1 KORINHTU 1:5 - Jinghpaw Common Language Bible 2009

⁵ Nanhte gaw Hkristu hte langai sha tai nga myit dai majaw, n-gup atsam hte chye chyang ai lam shagu hta, nanhte shi hta hkum tsup nga manit dai.

Jinghpaw Hanson Version Bible

⁵ lam yawng mayawng hta ang ai, n-gup atsam shagu hte, chye chyang ai lam shagu hta, nanhte shi hta hkum tsup nga manit dai majaw,

1 KORINHTU 1:5 ပူးပေါင်းရင်းမြစ်များ

KASA 2:4

Shanhte nlang hte mung, Chyoi Pra ai Wenyi hpring shajang nna, Wenyi e shadut mu ai hte maren ga amyu kaga ga hku shaga wa ma ai.

ROMA 11:12

Yuda masha ni a tawt lai ai yubak mara gaw, mungkan masha ni a matu law la ai chyeju kumhpa shabyin ya ai hte, shanhte a wenyi hta matsan chyaren hkrum ai gaw maigan masha ni a matu law la ai chyeju kumhpa shabyin ya nga yang gaw Yuda masha ni hkum hkum tsup tsup dai hkye hkrang la ai chyeju hta shalawm la ai hkrum yang gaw gade wa grau kaba la ai chyeju kumhpa byin tai na rai nga a hka!

ROMA 15:14

Nye a hpu nau ni e, nanhte gaw mai kaja ai lam hte hpring tsup nga nna machye machyang htak rai nga ai hte, nanhte shada da sharin jep lu nga myit dai hpe ngai hkum nan kam da made ai.

ROMA 15:4

Chyum Laika hta ka da mada hte gaw anhte hpe sharin achyin na matu rai nga ai. Shing rai anhte gaw Chyum Laika hta na lu la ai hkam sharang ai lam hte myit n-gun lu la shangun ai lam a majaw myit mada shara lu la na lam rai nga ai.

1 KORINHTU 12:10

Dai Wenyi nan kaga wa hpe lamik kumla galaw dan na atsam; kaga wa hpe myihtoi htoi na ahkang; kaga wa hpe Wenyi kaw na jaw ya ai chyeju atsam hte re ai n re ai hpe chye ginhka hparan lu ai atsam, kaga wa hpe ga amyu myu chye tsun na atsam, bai kaga wa hpe tsun ai ga a lachyum hpe htai sanglang dan lu ai atsam jaw shajang mu ai.

1 KORINHTU 12:8

Hpa majaw nga yang, langai ngai hpe dai Wenyi gaw hpaji hte hpring ai mungga jaw wu ai; kaga wa hpe dai Wenyi gaw machye machyang hte hpring ai mungga jaw wu ai.

1 KORINHTU 13:2

Ngai myihtoi chye htoi ai hte sung ai lam yawng mayawng, chye chyang ai hpaji amyu myu hkum nga ai hte bum hpe jasit kau lu hkra re ai makam masham rawng ti mung, tsaw ra myit n rawng yang gaw, ngai hpa n rai nga nngai.

1 KORINHTU 13:8

Tsaw ra ai myit gaw galoi mung htak mat chye ai n rai; myihtoi chye htoi ai lam rai yang gaw, hkoi mat na ra ai; ga amyu myu chye tsun ai lam rai yang gaw, sim mat na ra ai; chye chyang ai lam rai yang gaw lai mat wa na ra ai.

1 KORINHTU 14:26

Dai rai nna hpu nau ni e, ngai ngu mayu ai gaw da ndai rai nga ai: Nanhte nawku daw jau na matu hpawng nga myit dai shaloi e, langai wa gaw mahkawn shakawn ai lam, bai langai wa gaw sharin ai lam, bai langai wa gaw shingran ga htai dan ai lam, bai langai wa mi gaw laklai ai ga amyu myu hku tsun nna, kaga langai wa mi gaw tsun ai ga a lachyum hpyan dan ai lam re ai ni hpe gun hpai nga mu. Nanhte galaw ai lam shagu gaw dai hpung hpe shadaw shangang ai lam shabyin u ga.

1 KORINHTU 8:11

Dai rai nna, chye ginhka ai htauli htaula myit n-gun kya ai na a hpu nau wa a matu Hkristu si hkam ya sai rai ti mung, na a chye ginhka ai “htauli htaula myit” a majaw dai wa hten byak mat wa na n rai hka!

2 KORINHTU 4:6

Yesu Hkristu a myi man hta htoi tu ai hpung shingkang a lam nanhte chye chyang u ga, anhte a myit masin hta nhtoi jahtoi ya ai Karai Kasang gaw, “Nsin hta na nhtoi htoi na ra ai,” nga nna tsun ai Karai Kasang shi nan rai nga ai.

2 KORINHTU 6:10

Yawn hkyen hkrum ga ai rai ti mung, anhte tut nawng e akabu nga ga ai, matsan mayan re ai ni zawn rai ga ti mung, masha law law hpe shalu jasu saga ai. Hpa n lu ai ni zawn rai ga ti mung, anhte kaja wa yawng mayawng hpe madu ai ni rai nga ga ai.

2 KORINHTU 8:7

Nanhte gaw makam masham lam hta, mung sumtu hta, hpaji machye machyang lam hta, nanhte a karum mayu ai shawang myit hta, anhte hpe tsaw ra ai lam hta, nanhte hkum tsup law htam nga manit dai. Dai rai nna ndai tsaw ra shawang myit hte daw jau ai amu hta mung, nanhte ndaw nhta alu jaw na hpe anhte ra sharawng ga ai.

2 KORINHTU 9:11

Nanhte a lata hku nna shanhte hkap la lu ai nanhte jaw ya ai alu kumhpa ni a majaw masha law law wa Karai Kasang a chyeju hpe shakawn na mara ai. Nanhte aten shagu shawang kumhpa ndaw nhta jaw ya lu hkra Madu gaw nanhte hpe galoi mung sut su shangun na ra ai.

EHPESU 1:17

Nanhte Karai Kasang hpe grau nna chye chyap wa myit ga, anhte a Madu Yesu Hkristu a Karai Kasang ngu ai hpung shingkang rawng ai Karai Kasang gaw hpaji byeng-ya hte tau hkrau mu chye lu ai shingran atsam jaw lu ai Wenyi nanhte hpe jaw ya myit ga, Wa Karai Kasang kaw ngai ahpyi nga nngai.

EHPESU 2:7

Shi ning rai galaw ai lam gaw Hkristu Yesu hta anhte hpe tsaw ra myit madun ai hta Madu a chyeju gaw laklai nna galu kaba nga ai lam htawm hpang prat dingsa e masha ni mu chye lu na matu rai nga ai.

EHPESU 3:8

Ngai gaw Karai Kasang a masha ni hta kaji dik ai wa hta pyi grit nem ai wa rai nga nngai; rai ti mung, Karai Kasang gaw Hkristu a chyahtum chyalai re ai ngamu ngamai lam hte seng ai dai Kabu Gara Shiga hpe maigan masha ni hpang de la sa na matu mung,

EHPESU 6:19

Ngai tsun na matu jin ai ten hta Karai Kasang ngai hpe mung sumtu jaw u ga, hte dai Kabu Gara Shiga a sung htum ai lachyum hpe n hkrit n kang nden marai hte tsun dan lu hkra nye a matu mung akyu hpyi nga mu.

HPILIPI 1:9

Dai hta kaga nanhte gaw mai kaja ai hpe lata la lu nna, teng man ai machye machyang daw dan ginhka chye ai atsam marai hte hpring let tsaw ra myit hta grau grau kaba wa myit ga, nanhte a matu ngai akyu hpyi nngai.

KOLOSE 2:3

Shi gaw Karai Kasang a makoi magap da ai hpaji byeng-ya nlang hte hte chye chyang ai lam ting hpe hpaw dan ai zaw si rai nga ai.

KOLOSE 3:10

Hpan da ai Karai Kasang gaw dai masha ningnan hpe Karai Kasang shi a hkrang sumla hte grau grau bung wa hkra galaw lajang nga dingyang rai nga ai. Shing rai galaw ai gaw nanhte dai Madu hpe hkum tsup hkra chye chyang wa lu na matu rai nga ai.

YAKU 3:13

Nanhte hta hpaji byeng-ya hte chye chyang ai masha langai ngai nga a ni? Dai wa gaw shi hpaji byeng-ya rawng ai lam hpe shi a mai kaja ai asak hkrung lam hte mung, shagrit shanem nna hpaji byeng-ya rawng nga ai hku mai kaja ai magam bungli galaw ai hte mung sakse madun u ga.

2 PETRU 3:18

Nanhte gaw anhte a hkye hkrang la ai Madu Yesu Hkristu a chyeju hte shi hpe chye chyang ai lam hta matut nna galu kaba kunghpan sa wa myit ga; ya e mung, htani htana prat ding sa e mung, Yesu Hkristu kaw hpung shingkang anga nga u ga law.