1 KORINHTU 10:11 - Jinghpaw Common Language Bible 2009

¹¹ Ndai lam ni mahkra shanhte hta byin wa ai gaw, kaga masha ni a matu shari tai na matu rai nna, anhte hpe shadum shahprang sadi jaw na matu ka da nga ai. Hpa majaw nga yang, anhte gaw mungkan aprat htum na ni wa ai ten hta sa pra ang ai ni rai nga ga ai.

Jinghpaw Hanson Version Bible

¹¹ Dai lam hte gaw shari tai u ga, shanhte hta shabyin nga ai rai nna, hpang jahtum ai aprat dep lu ai ni anhte hpe shadum jahprang na matu, ka da nga ai.

1 KORINHTU 10:11 ပူးပေါင်းရင်းမြစ်များ

NINGPAWT NINGHPANG 19:35

Dai rai nna shan gaw dai shana e, shi hpe jaw shanang da nhtawm kanau jan shi hte kanawn wu ai. Shi mung grai nang nga ai majaw shing re ai lam hpe shi n chye wu ai.

SHAKAWN KUNGDAWN 102:18

Hpang ban prat na masha ni a matu, Madu galaw da sai amu ni hpe ka matsing da nga mu; shing rai, ya garai n shangai pra sa wa na ni mung, shi hpe shakawn kungdawn wa na mara ai.

EZEKELA 5:15

“Ngai gaw nang hpe pawt sindawng nna masin kahtet ai hte ari jaw ai shaloi, na a grup yin na masha amyu baw ni yawng gaw hkrit kajawng na mara ai. Shanhte gaw nang hpe yu matsat ai hte asawng asang di kau na mara ai.

MAHTE 13:39

Dai hpe gat ai gumlau wa gaw, nat rai nga ai; nmut ta gaw lamu ga htum na aten rai nga ai, mam dan ai ni gaw, lamu kasa ni rai nga ma ai.

MAHTE 13:40

Dai tsing ni hpe lahkawn shinggyin la nna wan hta nat kau ai zawn, lamu ga aprat htum ai shani hta e byin na ra ai.

ROMA 13:11

Nanhte gaw yup nga ai kaw na su hprang wa ra ai ahkying aten du ra ai hpe chye nga myit dai majaw, ndai tsaw ra tara hpe hkan sa nga mu. Hpa majaw nga yang, anhte hkye hkrang la hkrum na shani ninghtoi gaw Madu Yesu hpe anhte kam sham hpang ai aten kaw nna sawn yang grau ni wa magang ra ai.

ROMA 13:12

Shana ahkying lai magang wa nna shani nhtoi du magang wa ra ai. Dai re ai majaw nsin hte seng ai bungli ni hpe raw sharun kau nna, nhtoi a hpyen hking hpe dagraw nga ga.

ROMA 15:4

Chyum Laika hta ka da mada hte gaw anhte hpe sharin achyin na matu rai nga ai. Shing rai anhte gaw Chyum Laika hta na lu la ai hkam sharang ai lam hte myit n-gun lu la shangun ai lam a majaw myit mada shara lu la na lam rai nga ai.

ROMA 4:23

“Karai Kasang gaw shi hpe ding hpring ai wa ngu nna hkap la wu ai,” ngu ai ga gaw Abraham langai mi hpe chyu sha sha-ang nna ka da nga ai n rai.

1 KORINHTU 10:6

Ya ndai lam ni yawng gaw, shanhte galaw ai zawn n hkru n kaja ai arai ni hpe myit n mai marin na lam hte anhte gaw shanhte nkau mi zawn sumla n naw n ku na lam sadi jaw, shari madun ai kasi rai nga ai.

1 KORINHTU 7:29

Bai, hpu nau ni e, ngai ngu mayu ai gaw ndai hku rai nga ai: ahkying ladaw law law n nga sai, ya kaw nna hkungran sai la ni gaw, n hkungran ai la ni zawn nga manu ga.

1 KORINHTU 9:10

Anhte a matu teng teng tsun nga ai n rai ni? Kaja wa anhte a matu ka da ai rai nga ai. Hkauna galau ai wa hte nsi naisi dan shinggyin la ai wa gaw, tinang lu la ang ai nsi naisi hkambum hpe myit mada let galaw nga ma ai.

GALATI 4:24

Ndai lam ni hpe ga shadawn langai mi hku nna chye na mai nga ai. Num lahkawng gaw dai ga shaka lahkawng hte bung nga ai; num langai mi gaw Hagara rai nna shi shangai dat ai kashu kasha ni gaw mayam tai ma ai. Hagara gaw Sina bum kaw jaw ai ga shaka a malai kumla rai nga ai.

HPILIPI 4:5

Nanhte a sumnung shingdi ai myit hpe masha yawng a man e madun dan mu. Dai Madu du sa na ten ni magang ra ai.

HEBRE 10:25

Shada da hkrum zup hpawng de ai htung lai hpe nkau mi kau tawn da ai lam galaw nga ma ai; anhte gaw dai zawn n galaw ai sha, dai Madu bai du sa na shani ninghtoi ni wa magang ra ai hpe nanhte chye nga myit dai majaw, shada da grau nna n-gun jaw hkat nga ga.

HEBRE 10:37

Hpa majaw nga yang, Chyum Laika hta, “Loi hkring mi rai jang du sa na ra ai wa gaw, aten jahkring mi laman du sa na ra ai, shi hkring shana chyai nga na n rai.

1 YAWHAN 2:18

Nye a shu sha ni e, hpang jahtum ai nhtoi ni wa ra ai! nanhte hpe tsun da sai hte maren, Hkristu a hpyen ngu ai wa gaw du na ra ai rai nna, ya e pyi Hkristu a hpyen ni law law wa dawng pru ra ai majaw, hpang jahtum ai ahkying ni ra ai hpe anhte chye nga ga ai.