1 KORINHTU 10:25 - Jinghpaw Common Language Bible 2009

²⁵ Nanhte a ung ang ai myit asan sha rai mat na matu, shan dut gat na hpa shan rai ti mung, san jep yu ai lam n galaw ai sha mari sha mu.

Jinghpaw Hanson Version Bible

²⁵ Gat hkan e dut ai guji guyang hte hpe sha mu, myit ung ang ai a jaw e hpa hkum san hkum gawn myit:

1 KORINHTU 10:25 ပူးပေါင်းရင်းမြစ်များ

KASA 10:15

Dai nsen kalang mi bai ngoi pru ai gaw, “Karai Kasang e san seng ai ngu ai arai hpe n san n seng ai ngu nna hpa mung hkum myit la et,” nga nna tsun ai.

ROMA 13:5

Dai rai nna nang gaw Karai Kasang ari jaw na hpe hkrit ai majaw sha n rai, dum chye ai myit e hkang ai hku mahtang ahkang aya lu ai ni a npu e taw lu na rai myit dai.

ROMA 14:14

Hpa baw sha hpa rai ti mung, de a npawt nhpang sagawn yu yang, nawku htung lai hku nna awu asin re ai lusha re, ngu nna tsun na lam mi n nga ai ngu ai hpe Madu Yesu hta ngai asak hkrung nga ai majaw hkrak chye lu nngai. Rai ti mung masha langai ngai gaw lusha lama ma hpe awu asin re ai nga nna myit nga yang gaw dai arai gaw shi a matu awu asin rai nga lu ai.

1 KORINHTU 8:7

Rai ti mung masha shagu wa dai chye ginhka ai machye machyang lu ma ai n rai. Masha nkau mi gaw sumla naw man mat ai ni rai lai wa sai majaw, dai ni du hkra hkungga nawng ai shahpa sha ai shaloi, dai gaw sumla hpe nawng ai lusha re ngu nna myit la ma ai. Shanhte a htauli htaula myit n-gun kya malu ai majaw, shanhte sha ai shahpa gaw shanhte hpe awu asin byin shangun nga ai ngu nna myit la ma ai.

1 TIMOHTI 4:4

Karai Kasang hpan da sai arai yawng mayawng chyawm gaw mai kaja nga ai rai nna hpa baw shahpa hpe mung koi gam ra na n rai; rai ti mung shahpa yawng mayawng hpe chyeju shakawn akyu hpyi ai hte hkam la ra ga ai.

TITU 1:15

Tinang dai san seng nga sai ni a matu arai yawng mayawng gaw san seng nga ai; rai ti mung tinang dai n san n seng nna, Madu Yesu hpe n kam n sham ai ni a matu chyawm gaw, hpa mung n san n seng nga ai. Hpa majaw nga yang, shanhte a myit mang ai lam hte kraw lawang mahtang n san n seng nga malu ai.