1 KORINHTU 1:29 - Jinghpaw Common Language Bible 2009

²⁹ De a lachyum gaw, Karai Kasang a man e kadai mung gumrawng gumtawng n rai lu na matu rai nga ai.

Jinghpaw Hanson Version Bible

²⁹ rai la dum ai ni hpe jahten mu ga, mungkan ga a arawng n lu ai, hti n mai ai hte hpa n re ai ni hpe, Karai Kasang lata la wu ai.

1 KORINHTU 1:29 ပူးပေါင်းရင်းမြစ်များ

ESAIA 10:15

Rai ti mung dai Madu gaw, “Nwa gaw dai hpe lang ai masha wa hta grau nga ai ngu, hkrak lu tsun nga a ni? Zingret gaw dai hpe ret ai masha wa hta grau ahkyak mai nga a ni? Dawhkrawng gaw masha hpe n sharawt nga ai; masha mahtang dawhkrawng hpe sharawt nga ai,” ngu nna tsun nga ai.

YEREMIA 9:23

Dai Madu gaw, “Hpaji rawng ai masha ni gaw shanhte a hpaji byeng-ya hta, n-gun ja ai ni gaw shanhte a n-gun lagaw hta, sut su ai masha ni gaw shanhte a sut gan hta gumrawng na n mai ang nga ai.

ROMA 15:17

Dai re ai majaw Hkristu Yesu hte langai sha re ai hku asak hkrung let Karai Kasang a magam amu gun hpai lu ai majaw kabu gumrawng lu nngai.

ROMA 3:19

Dai jep ai Tara hta rawng ai hkang da ai lam shagu gaw jep ai Tara a npu e nga ai ni a matu rai nga ai hpe ya anhte chye saga ai; ndai hku byin wa ai lam gaw masha a tsun jahpai ai ga ni yawng hpe jahkring sha-ip kau shangun na hte mungkan ting gaw Karai Kasang jeyang daw dan ai hpe hkam la shangun na matu rai nga ai.

ROMA 3:27

Dai rai yang anhte gumrawng na lam hpa naw nga a ta? Hpa n nga sai! Hpa majaw rai ta? Jep ai Tara hpe madat mara hkan sa shadik ga ai majaw rai kun? N rai law! Karai Kasang hpe kam sham ai majaw rai nga ai.

ROMA 4:2

Lama wa Abraham gaw tinang galaw ai magam bungli ni a majaw Karai Kasang a man e ding hpring ai lu la a yang gaw shi hta gumrawng gumtawng na lam nga lu ai. Rai ti mung shi gaw Karai Kasang a man e gumrawng gumtawng ai lam n galaw lu wu ai.

1 KORINHTU 1:31

Dai re ai majaw, Chyum laika hta tsun ai hte maren, “Kadai rai ti mung, gumrawng gumtawng mayu ai wa gaw, Karai Kasang galaw ai amu bungli a matu sha gumrawng gumtawng nga u ga.

1 KORINHTU 4:7

Kadai wa mi nang hpe masha kaga hta grau shangun nga a ta? Nanhte lu ai yawng mayawng hte gaw Karai Kasang jaw ai n rai ni? Dai re ai mi nanhte hkam la lu ai arai ni gaw Karai Kasang kaw na hkam la lu ai chyeju kumhpa n re ai zawn nanhte gumrawng ai gaw, kaning re ai rai ta?

1 KORINHTU 5:6

Nanhte gumrawng gumtawng rai nga na gaw n jaw n kaja nga ai. “Matsi loi mi gaw muk tawng ting hpe shabawm dat wu ai,” nga ai ga malai hpe nanhte n na yu myit ni?

EHPESU 2:9

Nanhte galaw ai magam bungli a majaw byin wa ai n rai, dai majaw de a lam kadai mung gumrawng shara n nga ai.