1 KORINHTU 1:28 - Jinghpaw Common Language Bible 2009

²⁸ Mungkan e ahkyak dik sai, rai la sai ngu ai ni hpe anyawp jahten kau na matu mungkan e hti n mai ai, yu kaji nna matsat kau hkrum ai hte hpa n re ai ngu nna sawn nawn ai ni hpe lata la wu ai.

Jinghpaw Hanson Version Bible

²⁸ n-gun lagaw rawng ai ni hpe kaya kahpa jahkrum mu ga, mungkan ga na n-gun n ja ai ni hpe Karai Kasang lata la wu ai;

1 KORINHTU 1:28 ပူးပေါင်းရင်းမြစ်များ

YOBA 34:24

Ningbaw ni hpe la kau na matu hte shanhte a hkang hta kaga ni bai shang wa na matu shi hta sawk sagawn la ra ai lam n ra nga ai.

SHAKAWN KUNGDAWN 32:10

Tara n lang ai ni gaw nni nkri hkam sha ra na ma ai, rai ti mung, Madu hpe kam hpa nga ai ni gaw shi a dinggrin tsaw ra myit hte makawp maga la ai hkrum nga ma ai.

ESAIA 2:11

Masha a gumrawng gumtawng ai gaw htum mat wa nna masha a myit tsaw myit dap ai gaw jahten kau ai hkrum na ra ai nhtoi gaw du wa nga sai. Dai hpang dai Madu chyu sha shagrau shatsaw ai hkrum na ra ai.

ESAIA 2:17

Masha a gumrawng gumtawng ai gaw htum mat na ra ai, masha a myit tsaw myit dap ai gaw jahten kau ai hkrum na ra ai. Hpara sumla ni tsep kawp mat mat nna, dai Madu chyu sha dai shani e shagrau shatsaw ai hkrum na ra ai.

ESAIA 37:36

Dai Madu a lamu kasa langai gaw Asuri ni nga ai dap de sa nna hpyenla 185,000 hte hpe sat kau wu ai. Hpang shani jahpawt jau jau aten hta, shanhte yawng gaw dai shara e si taw nga ma ai.

ESAIA 41:12

ginding aga ntsa kaw na shanhte hkoi mat na mara ai.

ROMA 4:17

Dai gaw, “Ngai nang hpe masha amyu law law a kawa shatai sade ai,” nga nna Chyum Laika hta tsun da ai hte maren rai nga ai. Dai rai nna Abraham kam sham ai Karai Kasang a man e dai ga sadi gaw mai kaja ai hte grin nga malit dai. Shi gaw Abraham kam sham ai Karai Kasang, si mat ai ni hpe jahkrung ya ai Karai Kasang, shawng de garai n byin yu ai arai ni byin tai paw pru wa hkra hkang da ai Karai Kasang, shi nan rai nga ai.

1 KORINHTU 1:20

Dai re ai majaw, hpaji byeng-ya rawng ai wa kanang nga a ta? Laika ka ai sara kanang nga a ta? Ndai mungkan ga na ga tsun shingjawng lu ai ni kanang nga a ta? Karai Kasang gaw ndai mungkan ga a hpaji byeng-ya hpe angawk angak kaman lila shatai kau ya manu ai n rai ni?

1 KORINHTU 2:6

Rai ti mung ngai gaw, Wenyi makam masham lam hta myit su kunghpan sai ni hpe hpaji byeng-ya hte kapyawn nna tsun dan nngai. Rai ti mung dai gaw ndai mungkan ga hte seng ai hpaji byeng-ya n rai; mungkan ga na du ni a hpaji byeng-ya atsam mung n rai; mungkan du ni a n-gun atsam gaw sum mat wa magang nga ai.

2 KORINHTU 12:11

Ngai gaw angawk ai wa zawn rai nga nngai. Nanhte mahtang ngai hpe dai zawn rai shangun manit dai. Nanhte ni mahtang ngai hpe tau madi shadaw ai lam madun ang ai ni rai nga myit dai. Hpa majaw nga yang, ngai gaw hpa n re ai wa rai nga yang pyi gaw, nanhte a laksan ahkyak shatai ai “Kasa ni” hta gara hku nna mung n grit nga nngai.

TARA JAHPRANG 28:63

Dai Madu gaw nanhte hpe ngamu ngamai shangun nna shalaw jahtam ai hta kabu sharawng nga ai zawn nanhte hpe shamyit kau nhtawm jahten sharun kau na hta mung kabu sharawng na rai wu ai. Nanhte gaw nanhte madu la hkyen ai mungdan kaw na gawt shapraw kau hkrum na marin dai.

2 HTESALONI 2:8

Dai hpang dai N hkru Ai Wa dan pru na ra ai, rai ti mung Madu Yesu du sa ai shaloi N hkru Ai Wa hpe shi a n-gup kaw na pru ai nsa hte sat kau nna, shi a htoi kabrim ai hpung shingkang hte jahten shaza kau na ra ai.

HEBRE 2:14

Kasha ni ngu nna shi shanhte hpe shamying wu ai hte maren, asai ashan dagraw ai masha ni rai nga ma ai. Yesu shi hkum nan mung shanhte zawn asai ashan dagraw ai shinggyim masha hkum hkrang rau rum hkam la wu ai. Shing rai hkam la ai lam gaw si hkrung si htan hpe up ai nat wa a atsam hpe jahten shabyak kau na matu rai nga ai.

SHINGRAN 18:17

Hkying hkum mi laman hta sha, lu ai sut gan arung arai mahkra shi shamat kau nu hka!,” nga nna hkrap ngu hkrap ngoi sharung shayawt na mara ai. Sanghpaw li agyi ni nga manga hte dai hta jawn lawm ai bu hkawm masha ni yawng, sanghpaw li hta amu galaw ai masha ni hte, panglai hka lam hku tam lu tam sha kan bau nga ai hpaga masha ni yawng gaw, tsan tsan e tsap nga nna,