1 KORINHTU 1:8 - Jinghpaw Common Language Bible 2009

⁸ Anhte a Madu Yesu Hkristu bai du sa nna tara daw dan ai Nhtoi hta, mara shagun shara n nga hkra, shi nanhte hpe shangang shakang na marin dai.

Jinghpaw Hanson Version Bible

⁸ anhte a Madu Yesu Hkristu a nhtoi e mung, mara shagun shara n nga hkra, shi nanhte hpe shangang shakang na marin dai.

1 KORINHTU 1:8 ပူးပေါင်းရင်းမြစ်များ

SHAKAWN KUNGDAWN 37:17

hpa majaw nga yang, Madu gaw tara n lang ai wa a n-gun hpe shadaw kau ya na ra ai; rai ti mung, mai kaja ai ni hpe chyawm gaw shi makawp maga la na ra ai.

SHAKAWN KUNGDAWN 37:28

hpa majaw nga yang, Madu gaw teng man ai lam hpe tsaw ra nga nna; kangka ai shi a amyu masha ni hpe n kau da nga ai majaw rai nga ai. Shi gaw shanhte hpe htani htana makawp maga nga ai, rai ti mung, tara n lang ai wa a aru arat ni gaw gawt shapraw kau ai hkrum na mara ai.

LUKA 17:24

Lamu maga mi de na kalam ai myihprap gaw, lamu maga mi de du hkra htoi ala wa ai zawn, Masha Kasha mungkan ga de du sa ai shani rai na ra ai.

LUKA 17:30

Dai Masha Kasha dan pru ai nhtoi hta mung, dai hte maren rai na ra ai.

ROMA 14:4

Masha langai ngai a shangun ma hpe jep san jeyang ai wa e, nang gaw kadai wa rai nga n ta? Dai shangun ma a amu awng dang ai shing n rai n awng dang ai ngu ai hpe gaw dai shangun ma a madu shi nan daw dan na ra ai. Kaja wa shi awng dang na ra ai, hpa majaw nga yang, dai Madu gaw shi hpe awng dang hkra karum lu ai wa rai nga ai.

ROMA 16:25

Karai Kasang hpe anhte shakawn shagrau nga ga! Ngai nanhte hpe hkaw tsun dan sai Yesu Hkristu a lam Kabu gara shiga hte moi chyaloi nhkoi prat kaw nna makoi magap da ai dai teng man ai lam e shadan shadawng dat ai hte maren shi gaw nanhte hpe nanhte a makam masham hta ngang ngang kang kang tsap shangun lu nga ai.

ROMA 8:19

Karai Kasang gaw shi a kasha ni paw pru na ra ai lam ni hpe hpan da hkrum ai mungkan ting gaw myit n dawt ai hte ala nga ma ai.

1 KORINHTU 3:13

Masha langai hkrai a gaw gap ai kaja ai n kaja ai marai ningja gaw Madu Yesu du sa ai shani e dan dawng wa na ra ai. Hpa majaw nga yang, dai shani e masha langai hte langai a galaw ai bungli hpe shadan dan na ra ai, dai wan gaw langai hte langai galaw ai bungli marai nsam hpe chyam ginhka na ru ai.

1 KORINHTU 5:5

Dai tara daw dan ai Madu a nhtoi hta e dai wa a wenyi hkye hkrang la hkrum na matu, dai wa a hkum hkrang hpe jahten kau ra ai majaw, nanhte gaw dai wa hpe Satan a lata de ap kau na rai myit dai.

2 KORINHTU 1:13

Ya anhte ka shagun dat ai laika ni hta nanhte hti nna chye na lu na lam ni sha ka dat ga ai.

2 KORINHTU 1:14

Anhte a Madu Yesu Hkristu bai du sa ai nhtoi hta anhte gaw nanhte a majaw gumrawng lu na ga ai hte maren, nanhte mung anhte a majaw gumrawng lu mu ga, ya e anhte a lam kau chyen sha mi nanhte chye na tawn ti mung, hkum tsup kup hkra chye na wa na hpe ngai myit mada nga nngai.

2 KORINHTU 1:21

Nanhte hte anhte hpe Hkristu hta langai sha tai hkra asak hkrung shangun ai wa gaw Karai Kasang shi nan rai nga ai.

EHPESU 5:27

dai hpung gaw shi hkum nan a matu ap nawng kau ai shaloi e shi a nga manga hta agang chyalang hte kapum kapam re ai hpa mung n lawm ai sha, chyoi pra ai mara n rawng nna hpung shingkang rawng ai hte tsawm htap na matu rai nga ai.

HPILIPI 1:10

Dai shaloi she nanhte gaw Hkristu bai du sa ai nhtoi hta n san n seng awu asin re ai lam shagu hta na lawt nna mara n rawng ai ni rai na myit dai.

HPILIPI 1:6

Dai re ai majaw nanhte hta ndai mai kaja ai magam bungli hpang da ya ai wa gaw Hkristu Yesu bai yu wa ai nhtoi garai n du yang dai amu hpe ngut hkra shatsup shatup na ra ai ngu nna ngai myit kam nga nngai.

KOLOSE 1:22

Rai ti mung, ya Karai Kasang gaw, shinggyim hkum shan dagraw tawn ai shi a Kasha hpe si hkam shangun ai hku nna nanhte hpe shi a jinghku ni shatai manit dai. Shing rai galaw ai lam gaw, nanhte gaw chyoi pra nna agang chyalang n kap ai hte mara n rawng ai sha shi a man de nanhte hpe shashawn la lu na matu rai nga ai.

KOLOSE 2:7

Sharin achyin ai hpe hkam la manit dai hte maren, shi hta sung sung ru jung nna, shi hta tinang a asak hkrung lam hpe gaw da let nanhte a makam masham hpe grau nna ngang kang shangun nga mu. Nanhte hta chyeju dum ai myit hte hpring nga mu.

1 HTESALONI 3:13

Ndai lam hku nna shi nanhte hpe shadaw shangang na ra ai. Anhte a Madu Yesu gaw shi a chyoi pra ai ni yawng hte rau bai du sa ai shaloi e, nanhte gaw anhte a Kawa Karai Kasang a man e hkum tsup nna chyoi pra san seng ai ni tai wa na marin dai.

1 HTESALONI 5:2

Hpa majaw nga yang, Madu bai du sa na nhtoi gaw, shana aten e sa ai lagut zawn du sa na ra ai hpe nanhte nan atsawm sha chye nga myit dai.

2 HTESALONI 2:2

Madu bai du sa na Nhtoi du ra ai, nga nna masha ni tsun ai ga a majaw, nanhte a myit mang ai lam hta akajawng sha myit shuk shak ai hte n zim n zam rai shamu shamawt mat ai lam n byin malit ga, nanhte hpe shadum shahprang dat nngai. Shing nga ai ga gaw, anhte myihtoi ga tsun ai shaloi, shing n rai mungga hkaw tsun ai shaloi, shing n rai laika ka ai shaloi lawm ai ga re ai ngu nna myit yang myit la na manit dai.

2 HTESALONI 3:3

Rai ti mung Madu gaw kangka nga ai rai nna, shi gaw nanhte hpe myit n-gun shaja ya ai hte N hkru N kaja Ai Wa a hpyen ai kaw na makawp maga na ra ai.

2 TIMOHTI 1:12

Dai lam a majaw ndai nni nkri ru yak jam jau ni hpe ngai hkam jan nngai, Rai ti mung nye a kam hpa ai myit gaw ngai hta naw hpring chyat nga ai. Hpa majaw nga yang, ngai kadai wa hpe kam manoi nga nngai gaw ngai chye nga ai hte ngai hpe kam nna nye a lata hta ap tawn da sai dai Kabu Gara Shiga hpe tara jeyang ai Shani Nhtoi du hkra makawp maga mahkyu da ya lu ai n-gun atsam shi hta rawng nga ai ngu nna ngai myit mu myit hkut nga nngai.

2 TIMOHTI 1:18

Madu gaw shi hpe dai tara jeyang ai nhtoi hta matsan dum ai lam jaw ya u ga; Ehpesu mare e shi ngai hpe gade wa karum sai gaw, nang atsawm sha chye nga ndai.

1 PETRU 5:10

Rai ti mung nanhte jahkring sha mi nni nkri hkam ngut ai hpang, chyeju yawng mayawng a Madu rai nga ai Karai Kasang gaw nanhte hpe Hkristu hta langai sha tai shangun nna htani htana hpung shingkang hta shang sha lu mu ga, nanhte hpe shaga la ai Madu shi nan nanhte hpe ra n rawng hkra jahkum shatsup ai lam shangang shakang ai lam, n-gun lagaw sharawng ai lam ni jaw nna ngang kang ai npawt hkridun hta tsap nga lu ai ahkang jaw na marin dai.

2 PETRU 3:10

Dai Madu a nhtoi chyawm gaw lagu lagut zawn du na ra ai; dai nhtoi hta e sumsing lamu gaw grai kyek kachyeng ai nsen ngoi nna mat mat wa na ra ai. Sumsing nhtoi hkum ni mung wan hkru nna hten bya mat na mara ai; ginding aga hte nga manga ni mung hkoi mat na mara ai.

2 PETRU 3:14

Dai re majaw nye a manang ni e, nanhte dai nhtoi hpe la nga ai ten hta Karai Kasang a man e nanhte a myit masin san seng nna mara n kap u ga hte shi hta ngwi pyaw sim sa nga lu na matu atsam htum hkra shakut shaja nga mu.