum hkra shakut shaja nga ga.

HEBRE 9:24

Hpa majaw nga yang, Hkristu gaw kaja wa chyoi pra ai shara majing a kanan rai nga ai masha lata hte galaw ai Chyoi Pra ai Shara de n shang ai sha, sumsing lamu de nan shang nna, ya anhte a malai Karai Kasang a man de dan pru nga sai.

1 PETRU 3:21

Dai hka hta na zawn, dai hka lup ngu ai kumla gaw ya e nanhte hpe hkye hkrang la lu nga ai. Dai gaw hkum shan hta e kap ai matsat shabat hpe sharun kau na lam n rai; myit masin asan sha hte Karai Kasang a man e ga sadi tawn da ai lam rai nga ai. Si ai kaw na Yesu Hkristu bai hkrung rawt wa ai a marang e nanhte gaw hka lup hkam la ai hte hkye hkrang la ai hkrum manit dai.

2 PETRU 2:6

Karai Kasang gaw Sodom hte Gomora mare yan hpe mung wan hte jahten shabya kau nna tara n hkan ai ni hta kaning rai wa na ra ai lam kasi langai mi galaw da nu ai.

YUDA 1:7

Sodom hte Gomora mare yan hpe mung dai mare yan a grup yin na mare ni hpe mung myit dum nga mu. Dai mare ni kaw na mare masha ni gaw dai lamu kasa ni zawn, num la n se n sa lam hta pyaw daw kadaw nna shing ra maka hte nhtan shai ai hku nga sha ma ai majaw yawng a matu asan sha dan dan leng leng sadi jaw ai hku nna htani htana wan hta ari hkrum sha ma ai.