1 KORINHTU 10:13 - Jinghpaw Common Language Bible 2009

¹³ Nanhte hkrum hkra yu ai agung alau ni gaw, masha yawng hta byin hkrum ga ai baw sha rai nga ai. Rai ti mung Karai Kasang gaw, ga sadi dung ai Madu rai nna, nanhte hpe nanhte n hkam n jan lu ai agung alau hkrum shangun na myit dai n rai. Agung alau hkrum ai ten hta hkam jan lu ai n-gun lagaw jaw nna, dai agung alau kaw na lawt pru lu na hkat shi hpaw da ya na ra ai.

Jinghpaw Hanson Version Bible

¹³ Masha n jan lu ai agung alau gaw nanhte hkrum hkra myit dai n rai; Karai Kasang mung sadi sahka nga ai rai nna, nanhte n jan lu ai agung alau hkrum na ahkang n jaw nga ai sha, nanhte jan lu myit ga, dai agung alau hte rau pru wa na hkat shi hkat da na ru ai.

1 KORINHTU 10:13 ပူးပေါင်းရင်းမြစ်များ

SHAKAWN KUNGDAWN 124:7

Jau gawng wa a mahkam hta na lawt wa ai u zawn, anhte mung lawt mat wa lu saga ai; mahkam daw agrawp mat nna, anhte lawt lu saga ai!

SHAKAWN KUNGDAWN 125:3

Tara n lang ai ni ding hpring ai ni a lamu ga hpe tut nawng e, up hkang lu ma ai n rai; lama wa, shanhte up hkang lu ai rai yang mung, ding hpring ai masha ni nan n hkru ai amu hpe galaw na ma ai.

SHAKAWN KUNGDAWN 36:5

Madu e, na a dinggrin tsaw ra myit gaw sumsing lamu du hkra dep nga ai; na a sadi sahka mung lamu ni de du hkra maden jat nga ai.

SHAKAWN KUNGDAWN 89:33

Rai ti mung, Ngai gaw Dawi hpe tut nawng tsaw ra nga nna, shi tawn da ai nye a ga sadi hpe mung, ngai jahten sharun kau na n rai.

PRU MAT 3:17

Shanhte gaw mazut ai hku adip arip di hkrum nga ai Egutu mung kaw nna ngai woi shapraw la nhtawm, Hkanan, Heti, Amori, Hperizi, Hiwi hte Yebusi masha ni nga ai dai sut su ngamu ngamai ai hte ga sau kaja hpring ai mung de shanhte hpe woi wa na ngu nna, ngai myit daw dan da ni ai.

ESAIA 11:5

Shi gaw shi a amyu masha ni hpe teng man rap ra ai tara hte ding hpring ai myit hte up na ra ai.

ESAIA 25:1

Madu e, nang gaw nye a Karai Kasang rai nga ndai; Ngai nang hpe shagrau na nngai, na a mying nsang hpe kungdawn na nngai. Nang gaw mauhpa amu ni hpe galaw nit dai; moi kaw nna nang galaw ai yaw shada lam ni hpe nang kangka ai hte galaw da nit dai.

ESAIA 49:7

Israela a chyoi pra ai Karai Kasang hte hkye hkrang la ai wa gaw htum hkra n kaw n law di hkrum ai wa, masha amyu baw ni e n dawng hkrum ai wa hte mung du ni a shangun ma tai nga ai wa hpang de ning ngu tsun nga ai: “Hkawhkam ni gaw nang hpe dat kau dat ai mu na mara ai shanhte a hkungga lara ai hpe madun na matu rawt wa na mara ai; hkawhkam kasha ni mung dai hpe mu na mara ai, shanhte gaw nang hpe shagrau sha-a na matu gum dagup wa na mara ai.” Dai Madu gaw shi a shangun ma hpe lata la nu ai majaw ndai lam byin wa na ra ai; Israela a chyoi pra ai Karai Kasang gaw shi a ga sadi ni hpe shatup na ra ai.

YEREMIA 12:5

Dai Madu gaw, “Yeremia e, nang gaw masha ni hte gat shingjawng nna hki ba ai rai yang, kaning rai gumra ni hte gat shingjawng lu na rai nga n ta? Prang yang ga hta pyi nang n tsap lu ai rai yang, Yawdan hka kau na nam mali hta nang gara hku hpareng lajang lu na rai nga n ta?

YEREMIA 29:11

Nanhte a matu ngai hta rawng ai yaw shada lam ni hpe ngai chyu sha chye nngai, dai yaw shada lam gaw tsin-yam tsindam n rai, ngamu ngamai shangun na lam rai nga ai; nanhte myit mada nga ai du na ra ai aten hte seng ai yaw shada lam ni rai nga ai.

SHARUNG SHAYAWT 3:23

Dai gaw jahpawt manap zawn ningsing nga nna jan rawt wa ai zawn teng teng kam hpa mai nga ai.

Daniela 3:17

Anhte daw jau ai Karai Kasang gaw grung nga ai wan htung kaw na anhte hpe hkye mawai la lu na ra ai; shi gaw na a daru magam n-gun kaw na mung mawai la na ra ai.

HOSEA 2:20

Ngai gaw nye a ga sadi hpe shatup na nngai, nang hpe nye a matu shatai da na nngai, nang gaw ngai hpe dai Madu hku yin la na rai ndai.

MAHTE 6:13

Agung alau nga ai de anhte hpe n sa shangun ai sha, n kaja ai lam hta na mung shaw la mi law, (N gawn tawa hpe hkang ai ahkang hte hpung shingkang arawng sadang gaw, htani htana nang hta anga nga u ga law) Amen.

LUKA 11:4

Anhte hpe shut ai ni yawng mayawng a mara, anhte raw kau ya ga ai majaw, anhte a mara ni hpe mung raw kau ya mi; agung alau nga ai shara de mung anhte hpe hkum sa shangun mi,’” ngu nna shanhte hpe tsun mu ai.

LUKA 16:26

Dai lam ni yawng hta kaga, ndai yang nna nanhte hpang de rap sa mayu ai ni n rap lu mu ga mung, dai yang nna anhte hpang de kadai n rap wa lu mu ga mung, anhte hte nanhte a lapran e, sung la ai krung sinwa din nga ai,’ ngu nna htan wu ai.

LUKA 22:46

Madu gaw, “Hpa rai yup nga myit ta? Gunglau ai de n lawm mat myit ga, rawt nna akyu hpyi nga mu,” ngu nna shanhte hpe tsun mu ai.

KASA 27:44

Dai hpang ngam ai ni hpe hpun pyen pa ni shing n rai sanghpaw hten mat ai achyen achya ni hta noi nna rap wa na hkang da mu ai. Shing rai anhte nlang hkarang de kaw nna ashim sha lawt lu ga ai.

1 KORINHTU 1:9

Anhte a Madu ngu ai, Kasha Yesu Hkristu hte kanawn mazum lu mu ga, nanhte hpe shaga la ai Karai Kasang chyawm gaw, kangka re ai wa rai nga ai.

2 KORINHTU 1:10

Shi gaw shing san ai hkrithpa si lam hta na anhte hpe mawai la mani ai rai nna, bai mung naw mawai la na mi ai. Nanhte mung nanhte a akyu hpyi ai hku nna anhte hpe karum nga myit dai majaw, naw hkye la na ra ai ngu nna anhte shi hpe naw myit mada ala nga ga ai.

TARA JAHPRANG 7:9

Dai Madu nanhte a Karai Kasang gaw shi chyu sha Karai Kasang rai nga ai hpe adum nga mu; shi gaw kang ka re ai wa rai nga ai. Shi hpe tsaw ra ai hte shi a hkang da ai ga ni hpe hkan sa madat mara ai ni hpe chyawm gaw prat ban hkying mun du hkra shi a dinggrin tsaw ra myit madun dan let shi a ga shaka hpe shatup na rai wu ai;

1 HTESALONI 5:24

Nanhte hpe shaga la ai wa gaw kangka nga ai rai nna, ndai lam hpe galaw na ru ai.

2 HTESALONI 3:3

Rai ti mung Madu gaw kangka nga ai rai nna, shi gaw nanhte hpe myit n-gun shaja ya ai hte N hkru N kaja Ai Wa a hpyen ai kaw na makawp maga na ra ai.

2 TIMOHTI 4:18

Dai Madu gaw n hkru n hkra ai lam yawng hta na ngai hpe mawai la nna, shi a sumsing lamu Mungdan de hkap hkra shim lam jaw let woi la na ring ngai. Shi hta htani htana prat dingsa e hpung shingkang anga nga u ga law! Amen.

HEBRE 10:23

Anhte yin la kam sham ai makam masham a myit mada ai lam hta n shamu n shamawt hkra anhte maju jung nga ga; hpa majaw nga yang, Karai Kasang gaw shi tawn da ai ga sadi hta kangka re ai wa rai nga ai hpe anhte kam hpa lu ga ai.

HEBRE 11:11

Abraham gaw grai dingla ugut gu mat sai, Sara shi nan mung aprat lai sai majaw kasha n mai lu mat sai. Rai ti mung Abraham gaw kam sham ai hte kawa tai wa lu sai. Karai Kasang gaw shi ga sadi tawn da ai hte maren kangka ai Madu rai nga ai hpe Abraham kam hpa nga ai.

HEBRE 12:4

Nanhte gaw yubak mara hte hkrum katut gasat hkat ai lam hta ya du hkra sat kau hkrum na madang du hkra garai n hkap daw ra myit dai.

HEBRE 6:18

Shing rai dai ga sadi hte dagam ai ga myu lahkawng yan gaw n mai galai mat ai baw re ai majaw Karai Kasang gaw masu ga tsun ai n rai. Dai re ai majaw shi hta shingbyi nna shim ai lam lu la ai ni ngu ai anhte gaw anhte hpe jaw ya ai myit mada shara hta ngang ngang kang kang magra noi nga na matu n-gun jaw ai lam grai wa lu la saga ai.

1 PETRU 4:19

Dai rai nna shanhte a matu Karai Kasang a myit ra ai hku hte maren nni nkri hkrum ai ni gaw kaja ai amu bungli galaw nga let galoi mung sadi dung nga ai tinang a Hpan Da Madu hta awm dawm kam hpa nga mu ga.

2 PETRU 2:9

Dai re ai majaw Karai Kasang gaw tara hkung ga ai ni hpe shanhte hkrum hkra nga ai chyam dinglik ai lam ni a kata na gara hku mawai la na hte, n hkru n kaja ai ni hpe tara daw dan ai nhtoi du hkra gara hku ari jaw na hpe mung shi chye nga ai.

1 YAWHAN 1:9

Rai ti mung anhte a yubak mara ni hpe Karai Kasang kaw madun yin la nna hpyi nem ga yang gaw, shi gaw shi a ga sadi hta grin nga nna dai teng man ai amu galaw ai wa rai nga ai majaw, anhte a yubak mara hpe raw dat kau ya na hte, shut hpyit tawt lai ai lam yawng mayawng hta na jasan jaseng la na mi ai.

SHINGRAN 19:11

Dai hpang, sumsing lamu hpaw malang nga ai hpe ngai mu nngai. Dai yang e gumra hpraw langai mi nga nga ai rai nna, dai hta jawn ai wa gaw, kangka hte teng man ngu ai wa rai nga ai. Shi gaw ding hpring ai hku tara dara ai hte majan gasat nga ai.

SHINGRAN 2:10

Nang hkrum magang ra ai nni nkri hpe hkum hkrit et; Yu u: Nanhte hpe chyam yu na matu nat gaw, nanhte hta na nkau mi hpe htawng hta sharen da na ra ai rai nna, nanhte a ru yak nni nkri hkrum ai lam nhtoi shi ya tup na na ra ai. Si hkra ngai hta maju jung nga u, shaloi ngai nang hpe asak janmau jaw na de ai: dai gaw na a awng padang lu ai shabrai rai nga ai.

SHINGRAN 3:10

Hpa majaw nga yang, nang gaw ngai hkang da ai hte maren myit galu na hte hkam sharang na lam mungga hpe nang hkan nang ndai majaw, ga ntsa e nga ai masha ni yawng hpe chyam dinglik yu na matu mungkan ga hproi hkra ru yak jam jau du ai ten hta ngai nang hpe makawp maga na de ai.

1 SAMUELA 29:10

Dai re ai majaw, Dawi e, hpawt de gaw Shawlu hta naw ngam nga ai nanhte a masha yawng hte ngai kaw sa du nga sai ni jahpawt jau jau rawt nhtawm nhtoi htoi ai hte rau nhtang mat wa masu,” ngu nna nhtang tsun wu ai.