1 KORINHTU 10:22 - Jinghpaw Common Language Bible 2009

²² Shing n rai anhte gaw dai Madu hpe manawn masham rai shangun mayu nga ga ni? Anhte gaw dai Madu hta grau n-gun ja ai ni rai nga ga ai ngu nna myit nga ga ni?

Jinghpaw Hanson Version Bible

²² Dai Madu hpe anhte nhkap shapawt na gaw ni? anhte gaw shi hta n-gun grau nga ga ni?

1 KORINHTU 10:22 ပူးပေါင်းရင်းမြစ်များ

1 HKAWHKAM 14:22

Yuda amyu masha ni mung shanhte a kaji kawa ni yawng galaw shut kau ai amu hta grau nna dai Madu hpe shut hpyit kau mu ai hte shi hpe pawt sindawng shangun nga ma ai.

YOBA 9:4

Karai Kasang gaw hpaji grai rawng ai hte daru magam n-gun rawng nga ai; kadai mung shi hpe gumlang lu ai n rai.

SHAKAWN KUNGDAWN 78:58

Shanhte gaw maigan hpara ni a nawku ai shara ni hte shanhte a hpara sumla ni hte shi hpe sindawng kahtet shangun nga masai.

PRU MAT 20:5

Kaning re ai hpara sumla hpe mung hkum kadawng, hkum nawku et. Ngai gaw dai Madu na a Karai Kasang rai nga nngai majaw shingjawng kashun ai hpe ngai hkam sharang nngai n rai; ngai hpe n dawng n yawt ai amyu matu ni hpe ban masum mali du hkra ngai ari jaw nngai.

PRU MAT 34:14

Ngai Madu nan shingjawng kashun ai hpe n hkam sharang lu nga nngai majaw kaga hpara shaje hkum nawku myit.

HPAJI NINGLI 6:10

Byin mabyin mahkra gaw moi moi kaw nna daw dan jahkut da sai hkrai rai nna nang gaw nang hta grau n-gun ja ai marai langai ngai hte dangrang hkat lu ai n rai, nga ai hpe anhte yawng chye ga ai.

ESAIA 45:9

Ga di bu gaw di bu sama wa hte, ndai di bu gaw kaga yawng hte bung nga a ni, nga nna dangrang gwi nga a ni? Kagam ga gaw di bu sama wa hpe nang hpa galaw nga n ta, ngu nna san mai nga a ni? Di bu gaw galaw ai wa hpe kung kyang ai lam n nga ai, ngu nna tsun aput mai nga a ni?

YEREMIA 44:8

Nanhte sa du shanu nga ai ndai Egutu mung hta, hpara sumla ni hpe nawku ai lai hte kaga hpara ni hpe nawng jau ai lai galaw let, ngai hpe hpa majaw pawt sindawng shangun nga myit ta? Nanhte hkum hpe shaza na matu mung, mungkan ga na masha amyu baw shagu gaw nanhte hpe asawng asang shatan nhkan ga tsun kau na matu mung, na a mying gaw dagam dala, matsa mawa ga tsun ai zawn lang na matu mung, nanhte gaw ndai n hkru ai amu hpe galaw nga myit ni?

YEREMIA 7:19

Rai ti mung, shanhte nchyi nmu byin shangun ai gaw teng teng ngai hpe chyu sha rai ni? N rai law, shanhte hkum nan mung nchyi nmu hkam sha ai hte shanhte sha kaya kahpa hkrum nga ma ai.

EZEKELA 22:14

Ngai nang hte amu shangut ai shaloi, nang hta nsen marai mung, na a lata sharawt lu na n-gun atsam mung naw ngam na ra ai ngu, nang myit nawn da wu ni? Dai Madu ngai tsun ni ai hte maren, nye a mungga hpe ngai shatup na nngai.

ZEHPANI 1:18

Shi a sindawng kahtet ai hpe madun ai shani hta, shanhte a ja gumhpraw mahkra hte pyi shanhte hpe hkye la lu na n rai. Shi a masin kahtet ai wan hte mungkan ga ting hpe jahten kau na ra ai. Mungkan ga ntsa e nga ai masha hkum shagu a matu, akajawng sha re ai jahtum nhtoi shabyin dat na ra ai.

TARA JAHPRANG 32:16

Shanhte nawku ai hpara sumla a majaw, dai Madu hpe n dawng shangun; shanhte galaw ai n hkru ai amu hte shi hpe pawt sindawng shangun nga masai.

TARA JAHPRANG 32:21

Shanhte a hpara sumla ni hte ngai hpe masin pawt shangun nna; mying gun hpara ni, ngai hpe yu manawn nga ma ai; dai hpara ni mahtang karai jet ni n rai ma ai. Dai rai nna, hti n mai ai amyu hpe ngai lang nna shanhte hpe masin pawt shangun na nngai; angawk angak re ai amyu hte mung shanhte hpe manawn shangun na nngai.

TARA JAHPRANG 4:24

hpa majaw nga yang, dai Madu nanhte a Karai Kasang gaw grung nga ai wan shinglet zawn rai nna shingjawng kashun ai ni hpe yu matsan dum nga ai n rai.

TARA JAHPRANG 6:15

Kaga karai shaje ni hpe nanhte nawku myit dai rai yang, nanhte hte rau anga nga ai dai Madu nanhte a Karai Kasang gaw shingjawng kashun ai hpe n hkam sharang lu ai majaw dai Madu a masin kahtet ai gaw wan zawn chyi nna, nanhte hpe atsai awai shamyit kau na rai wu ai.

HEBRE 10:31

Hkrung nga ai Karai Kasang a lata de hkrat bang wa ai lam gaw nachying hkrithpa wa rai nga ai!

YAWSHU 24:19

Yawshu gaw amyu masha ni hpe, “Rai ti mung, nanhte dai Madu hpe daw jau lu na myit dai n rai. Shi gaw chyoi pra ai Karai Kasang rai nga ai rai nna nanhte a shut hpyit ai yubak mara ni hpe raw dat ya na n rai; shi hte shingjawng kashun ai ni hpe yu sharang lu wu ai n rai;