1 KORINHTU 10:1 - Jinghpaw Common Language Bible 2009

¹ Hpu nau ni e, Mawshe woi awn ai anhte a ji wa ni hta hpa byin lai wa sai lam nanhte hpe bai dum chye shangun mayu nngai. Shanhte yawng gaw sumwi e makawp maga ai a kata hta hkawm sa wa nna, Nawng Hkyeng hpe mung apyaw sha ga rap lai di kau da lu ma ai.

Jinghpaw Hanson Version Bible

¹ Hpunau ni e, anhte a ji wa ni yawng gaw, dai sumwi npu e nga ma ai hte, yawng gaw dai nawng hta ga rap wa ma ai rai nna,

1 KORINHTU 10:1 ပူးပေါင်းရင်းမြစ်များ

NEHEMIA 9:19

Rai ti mung na a matsan dum ai myit galu kaba nga ai majaw nang shanhte hpe nam mali hkan e kau da ndai n rai.

SHAKAWN KUNGDAWN 105:39

Karai Kasang gaw shi a amyu masha ni a ntsa e, sumwi ka-up da ya nna; shana e, shanhte hpe wan jahtoi ya nga ai.

SHAKAWN KUNGDAWN 66:6

Shi gaw panglai hpe hkun hkraw ai hkarang hku galai kau nga ai; anhte a kaji kawa ni, lagaw hte dai hka hpe lai di mat wa masai. Shi galaw dan sai amu magam ni a majaw, anhte kabu gara lu saga ai.

SHAKAWN KUNGDAWN 78:53

Shi shanhte hpe shim lum ai hku woi wa mu ai majaw shanhte n hkrit nga ma ai. Rai ti mung, panglai hka gaw shanhte a gumlau hpyen ni hpe ka-up kau mu ai.

PRU MAT 14:29

Rai ti mung Israela amyu masha ni chyawm gaw panglai hta lahkawng maga a hka shakum lapran na hkun hkraw ai hkarang ga hku hkawm lai mat wa ma ai.

PRU MAT 40:34

Dai hpang, sumwi gaw Sum hpe ka-up nna, htoi kabrim ai dai Madu a hpung shingkang mung dai hta hpring nga ai.

BU HKAWM 14:14

dai mung e nga ai masha ni hpe shanhte tsun dan na rai ma ai. Dai masha ni gaw nang Madu anhte hte rau rai nga ai lam mung, anhte a ntsa e na a sumwi yu dung ai shaloi nang hpe asan sha mu lu ai mung, shani e sumwi shadaw hte shana e wan shadaw hte anhte a shawng e nang sa wa ndai hpe mung na yu manu ai.

BU HKAWM 33:8

Shanhte gaw Hpi Hahirot kaw nna pru wa nhtawm Nawng Hkyeng hpe rap di nna Shura nam mali de du ma ai. Nhtoi masum ya sat hkawm ai hpang shanhte gaw Mara e but ma ai.

YAWHAN 4:20

Nye a Samari jiwa ni gaw ndai Gerizim bum ntsa e Karai Kasang hpe nawku ga ma ai, rai ti mung nanhte Yuda masha ni gaw, Yerusalem mare kaw chyu sha Karai Kasang hpe nawku mai ai shara re, nga nna tsun ga myit dai,” ngu wu ai.

ROMA 1:13

Nye a hpu nau ni e, Yuda amyu masha n re ai maigan amyu masha ni hpe ngai myit malai kayin wa shangun mawe ai zawn, nanhte hta mung myit malai kayin wa ai masha ni nga wa na matu ngai nanhte hpang de sa du na, law law lang hkyen lajang yu ni ai, rai ti mung lam lama ma e ayan hkum shadang ai a majaw n du sa lu ai re ai lam nanhte hpe chye shangun mayu nngai.

ROMA 11:21

Hpa majaw nga yang, Karai Kasang gaw mi na lakung lakying madung ngu ai Yuda masha ni hpe pyi n lahpawt dum a yang gaw, nanhte hpe lahpawt dum na ra ai ngu nna myit nawn nga myit ni?

ROMA 4:11

Shi gaw Karai Kasang e ding hpring ai ngu nna sawn ya ai hpe hkam la ngut ai hpang e she matu gadoi ai hking hpe hkam la wu ai. Dai matu gadoi ai hking gaw, Abraham a makam masham a majaw matu gadoi hking garai n hkam la ai kaw nna Karai Kasang e ding hpring ai ngu ya hkrum ai hpe madun dan ai masat dazik kumla nan rai nga ai. Dai re ai majaw Abraham gaw matu gadoi ai hking n hkam la ti mung, Karai Kasang hpe kam sham ai a marang e ding hpring ai ngu ya hkrum wu ai.

1 KORINHTU 12:1

Hpu nau ni e, nanhte laika hte ka san dat ai Wenyi a chyeju kumhpa ni hte seng nna, de a teng man ai lam nanhte hpe chye shangun mayu nngai.

1 KORINHTU 14:38

Marai langai ngai ndai lam hpe n madat n mara a yang gaw, shi hpe hpa n sawn ai hku tawn da mu.

GALATI 3:29

Ya nanhte gaw Hkristu hte seng ai ni rai nga myit yang gaw, nanhte Abraham a aru arat ni rai nga myit dai hte, dai ga ndat nga ai hte maren Karai Kasang kaw na sali wunli hkam la lu na ni rai myit dai.

HEBRE 11:29

Kam sham ai hte Israela amyu masha ni gaw hkarang ntsa zawn Nawng Hkyeng hpe rap di lai lu ma ai; Egutu masha ni mung, dai zawn rap chyam yu mu yang lup si ai hkrum ma ai.

YAWSHU 4:23

Anhte a matu Nawng Hkyeng hpe shi jahkyet kau ya mi ai zawn, nanhte rap tawng mat wa ai aten du hkra, dai Madu nanhte a Karai Kasang gaw nanhte a matu Yawdan hka hpe jahkyet kau ya mi ai lam shanhte hpe tsun dan mu.