1 KORINHTU 10:14 - Jinghpaw Common Language Bible 2009

¹⁴ Dai re ai majaw, ngai tsaw ngai ra ai ni e, sumla nawku ai lam hpe koi gam mu.

Jinghpaw Hanson Version Bible

¹⁴ Dai re ai majaw, ngai tsawra ai ni e, sumla nawku na lam hpe koi gam mu.

1 KORINHTU 10:14 ပူးပေါင်းရင်းမြစ်များ

KASA 15:20

Hpara sumla ni hpe nawng jau tawn ai n san n seng ai lusha ni sha ai lam, n se n sa ndaw liknga lam, du manat sat ai shan hte asai re ai ni hpe koi gam na lam shanhte hpe laika langai mi ka nna tsun shana mai ai ngu nna ngai myit da we ai,

ROMA 12:19

Tsaw ra ai ni e, galoi mung tinang nan matai hkum htang mu, Karai Kasang mahtang she dai matai htang ai lam galaw u ga. Hpa majaw nga yang Chyum Laika hta Karai Kasang gaw, “Ngai matai htang na nngai, mara hte maren ngai htang jaw na nngai,” nga nna ka da nga ai.

1 KORINHTU 10:15

Nanhte hpe htauli htaula hpaji rawng ai ni hpe zawn, ngai tsun nga nngai; Ngai tsun ai ga hpe nanhte nan maram masam yu mu.

1 KORINHTU 10:19

Ning nga ngai tsun ai gaw, sumla shing n rai, sumla hpe nawng ai hkungga lusha gaw kaja wa lam la ahkyak nga ai ngu nna ngai tsun mayu ai rai ni?

1 KORINHTU 10:7

Dai hta kaga Chyum Laika hta, “Masha ni gaw, lusha poi langai mi hta dung nna lu sha nga ma yang, dai gaw lu lai sha lai ai hte rawt ka manawt ai de gale mat wa malu ai,” nga nna ka da nga ai hte maren shanhte nkau mi sumla nawku ai ni tai ma ai zawn nanhte hkum tai myit.

1 KORINHTU 5:11

Ya ngai ngu mayu ai gaw, tinang hkum hpe Hkristan hpu nau wa rai nga nngai nga nhtawm me, hpye ai lam hkan ai, nammak lawhpa ai, gawkngu sumla naw ai, shatan nhkan ai; chyaru ya tai ai hte lagu lagut re ai ni hte n kanawn lu na hta n ga, shing re ai wa hte rau dung nna pyi n jawm lu n jawm sha lu na, ngu ai lam rai nga ai.

2 KORINHTU 11:11

Ngai ning nga nna tsun ai gaw, ngai nanhte hpe n tsaw ra ai majaw rai ni? Ngai nanhte hpe tsaw ra ai gaw Karai Kasang chye nga ai.

2 KORINHTU 12:15

Ngai gaw nanhte hpe karum na matu nga jang, ngai lu malu yawng mayawng hte nye a hkum hkrang hpe pyi kabu gara jai lang kau na ra sharawng na nngai. Ngai nanhte hpe grai tsaw ra ai majaw, nanhte ngai hpe loi sha tsaw ra na rai ni?

2 KORINHTU 12:19

Anhte gaw nanhte a man hta tut nawng e tinang hkum hpe mara n lu ai ngu nna makawp maga tsun shakut ai ni re ngu htang myit dai nhten? Dai hku n rai law! Hkristu tsun shangun mayu ai hte maren Karai Kasang a man e anhte tsun nga ga ai. Dai hta n ga, tsaw ra ai ni e, anhte galaw ai lam ni yawng gaw nanhte hpe karum na matu she galaw ga ai.

2 KORINHTU 6:17

Dai rai nna Madu gaw, “Nanhte gaw shanhte hpe tawn kau da lu na hte shanhte kaw na kaga lak nanhte a hkum ni hpe garan jahka kau mu. Awu asin re ai hpe hpa hkum hkra mu, shaloi ngai nanhte hpe hkap la na made ai.

2 KORINHTU 7:1

Tsaw ra ai jinghku ni e, ndai ga sadi ni yawng gaw anhte hpe jaw da ai rai nga ai. Dai re ai majaw anhte gaw hkum hkrang hte wenyi hpe awu asin di kau ai matsat shabat nga manga hta na tinang hkum hpe jasan jaseng kau nhtawm Karai Kasang hpe hkrit hkungga let chyoi pra htum ai hku asak hkrung nga ga.

HPILIPI 4:1

Dai rai nna hpu nau ni e, nanhte hpe ngai grai tsaw ra nga made ai hte grai myit dum marit nga nngai. Nanhte gaw nye a kabu gumrawng shara rai myit dai. Tsaw ra ai ni e, dai Madu hte langai sha tai nna asak hkrung ai lam hta ngang ngang lahpran tsap nga mu.

HPILEMON 1:1

Hkristu Yesu a magam gun hpai ai majaw bawng dung hkrum nga ai ngai Pawlu hte anhte a hpu nau wa Timohti gaw, an a tsaw ra ai jinghku hte amu rau jawm shingtau gun hpai nga ai Philemon hpang de mung,

HEBRE 6:9

Tsaw ra ai ni e, anhte ning nga nna tsun ga ti mung, nanhte hte seng nna anhte myit tsang ai lam nga ga ai. Nanhte gaw dai hkye hkrang la ai lam hte seng nna grau kaja ai shaman chyeju lu la manit dai hpe anhte chye ga ai.

1 PETRU 2:11

Ngai tsaw ra ai ni e, nanhte gaw ndai mungkan hta bu hkawm ai tsasam manam ni hte shingbyi nga ai ni zawn rai nga myit dai rai nna, myit masin hte gasat hkat nga ai hkum shan a kayut ai lam ni hpe galoi mung asum n jaw na matu ngai nanhte hpe hpyi nem dat made ai.

1 YAWHAN 5:21

Ngai shu ngai sha ni e, masu ai karai ni hpe koi gam nga mu law!

SHINGRAN 13:8

Sat kau hkrum sai Sagu Kasha a asak laika hta, ginding aga garai n pra kaw nna amying ka da lawm sai mungkan masha nlang hte hta lai nna, mungkan ntsa e nga ai masha yawng gaw dai matse labye hpe nawku na mara ai.

SHINGRAN 2:14

Rai ti mung sumla ni hpe nawng ya ai hkungga shahpa ni hpe sha na hte, nse nsa ngu ai hpye ai amu galaw ai hta Israela masha ni hkan sa nna yubak mara galaw hkra Balak hpe hpaji daw ya ai Balam a sharin shaga ai hta hkan nang ai masha nkau mi, na a hpung hta lawm nga ma ai majaw, nang hpe mara shagun shara loi mi, ngai mu nngai.

SHINGRAN 21:8

Rai ti mung, hkrit ai myit rawng ai ni, n kam n sham nna sadi n dung ai ni, n hkru n kaja matsat shabat re ai ni, masha sat ai ni, hpye ai amu galaw ai ni, mandan lakle galaw ai ni, sumla nawku ai ni hte, masu magaw ga tsun ai ni yawng hte gaw, wan hte kan grung ai nawng hta ari hkrum lu na mara ai: dai gaw lahkawng lang na si ai lam rai nga ai, nga nna ngai hpe tsun ai.

SHINGRAN 22:15

Rai ti mung, masha zawn pyi n rai hkra n hkru n kaja ai ni, mandan lakle galaw ai ni, hpye ai amu galaw ai ni, masha sat ai ni, sumla nawku ai ni hte masu magaw lam sharawng awng let hkan galaw ai ni yawng hte gaw, mare shinggan e nga lu na mara ai nga nna ngai hpe tsun nngai.